Te fundit
Basha: Berisha e ka kthyer PD si mburojë kundër SPAK, u duk qartë në thirrjen e protestës ditën kur iu komunikua akuza
24 Shtator 2024, 12:53Politika
TEMA
Kreu i PD-Demokratët Euroatlantikë, Lulzim Basha tha se Sali Berisha e ka dashur PD për ta përdorur si mburojë kundër SPAK dhe kjo u pa në protestën e thirrur para disa javësh kur i’u komunikua akuza.
Sipas tij, Berisha jo vetëm që nuk përbën shpresë por nuk arrin dot as të ngrihet në këmbë për të bërë minimumin e detyrës për të cilën u thirr një protestë për të mbrojtur të parin e saj.
“Është e qartë besoj që javën e kaluar për çdo demokrat, edhe për ata që në mënyrë më fanatike shkuan pas zotit Berisha, që ajo që kam paralajmëruar para 3 vitesh doli e vërtetë. Zoti Berisha Partinë Demokratike e ka dashur për ta përdorur si mburojë kundër SPAK, si mburojë kundër përcaktimeve të tij si non grata nga SHBA dhe Britania e Madhe. Dhe kjo u duk qartë në thirrjen e protestës para SPAK ditën kur iu komunikua akuza.
Siç duket qartë që ajo pjesë e PD që zoti Berisha pretendon të përfaqësojë, tashmë është e shkalafitur, e shkatërruar. Jo vetëm që nuk përbën shpresë, por nuk arrin dot as të ngrihet në këmbë për të bërë minimumin e detyrës për të cilën u thirr një protestë për të mbrojtur të parin e saj.
Kjo nuk është Partia Demokratike që meritojnë shqiptarët, kjo nuk është Partia Demokratike që meritojnë demokratët. Shqiptarët dhe demokratët meritojnë një Parti Demokratike, një parti opozitare, një koalicion opozitar i cili nuk ekziston, nuk frymon për hallet e të parit të vet, por për hallet e qytetarëve që nuk bëjnë opozitë fallco, por ditën siç e thashë bashkon votat me Ramën, e natën bën pazare me Ramën, ndërsa në ekrane bën sikur sulmon Ramën. Por që ka një alternativë të qartë të besueshme për ta nxjerrë vendin nga qerthulli i krizave të njëpasnjëshme që ka prodhuar keqqeverisja e korruptuar e Edi Ramës.
Dhe ne jemi pikërisht në rrugë të formësimit të një alternative të tillë dhe thirrjes ndaj qytetarëve shqiptarë për të braktisur një herë e mirë duopolin e Edi Ramës dhe Sali Berishës dhe për të zgjedhur për veten e tyre, për fëmijët e tyre, për familjet e tyre një rrugë të re me një program i cili u përgjigjet nevojave të tyre dhe me deputetë, me kandidat për deputetë të cilët e kanë provuar, e vepra jo me fjalë të cilët kanë vënë interesin publik, interesat e qytetarëve mbi interesat e tyre të ngushta personale”, tha Basha në një intervistë për Top News.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Lul, bashkohu me shoket, je nje bashkepunetor mevlere, por nuk ke kellqe per t'u bere udheheqes.
Martin ,kush ta ka mesuar Kate vjershe , se nga mendja jote nuk e ke . Jane profka te thena e sterthena nga plackitesit dhe mafiozet qe te kane hedhur thonjte ne fyt ty dhe gjithe ne te tjereve . Vazhdo mbahu iso , se mire do te dale ...
Politikanet shqiptare pa perjashtim jane nje çuarje dem e spermes njerezore ........