Te fundit
A do konfiskojë SPAK pronën tek ish-Klubi Partizani, ku dhëndri i Berishës ngriti 19 kulla?
22 Dhjetor 2022, 18:52Kronika
TEMA
SPAK ka intensifikuar hetimet për identifikimit e personave me përgjegjësi të dyshuar për një prej aferave që ka shënjuar pushtetin e dytë të Sali Berishës, atë të tjetërsimit të pronës publike të ish-Kompleksit Sportiv Partizani, për llogari të familjarëve të Sali Berishës. Operacioni i denoncuar si korruptiv dhe që dyshohet se ka ndikuar për shpalljen e non grata të Sali Berishës nga Shtetet e Bashkuara të Amerikës, është realizuar nga qeveria me në krye Sali Berishën, në periudhën 2005-2009. Operacioni, për të cilin u angazhuan të gjitha segmentet e nevojshme të shtetit, u finalizua për llogari në interes të dhëndrit të Sali Berishës, Jamarbër Malltezi, i cili nga trashëgimtar i pretenduar i 140 m2 tokë, arriti të ndërtonte me para të dyshimta 19 kulla mbi pronën e tjetërsuar, duke u bërë pronar me 40 %.
Para hetuesve janë paraqitur ish ministrat e Mbrojtjes, Fatmir Mediu dhe Gazmend Oketa, ish ministri i Ekonomisë Genc Ruli, ish- gjenerali Vladimir Qirjazi, ish-shefi i Klubit Partizani Afrim Tole dhe ish-drejtori i Kompleksit Isa Tare. Dosja e privatizimit të ish-Kompleksit Partizani me numër 287/2020, është regjistruar nga SPAK për veprën penale të pastrimit të produkteve të veprës penale, parashikuar në nenin 287 të Kodit Penal. Për pastrimin e produkteve të veprës penale parashikohet 5-10 vite burg, ndërsa kur vepra kryhet në bashkëpunim, siç është edhe rasti i tjetërsimit të ish-Kompleksit Sportiv Partizani, parashikohet një dënim jo më pak se 15 vjet me burgim.
Në kallëzimin penal që deputeti Taulant Balla referoi në SPAK në vitin 2020, pretendohet se janë konsumuar veprat penale të shpërdorimit të detyrës në bashkëpunim, të ushtrimit të ndikimit të paligjshëm ndaj personave që ushtrojnë funksione publike në bashkëpunim, të falsifikimit të dokumenteve, pastrimit të të produkteve të veprës penale ose veprimtarisë kriminale si dhe vepra penale e korrupsionit aktiv dhe pasiv. Një pjesë të këtyre veprave penale janë parashkruar për shkak të kohës së gjatë të kryerjes së dyshuar të tyre, pasi operacioni abuziv për tjetërsimin e ish-Klubit Sportiv Partizani është finalizuar në tetor të vitin 2009.
Megjithatë, nëse SPAK do të ngrejë akuzë për veprën penale të pastrimit të produkteve të veprës penale, parashikuar në nenin 287 të Kodit Penal, pasojat do të shtriheshin deri tek prona e privatizuar.
Pastrimi i produkteve të veprës penale është një vepër objekt i ligjit anti-mafia të vitit 2009, i cili parashikon që përveç dënimit të autorit të veprës penale, konfiskohet edhe pasuria që është produkt i veprës penale, në rastin konkret prona publike ish klubi Partizani.
Dy shkeljet e reja
Shqiptarja.com sjell sot në vëmendje dy shkelje të reja me privatizimin abuziv të ish klubit Partizani nga Sali Berisha, ministrat dhe drejtorët e tij, për interesa të familjes së tij. Është shkelur ligji nr.8743 datë 22.2.2001 për pronat e paluajtshme të shtetit. Neni 3 i këtij ligji, pika 3, paragrafi i fundit parashikon që “Janë, gjithashtu, prona të paluajtshme publike, nëse i përkasin shtetit, edhe aktivet e ngurtësuara (ose të trupëzuara), që shërbejnë për kryerjen e shërbimeve publike si: -paragrafi i fundit (- parqet, lulishtet, sheshet publike në qytete e qendra të banuara, ndërtesat së bashku me oborret që përdoren për shërbime që ofrohen nga shteti për arsimin, shkencën, kulturën dhe sportet, për shërbimin shëndetësor e shoqëror, për institucionet qendrore dhe vendore, si dhe rezidencat qeveritare së bashku me trojet mbi të cilat ngrihen këto prona.)
