Te fundit
Rama firmos emrin e ri të kreut të Teatrit të Operas dhe Baletit
22 Qershor 2022, 16:42Kulturë
TEMA
Abigela Voshtina do të jetë drejtuesja e re e Teatrit Kombëtar të Operas dhe Baletit. Emri i saj është firmosur nga kryeministri Edi Rama, pas një gare ku morën pjesë dhe 6 kandidatë të tjerë përveç saj.
Në platformën e saj, violinistja Abigela Voshtina, i mëshonte ndër të tjera mungesës së një sezoni dy-vjeçar të Operas, si dhe bashkëpunimit edhe me Bashkinë e Tiranës.
Në fakt, Voshtina ka qenë drejtoreshë Artistike e TKOB, dhe ishin vetë artistët e Orkestrës Simfonike të TKOB që kanë dashur largimin e saj në 2017-ën.
Ata kanë bërë edhe një peticion ku e akuzonin për përdorim të postit për përfitime personale, shkelje të rregullores, probleme komunikimi etj. Por kreu i qeverisë shqiptare ka hedhur firmën për Abigela Voshtinën, duke e bërë atë drejtoreshë të Teatrit Kombëtar të Operas dhe Baletit.
Arben Skënderi, Abigela Voshtina, Tomorr Kokona, Adela Muçollari, Josif Gjipali, Zana Çela dhe Kleanthi Gjika ishin emrat që garonin për postin e rëndësishëm. Komisioni për Vlerësimin e Kandidaturave ka zgjedhur dy emra dhe ja ka propozuar kryeministrit Rama.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Si ka mundesi qe nuk e ka mbiemrin Fico ?
Urime drejtueses se re me kte emer kaq interesant e te bukur Abigela Voshtina
Drejtoresha e Surrelit Abigena Voshtina ka qenë drejtoreshë Artistike e TKOB, dhe ishin vetë artistët e Orkestrës Simfonike të TKOB që kanë dashur largimin e saj në 2017-ën.
Si ka mundësi që firmoset kandidatura me e diskutueshme në çdo emërim???????
Kjo është nga ato "Shtrigat e Salemit" apo është "Shtrigë e Sallamit"?
Une do t'kisha pasur deshire qe kete post ta merrte Josif Gjipali. Nje ze fantastik i operas.
Në poste (role) drejtimi, cilatdo qofshin ato, në rradhe të pare vleresohen aftesite menaxheriale dhe jo ato artistike. Se i bie qe po te konkuronte Tedi Papavrami si nje violinist brilant do duhej te fitonte ai? Dhe nuk po e shtrij më tej me shembuj të tjere ngajeta shoqerore-politike në Shqiperi apo dhe nga bota. Edhe aftesiet e spikatura drejtuese ne vetvete jane art. Nuk di se sa eshte e tille zonja që u perzgjodh te drejtoje TKOB, sepse me perjashtim te J.Gjipalit dhe A. Skenderit, dhe keta thjesht si artiste të njohur publikisht, të tjeret nuk i njoh.
pse ka akoma teater te operas dhe baletit ?