Muli u befasua dje nga një postim i superdhëndrit, i cili zbuloi se rrëmujat në Sri Lanka i ka bërë Erion Veliaj me Aleks Sorosin, të cilët kanë dashur të sjellin në pushtet një qeveri të lidhur me Sorosin në SHBA.
Shumë nga faktet Muli nuk i di, ngaqë nuk lexon dot dhe lajme në anglisht, dhe zbulimi i superdhëndrit e la pa frymë.
Thirri Lelon se si mund ta bënin më popullore këtë çështje.
-Është pak e vështirë,- tha Lelo, që ta bëjmë dhe popullore, edhe t’ia japim meritat dhe Erion Veliaj.
Nëse themi që do ta bëjmë si në Sri Lanka, duhet të themi që Sri Lankën e bënë udhëheqës që janë aleatë tanët, jo të Erion Veliajt.
Pra mund të themi e ka bërë Rusia, Putini apo dikush tjetër, por jo Sorosi.
Se po thamë Sorosi, na bie fabula.
Pastaj i bie që këtu trazirat t’i udhëheqë Erion Veliaj dhe ta marrë ai pushtetin, dhe ne të ngelemi me gisht në gojë.
-S’më kishte shkuar mendja këtu, tha Muli. Ke të drejtë.
Duhet tia shpjegojmë dhe këtij superdhëndrit këtë, tha Muli.
-Mund t'ia shpjegojmë, por varet sa kupton,- tha Lelo.
Se inatin më të madh ata protestuesit në Sri Lanka e kishin me rezidencën e presidentit, se qe e madhe.
Merre me mend t’u thotë Erion Veliaj këtu që shkoni tek kompleksi “Partizani”, se ka superdhëndri 250 apartamente.
Lëshohet gjithë Bathorja aty dhe na fut sherrin brenda familjes politike.
-Ke të drejtë, tha Muli. Ja paska fut kot.
Po si të bëjmë një fabulë që të themi se dhe këtu populli do t’ua bëjë këtyre të pushtetit si në Sri Lanka?
-Kjo po mund të bëhet, tha Lelo.
Por duhet të nxisim qeverinë të mbyllë pikat e Kastratit, që të shkaktohet revoltë.
-A, jo jo. Lere fare, tha Muli. Nuk ja vleka.
Humor me te bukur nuk ka, jam kenaqur me Lelon dhe fabulen qe nuk kupton Muli.