Ligji i ri për investimet strategjike, Ibrahimaj: Brenda vitit miratojmë paketën e re, konsultimet nisin gjatë verës

Ministrja e Ekonomisë dhe Inovacionit, Delina Ibrahimaj, bëri të ditur se qeveria synon të miratojë brenda këtij viti ligjin e ri për investimet strategjike, i cili do të harmonizohet me standardet e Bashkimit Evropian dhe do të synojë rritjen e sigurisë juridike për investitorët, si edhe nxitjen e investimeve në zonat më pak të zhvilluara të vendit.

Gjatë një deklarate për mediat, Ibrahimaj tha se aktualisht është duke u zhvilluar një analizë e legjislacionit dhe skemave mbështetëse të vendeve anëtare të Bashkimit Evropian, me synimin për të ndërtuar një paketë sa më konkurruese për tërheqjen e investimeve të huaja.

“Kemi marrë përsipër që brenda këtij viti të miratojmë ligjin e ri. Po punojmë për një analizë të të gjitha vendeve të Bashkimit Evropian dhe incentivave që ato kanë, me qëllim nxitjen dhe tërheqjen e investimeve në vendet e tyre. Brenda verës nisim procesin e konsultimit për elementët e rinj të ligjit, që do të përqendrohen në rritjen e sigurisë juridike të investitorëve sipas standardeve të BE-së dhe në tërheqjen e investimeve në zonat e disavantazhuara”, deklaroi ministrja.

Sipas saj, një nga dokumentet kryesore është politika industriale, e cila do të fokusohet te zhvillimi i industrisë nxjerrëse dhe shfrytëzimi më efikas i potencialit minerar të Shqipërisë. Ibrahimaj theksoi se objektivi i qeverisë është krijimi i një mjedisi më të favorshëm për investitorët, duke rritur konkurrueshmërinë e ekonomisë shqiptare dhe duke e afruar më tej me tregun evropian.

“Po punojmë për disa dokumente politike për zhvillimin e ardhshëm të ekonomisë së vendit. Një prej tyre është dokumenti për politikat industriale, i cili përqendrohet te lëndët minerale, pasi Shqipëria ka potencial të madh për të zhvilluar industrinë nxjerrëse. Synojmë që asetet dhe burimet që kemi t’i integrojmë në zinxhirin e vlerës së Bashkimit Evropian”, u shpreh Ibrahimaj.

Shqiptarët shtojnë kursimet në banka - BSH: Depozitat në maj rriten sërish. Si në valutë, ashtu edhe në lekë

14:50 Ekonomia

Kompania shtetërore TAROM nis fluturimet direkte nga Rumania në Shqipëri

13:30 Ekonomia 1 koment

Ish-këshilltari i Clinton: Sazani i rrënuar, mundësi e madhe ekonomike për Shqipërinë, investitorët do derdhin miliarda dollarë për ta ndryshuar

13:20 Ekonomia 42 komente

INSTAT publikon shifrat: Sa u rrit ekonomia në tremujorin e parë 2026

11:55 Ekonomia 2 komente

Punët më të paguara në Shqipëri, institucionet ndërkombëtare kryesojnë listën

08:20 Ekonomia

Mbi 260 subjekte përfitojnë nga falja doganore, ekspertët: Kujdes afatet

12:40 Ekonomia

Tirana, qyteti i dytë më i shtrenjtë në Europë në raport me të ardhurat

08:20 Ekonomia 5 komente

43% e investimeve të huaja në pasuri të paluajtshme

18:50 Ekonomia 7 komente

Doganat fshijnë 505 milionë lekë detyrime të papaguara - Ligji i faljes/ 264 subjekte përfituan nga skema. Procesi vijon deri në fund të vitit

16:10 Ekonomia 5 komente

Trena elektrikë në linjën Tiranë–Durrës–Rinas/ Verdho: Njësitë do sigurohen nga operatori privat, që do bëjë dhe operimin e hekurudhës

12:00 Ekonomia 7 komente