Muli i shqetësuar që nuk promovoi sa duhet ditëlindjen e teta Lilit 

5 Korrik 2022, 19:25Antena TEMA

Sot ka pas ditëlindjen teta Lili dhe Muli u kap në befasi, ngaqë mban përmendësh vetëm ditëlindjen e Doktorit.

Në mëngjes, kur Doktori postoi fotografinë familjare, ishte shumë vonë.

Thirri Lelon se çfarë mund të bëhej për këtë.

-Është pak fabulë e vështirë, tha Lelo.

Vështire të kesh në fotografi katër vetë të akuzuar për korrupsion nga Amerika dhe të bësh lajm pozitiv.

Duhet të postojmë vetëm foton e Lilit, se për ata të tjerët është e vështirë.

-Po ne na duhet lajm për demokratët, jo për armiqtë tanë.

Ata të thonë çfarë të duan.

-Po dhe për demokratët duhet një fabulë inteligjente, pasi kjo që thotë superdhëndri për shembull tingëllon keq.

Ai thotë që teta Lili jeton vetëm me pensionin e vet.

Atëherë njerëzit pyesin:

-Çfarë kriminelësh i paska ky Saliu fëmijët, që nuk i japin mamas ndonjë lekë.

Vajza ka 250 apartamente tek ish-klubi Partizani.

Djali ka televizion, dyqane mode dhe llogari pa fund, kurse nënën e lënë vetëm me pension.

Nuk është mirë as kjo. Është nxituar ai.

-Po diçka që të krijojmë idenë që kjo është Nënë Tereza e demokratëve?

-Po dhe kjo pak e vështirë, pasi duhet të ndërtojmë një fabulë që kjo jep nga pasuria e saj për demokratët.

Pak e vështirë, se do na dalë ndonjë nga këta që kuron fëmijët dhe kjo u merr lekë.

Vetëm po pranoi ndonjëri që të thotë dikur kam qenë autik dhe sa më preku teta Lili u bëra njeri normal.

-Po shumë mire, kjo duhet bërë.

Ta gjejmë njërin që ta thotë këtë.

-Dakord jam. Dhe po nuk gjetëm, mund ta thuash dhe ti.

E besueshme është.

1 Komente

  1. S
    Sara

    hahaha me lot!!! rrofshin rrotat si Muli!!

    Lini një Përgjigje