Scholz: Gjermania nuk do t’i dërgojë avionë luftarakë Ukrainës

30 Janar 2023, 14:55Bota TEMA

Scholz: Gjermania nuk do t’i dërgojë avionë luftarakë

Kancelari gjerman, Olaf Scholz tha se Gjermania nuk do të dërgojë avionë luftarakë në Ukrainë. Kjo deklaratë vjen pasi Kievi rriti thirrjet për armë më të avancuara nga Perëndimi për të ndihmuar në zmbrapsjen e pushtimit të Rusisë.

Scholz u pajtua javën e kaluar për të dërguar 14 tanke Leopard 2 në Ukrainë dhe për të lejuar vendet e tjera evropiane të dërgonin të tyret, pas disa javësh debat intensiv dhe presion në rritje nga aleatët.

Pas këtij vendimi, zëdhënësi i Kremlinit, Dmitry Pesckov, tha se vendimet e Perëndimit, përfshirë edhe dërgimin e tankeve, po krijojnë një situatë “shumë, shumë të tensionuar” të sigurisë në Evropë dhe për botën në përgjithësi.

Ukraina ka muaj që kërkon tanke luftarake, për të luftuar forcat ruse që e kanë nisur luftën në këtë shtet. Presidenti ukrainas, Volodymyr Zelensky, beson se rreth 300 tanke do të ndihmonin në mposhtjen e Rusisë.

Polonia, Spanja, Finlanda, Holanda dhe Norvegjia dhe disa shtete të tjera pritet të dërgojnë tanket e tyre Leopard në Ukrainë./REL

1 Komente

  1. I
    Igor

    Gjermania nuk dote dergoje direkt por indirekt si Polonia por haptas nuk guxojne te flasin mendojne se Ruset jane Analfabeta dhe nuk dine si ti zbulojne ,neve e dime se e gjysma e popullates ne Evrope dote vdesim nga uria dhe nga cmimet e larta qe nuk mundemi ti perballojme si popull.

    Lini një Përgjigje