Te fundit
Këshilli i Ministrave miraton marrëveshjen me Qeverinë e Francës lidhur me bashkëprodhimin kinematografik!
20 Qershor 2026, 09:18Kulturë
TEMA
Këshilli i Ministrave miratoi në mbledhjen e djeshme marrëveshjen me Qeverinë e Francës lidhur me bashkëprodhimin kinematografik.
Kjo marrëveshje përbën një hap të rëndësishëm në thellimin e marrëdhënieve kulturore Shqipëri-Francë.
Marrëveshja krijon një kuadër të ri ligjor dhe financiar që lehtëson bashkëprodhimet filmike dhe rrit aksesin e kineastëve shqiptarë në tregun dhe fondet ndërkombëtare.
Sipas marrëveshjes, veprat e bashkëprodhuara do të gëzojnë statusin e “filmit kombëtar” në të dy vendet, duke u mundësuar akses të drejtpërdrejtë në skemat mbështetëse financiare si në Shqipëri, ashtu edhe në Francë, pa procedura shtesë administrative.
Po ashtu, këto prodhime do të përfitojnë të njëjtat avantazhe ligjore dhe fiskale si veprat kombëtare të secilit shtet, duke krijuar kushte më të favorshme për zhvillimin e projekteve të përbashkëta.
Marrëveshja parashikon fleksibilitet financiar në bashkëprodhim, ku kontributi minimal i palëve mund të ulet deri në 10% të buxhetit total të projektit, duke i hapur rrugë pjesëmarrjes së producentëve shqiptarë në projekte ndërkombëtare me struktura buxhetore të ndryshme.
Kjo marrëveshje vlerësohet si një hap i rëndësishëm për konsolidimin e industrisë kinematografike shqiptare dhe zgjerimin e bashkëpunimit afatgjatë në fushën e artit dhe kulturës
Ky vendim hyn në fuqi pas botimit në “Fletoren zyrtare”. A.K./TemA
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po ku ka Shqiperia e varfer kinematografi o derezinj. Shqiperia s'ka as buxhet per pensionet. Franca po deshi te beje bashkepunime te hape ndonje vend pune nga investitore franceze. Arti, kinematografia, kultura jane tangerlliqe luksi qe ne nuk i kemi brenda mundesive.
Ky "bashkepunimi kinematografik" do jete qe regjizoret franceze bejne filmin dhe shqipot i cojne kafet me tabaka?