Rusia me notë verbale për Shqipërinë për shtetasit rusë të kapur në Gramsh

22 Gusht 2022, 17:26Kronika TEMA

Rusia me notë verbale për Shqipërinë për shtetasit

Ambasada e Rusisë në Tiranë i ka dërguar një notë verbale Ministrisë së Evropës dhe Punëve të Jashtme në Shqipëri, duke i kërkuar informacion lidhur me arrestimin e dy shtetasve në Uzinën Ushtarake të Gramshit, pasi mendohet se këta të fundit janë pjesë e forcave ruse të spiunazhit të GRU-së.

Informacionin mbi kërkesën ruse e ka bërë të ditur media ruse “Sputnik”, e cila jep edhe detaje mbi arrestimin e Mikhail Zorin dhe Zvetlana Tomfeyeva-s, në bazë të tre akuzave të ngritura nga Prokuroria e Elbasanit.

Shtetasit rusë dhe ai ukrainas, patën fotografuar uzinën e Gramshit dhe njëri prej tyre theu rrethimin, duke u përleshur edhe me dy ushtarakë dhe duke i plagosur ata me agjent neuroparalizues.

Tre nenet e Kodit penal, për të cilat të tre akuzohen, janë ai 214, 237 dhe 279.

Më i rëndësishmi, neni 214, ka të bëjë me sigurimin e informatave sekrete me karakter ushtarak apo të çdo lloji tjetër, me qëllim që t’i jepen një fuqie të huaj, për të cenuar pavarësinë e vendit. Ky akt dënohet me burgim nga tre deri në dhjetë vjet, nëse vërtetohet me vendim të formës së prerë të Gjykatës.

Neni 237 lidhet me goditjen ose vepra të tjera dhune kundrejt një punonjësi që kryen detyrën shtetërore apo një shërbim publik, për shkak të veprimtarisë së tij. Ky akt, dënohet me gjobë ose burgim deri në tre vjet.

Neni 279, ka bëjë me mbajtjen, blerjen apo shitjen të armëve të ftohta, ku në këtë rast përfshihet edhe agjenti neuroparalizues që kanë përdorur rusët.

Albanian Post ka kontaktuar edhe me Ministrinë e Evropës dhe Punëve të Jashtme  shqiptare mbi çështjen, por në përgjigje thuhet “ende nuk ka informacione mbi këtë notë verbale të dërguar nga Ambasada ruse”.

Çfarë ngjau në Gramsh dhe cilat janë dyshimet?

Një ngjarje e rëndë e nodhur në Uzinën Ushtarake të Gramshit rroku vëmendjen e gjithë opinionit publik të shtunën e 20 gushtit, kur dy ushtarakë shqiptarë, në turnin e rojës, u konfliktuan me një shtetas rus, i cili kishte kaluar rrethimin, po fotografonte zonën dhe i sulmoi ushtarët me një agjend neuroparalizues.

Pavarësisht kësaj, rusi u neutralizua në vend, teksa dy persona të tjerë, një shtetase ruse dhe një shtetas ukrainas, u kapën duke u larguar nga vendi i ngjarjes.

Të tre personat, janë nën akuzë për spiunazh në Shqipëri tashmë dhe detaje të tjera nga ngjarja janë bërë publike.

Sipas dëshmive të para, ata kanë pretenduar se janë bloggerë dhe fotografojnë vende të braktisura.

Mirëpo kjo alibi, është hedhur poshtë nga hetimet, pasi bëhet me dije se ardhja e tyre në Shqipëri, u bë në kohë të ndryshme. Po ashtu, pas identifikimit të shtetasve rusë, u bë edhe identifikimi i shtetasit ukrainas.

Ky i fundit, quhet Fjodor Mihaljov dhe gjendej në Shqipëri prej tre javësh. Ai kishte qëndruar kryesisht në Tiranë gjatë kësaj kohe, në shtëpi me qera ditore.

Nga ana tjetër, shtetësja ruse, e identifikuar si Svetlana Timofoeva, kishte vetëm tre ditë që kishte mbërritur në Shqipëri.

Atyre u janë sekuestruar disa mjete nga makina me të cilën po udhëtonin, ku përfshihen edhe dronë, telefona celularë, aparate fotografike etj..

Shtetasit tjetër rus ndërkaq, i cili u përlesh me efektivët e ushtrisë dhe u identifikua si Mikhail Zotin, iu sekuestrua një aparat fotografik, i cili mendohet se është mjet i sofistikuar spiunazhi, pas kontrollit paraprak të çipave.

Për të tre këta persona, dyshimet janë shumë të forta se bëjnë pjesë në forcat ruse të GRU-së dhe janë spiunë profesionistë, me mision të parapërcaktuar në Shqipëri.

Nuk dihen ende detaje se pse pikërisht Uzina e Gramshit atyre u interesonte veçanërisht, duke qenë se ajo prej kohësh nuk kryen funksion.

Në ngjarje është përfshirë menjëherë drejtoria e Antiterrorit, për të zbardhur plotësisht çdo detaj.

Drejtori i Përgjithshëm i Policisë së Shtetit ndërkohë, Gledis Nano, ka shkuar në Komisariatin e Elbasanit, ku të dyshuarit si spiunë po merren në pyetje.

Nëse vërtetohet se ata realisht janë pjesë e GRU-së, atëherë ngjarja mund të trajtohet në përmasa edhe më të mëdha, mbi të gjitha në kontekstin e fundit kur gjendemi në kushtet e një lufte që po zhvillohet në Ukrainë nga ana e Moskës.

2 Komente

  1. K
    Këshilltari Presidentit BEGAJ

    Liruam 4 çekët që janë spiun të vërtet dhe po mbajmë 2 rusë dhe 2 Ukrainas që janë unitet i arrdhshëm i tyre dhe shembull i mirë për të gjithë nga show që u bë me spray verbues ndaj forcave ushtarake. Përshkallzimi situatës mund të ndodhi në çdo shtet të NATO-s, ndaj ne s'do ishte mirë të jemi pikë referuese e kësaj çorbe politike ushtarake internationale.

    1. M
      Mëso kur dhe si duhet folur.

      Ti rusofil gjej një nikname tjetër dhe pastaj komento. Ç'ke që e krruan menderen me presidentin e vëndit? Se çfarë janë ata nuk ngelet që t'na e sqarosh ti. Shteti ka institucionet e tij për t'i shkuar zgjidhjes së problemit deri në fund. Dhe po e pati të domosdoshme të kërkojë ndihmë, ka kush e ndihmon. Ndaj "vëri thembrën bythës" dhe prit deri sa situata të sqarohet. Mos u hap më shumë bythash, atë bëj. Apo nuk të rri dotë buça ty pa bërë gam gam ?...

    Lini një Përgjigje