Te fundit
Dilemat e Berishës për të vazhduar më tej
6 Tetor 2023, 20:06Editorial
Mero Baze
Duke lexuar sot raportin e OSBE/ODIHR, sipas dëshirës së tij, në fakt Sali Berisha ka shfaqur për herë të parë zyrtarisht dorëzimin e tij për të vazhduar betejën më tej me Edi Ramën. Edhe pse e ka thënë shumë herë në të shkuarën, gati për çdo kryeministër kundërshtar, sot e tha në mënyrë zyrtare se me Edi Ramën nuk fitojnë dot më zgjedhje.
Kjo deklaratë zyrtare e tij ka të mirat dhe të këqijat e saj për ndjekësit e tij.
E mira e kësaj është se tani ata e kanë të ndarë mendjen që nuk fitojnë dot zgjedhjet duke pasur në krye Berishën përballë Ramës, pasi vet Berisha e pranon që me atë nuk i fiton dot zgjedhjet.
Arsyet që u jep atyre, që nga blerja e votës së individit, blerja e popullit, blerja e ndërkombëtarëve, dhe në fund dhe blerja e Lulit, e bëjnë dhe më të errët tablonë për ta.
Pra i bind ata më shumë se ai nuk e mund dot Edi Ramën dhe me këtë rast, ata që do vazhdojnë të qëndrojnë me Berishën, janë opozitarë të qartë, që nuk duan fitore, por duan të jenë në opozitë. Pasi siç ka thënë dhe Dash Shehi, ka dhe njerëz që kandidojnë të jenë në opozitë.
Po ashtu, një tjetër anë e mirë e kësaj deklarate zyrtare, është se askush nuk ka më pritshmëri për të fituar Berisha, por janë me sytë nga qielli mos i ndodh gjë Ramës. Dhe kjo nuk është pak. Sa do rrojë ai, një ditë do të iki si gjithë të gjallët.
Ana negative e këtij procesi është që nuk deklaron dot bojkot të zgjedhjeve, që do të ishte normale. Nuk e deklaron dot, jo aq nga përvoja e vitit 2019, por më shumë nga fakti që çdo bojkot zgjedhjesh nga Berisha e lë vetëm Berishën.
Është e qartë që Ilir Meta dhe Lulzim Basha mezi presin që Berisha të bojkotojë zgjedhjet dhe ata mbushin boshllëkun e tij, duke e zhdukur dhe “de jure” nga harta opozitare.
Për këtë arsye qëndrimi i sotëm zyrtar i Berishës ndaj të ardhmes së zgjedhjeve me Ramën vetëm sa rrit dëshpërimin e demokratëve që e mbështesin dhe i përgatit ata për humbje.
Natyrisht ka një opsion që mund të ngjallë shpresë dhe ai është largimi i Berishës, dhe përballja e një lideri të ri me Ramën. Por Berisha nuk është gati për këtë, por as të mundë Edi Ramën.
E vetmja arritje që ka bërë, ështe sqarimi paraprak, që mos prisni prej tij të mundë Ramën. Ndaj mos guxoni ta akuzoni pas zgjedhjeve.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Më në fund, Berisha e pranoi zyrtarisht që babai i mushkës, është gomari….me një fjalë, bëni çtë doni, flisni e pirdhni me gojë, sa tju çahet gurmazi, vrituni e prituni me njeri tjetrin, por unë (Sali Ramë Berisha) sa të kem frymë, do të jem në krye të SHQUP-it. Kush të dojë, le të rrijë, kush nuk do, të shikojë punën e tijë. Të lumtë goja o Sali, sa mirë fole sot.
Unë kam shumë shpresë tek Berisha, sidomos duke shtuar edhe më shumë radhët e "Qytetari Dixhital", ose më saktë, rrjeti i tij personal i spiunëve, (njëjtë me rrjetin personal të diktatorit Hoxha, anëtar i të cilit ka qënë dhe vetë) pa tjetër që do ja dalë të mund Ramën.
Jo po të merret si Jimmy Carter, i cili pasi iku nga president i SHBA, ja kushtoj jetën zhdukjes së krimbit që shkaktonte sëmundje vdekjeprurëse në Guinenë Ekuatoriale dhe thotë se pa ngordhur dhe krimbi i fundit unë nuk iki nga kjo jetë. Kurse me Berishën puna ndryshon, ai s'mund t'a ulë vehten të merret me zhdukjen e krimbave, Berisha është një luftëtar i përjetshëm i cili lufton për zhdukjen e armiqëve të lirisë. Dhe kjo arrihet sipas tij, vetëm nëpërmjet "Qytetarit dixhital", krimbave që gjithë jetën janë marrë me spiunllëqe.
Piçken e semes do mund Saliu kryeministrin Rama.
Asnje Regjim ne bote nuk ka rene kurre me zgjedhje. Edhe ky Regjimi Rama gjithashtu sepse Regjimet nuk bejne zgjedhje, por farsa zgjedhore (arsyeja kryesore se bashku me varferine qe po shpopullon Shqiperine) Ky Regjim Rama pra ose do rrezohet me protesta, ose do pritet deri kur te gremiset vete i falimentuar ashtu si Regjimi i Rames Pare Alia ne 1991.