Pika 4 e nenit 3 parashikon që pronat e paluajtshme publike tjetërsohen ose jepen në përdorim sipas mënyrave dhe kufijve të përcaktuar me ligje të veçanta. Ligji i veçantë në rastin konkret, ishte ligji për sportin nr. 9376, datë 21.4.2005.
Neni 3 i ligjit për sportin të vitit 2005, parashikon që objekt sportiv është send i paluajtshëm, i ndërtuar në përputhje me kushtet e nevojshme për zhvillimin e një apo disa sporteve, në bazë të rregullave teknike, të miratuara nga federata kombëtare e sportit përkatës. (I tillë ka qenë edhe ish kompleksi sportiv Partizani.)
Ndërsa neni 31 përcakton mënyrën e tjetërsimit të objektit sportiv dhe vendos kufizimin e detyrueshëm. Objektet sportive privatizohen nga pronarët e truallit, kur ka të tillë, në të kundërt, jepen me koncesion, në përputhje me ligjin nr. 9663, datë 18.12.2006 "Për koncesionet dhe pjesëmarrjen e sektorit privat në shërbimet publike dhe infrastrukturë", me kusht që të mos u ndryshojë destinacioni.
Pra, ligji vendos si kusht mosndryshimin e destinacionit të objektit sportit, në rastin konkret të ish Klubit Partizani. Objekti është privatizuar nga qeveria Berisha, duke ndërtuar më pas kulla me vlerë dhjetëra milionë euro.
Pikat kyçe të aferës
-Pikat kyçe të aferës janë dyshimet e forta se trashëgimtarët e pretenduar, të përfaqësuar nga dhëndri i Sali Berishës në këmbim të përfitimit të 35 % të sipërfaqes që do të kthehej, janë shpronësuar dhe kompensuar nga Italia fashiste në vitet 1993-1942 në funksion të planit për zgjatimin e aeroportit.
-Nga vitit 1996 kur u njohën si ish pronarë më të drejtë parablerje të pronës në rast shitje ose kompensimi, trashëgimtarët nuk bënë asnjë përpjekje për t’u kompensuan, por pritën që të vinte në pushtet Sali Berisha në vitin 2005, për të marrë pronën, duke përfshirë edhe prona të tjera publike dhe private, që nuk u takonin, me sipërfaqe rreth 4.5 mijë m2.
-Nga viti 2005 deri në vitin 2009, Sali Berisha angazhoi të gjithë strukturat e nevojshme shtetërore për të privatizuar dhe kaluar në duart e familjarëve të tij pronën shtetërore ish Klubi Partizani.
-I vetmi zyrtar që doli kundër makinerisë së Sali Berishës ishte Gjenerali Vladimir Qirjazi, i cili u kërcënua, shantazhua, transferua dhe më pas u ndëshkua me shkarkim. Sali Berisha përdori ministrin e Mbrojtjes dhe zyrën anti korrupsion në Kryeministri, për t’u bërë presion me kontrolle korruptive dhe shkarkim Gjeneralit Vladimir Qirjazi.
-Trashëgimtarët e pretenduar morën 26 mijë m2 tokë, nga 24 mijë që mund t’u takonin, duke përvetësuar kështu edhe 4 mijë m2 pronë publike.
-Në sipërfaqen e kthyer në mënyrë abuzive dhe klienteliste, u asimilua edhe rreth 500 m2 tokë e shtetasit Esat Pira, ku përfshihej edhe pishina tek ish-Klubi Partizani.
-Pati vlerësime dhe zhvlerësime abuzive të godinës së Klubit Partizani, me qëllimin e qartë për të favorizuar dhëndrin e Sali Berishës, që të paguante sa më pak para, në kurriz të interesit publik.
-Nuk dihet burimi i parave të Jamarbër Malltezi për ngritjen e 19 kullave tek prona e tjetërsuar, ku është pronar me 35-50 %. Në vitin 2006, Jamarbri dhe Argita kanë deklaruar vetëm rreth 40 mijë euro kurime që u kishin mbetur, pasi paratë e tjera i kishin investuar në blerjen e pasurive të paluajtshme. (Shqiptarja.com)
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Duhet nje trup gjyqesori nga Usa Se kta ktu jane te gjithe te koruptuar .
Po duhet gernuar pake me teper se ka dhe te tjere qe Ndertuar kullat dhe sote nuk Ju ndihet zeei fare. ! Meqenese ky Jamarber e permendur njehere se cili ishte qe ka Ndertuar aty. ! Nese edhe Ai tjetri qe ka Ndertuar dhe nuk Akuzohet. ! Atehere eshte loja qe AI tjetri mos te mbaje pergjegjesi. Ligjore. !
Jo vetem ti sequestroje,por edhe ristabilizim te terrenin duke i sekuestruar c'do lloj prone atyre qe kane marre pjese ne grabitje per rimbursim te atyre qe kane ble prona aty nga banditet e familjes se Saliut,ne qofte se nuk mjaftojne ne rimbursime,duhet ta beje shteti rimbursimin per pjesen e mbetur pa shlyer nga grabitesit,dhe kusaret, madje duhet tu shtohet koha ne kafaz per gjithç'ka qe mund ti kene borxh shtetit e nuk jane ne gjendje te paguajnene , pastaj,rrafshoi te gjitha e ristabilizim te prones se shtetit, ne qofte se nje shtet do qe te quhet i tille, duhet te veproje ne kete menyre,qe te vene mend te tjeret!!! Por e verteta qendron tutje, kam frike se do ta hollojne e sterhollojne,e ne fund do pagujn ndonje kacidhe si demshperblim shtetit,e do gezojne pjesen me te madhe te zullumit.
Vetëm konfiskimi total do jetë leksion per gjithë ata që grabisin ,falsifikojnë dhe tjetërsojnë pronat shtetërore apo private.Kollovari i ndyrë ka dënimin e përjetshëm për të bashkjetuar me gërdallën e shpifur.
Sheqerja trashegonte toka ne Lalez ne Tirane e disa vende te tjera Cte bente Sali varfanjaku..Vetem ne vendin tone kane ndodhur cudira me pronen ku i zoti duket te rropatej gjykatave me dokumenta origjinale dhe duhej te paguante kurse kafshet e egra zbritur nga malet si cubi Sali marrin hapesira prona te shtetit qe normalisht nuk kthehen fizikisht dhe. ndertojne. po leket ku I gjeten se te gjithe i. dime te ardhurat .Kryehajdutin Sali duvet ta comme ne burg me orkester ose me saze.
Kur do ndodhi kjo se shum vite ? njerzit vdesin nga ķovidi.
Ato 19 Kulla te ndertuara nga Argita berisha, jane bere me parate e rryshfetit, me parate qe i merrte Argita berisha Rezart Tacit, financuesit kryesor te familjes Sali Berishes. Banka ka transaksione te sakta mbi keto para qe transferonte Rezart Taci ne llogarine e Argita berishes.
sa shakaxhinje qe jeni me kete pyetje!!!!nga kush prisni nga shoket e adriatik llalles,ku ka burra ne kete vend.
Me i konfiskue dhe me ja dhane Meris e Tao Taos
Asnje ushtarak i larte nuk pranoi firmosjen e zhberjes se kesaj prone per ta marre Malltezi, dhendrri i perbindshit. U gjet nje skuth, sic eshte Gjunkshi, ne ate kohe thjesht nje komandant ne Zall Herr. Menjehere Vampiri Salih e beri nga hici ne Shef te Shtabit te Pergjithshem. Ne ate detyre ishte nje turp per ushtrine. Vetem vidhte deri tek leket e njerezve qe shkonin ne misione. pas 3 vjeteve ne kete detyre, vazhdoi qoka per te nga vampiri duke e bere nje delenxhi deri depudet...
Pergjigja eshte JO ,JO ,JO . Prona ju kthye PRONAREVE TE LIGJSHEM . Spak te merret me pronat qe vjedh qeveria çdo dite.