3 mijë shqiptarë punuan në ndërtimin e stadiumeve për Kupën e Botës në Katar

29 Nëntor 2022, 21:10Sociale TEMA

3 mijë shqiptarë punuan në ndërtimin e stadiumeve për

Rreth 3 mijë shqiptarë morën pjesë në ndërtimin e stadiumeve ku po luhen ndeshjet e Kupës së Botës. Drejtues i një prej kompanive shqiptare që operon në Doha, për Euronews Albania tregoi kushtet e punës dhe mënyrën se si shqiptarët shkojnë në Katar.

Albert Leka prej 12 vitesh ka jetuar në Doha, Katar, ku ka ngritur dhe biznesin e tij. Kompania që ai drejton është kontraktuar për të kryer punimet në një nga stadiumet ku sot luhet Botërori 2022.

“Kemi marrë pjesë në gjithë strukturën e kryer të World Cup, si rrugë dytësorë dhe tokësore, një seri linjash trenash, si firmë shqiptare dhe duke punësuar shqiptarë. Të gjitha këto kanë filluar pas 2014. Rreth 3000 të rinj nga Shqipëria, janë punësuar për të qenë pjesë e punimeve”, thotë Albert Leka, sipërmarrës.

Sa i takon kushteve të punës, ai tregon se jo të gjithë mund të shkojnë të punojnë në Katar. Madje, dhe kompania që punëson duhet të ketë disa kritere.

“Që të punosh në Katar, firma që të punëson duhet të ketë adresën e duhur, kodin e vizave të punës, siguracione dhe kartë spitali”, sqaron Leka.

Lajmet për vdekjen e më shumë se 6000 punëtorëve të vendeve të Azisë janë të ekzagjeruara, thotë Leka. Për të, të tilla gjëra ndodhin në ato kompani që marrin punëtorë të pakualifikuar për punën që duhet bërë.

“Sa i përket FIFA-s, është fryrë pamasë. Më thoni një shtet tjetër që është ndërtuar masivisht dhe s’ka pasur 0.2% një aksident të mundshëm. Punëtorët nga India, Pakistani, Bangladeshi kanë një ADN të caktuar dhe nuk përballojë një fluks të caktuar. Këto që i janë ngarkuar Katarit janë të padrejta”, thotë sipërmarrësi shqiptar.

Për të Katari është një ndër vendet më të sigurta. Madje, thotë se shumë prej punonjësve që ai ka dërguar janë zhvendosur përfundimisht atje.

Edhe pse është rikthyer prej 7 muajsh në Tiranë, Alberti thotë se zemra e tij është midis Shqipërisë dhe Katarit.

“Unë do vazhdoj të punoj dhe do dal në pension në Katar”, shprehet ai.



3 Komente

  1. N
    Niku

    "Punëtorët nga India, Pakistani, Bangladeshi kanë një ADN të caktuar dhe nuk përballojë një fluks të caktuar." Nuk e di cfare ka dashur te thote autori me kete por tingellon si rracizem i paster dhe ne shume vende deklarata te tilla jane te denueshme.

    1. S
      Shkodrani

      Padyshim ky tipi eshte rracist dhe cinik. Sipas tij eshte faji i punetoreve dhe jo i kushteve te papranueshme te punes. Trajnimi eshte pegjegjesi e punedhenesit dhe sikur Katari te jete me te vertete nje vend i sigurt dhe me rregulla, bilanci i viktimave nuk do te ishte aq i tmerrshem. Ky zoteria nder te tjera eshte edhe genjeshtar, per shembull gjate ndertimit te "Hoover Dam" ne 1931-in u punesuan diku te 5000 njerez dhe viktimat e deklaruara ishin 16 kjo eshte (0.032%) shume me e ulet se ajo cfare ai deklaron dhe behet fjale per nje periudhe historike kur siguria dhe rregullat ishin ne nje nivel te pakrahasueshem me ato te sotme. Natyrisht ka njerez qe thone se gjate ndertimit te diges vdiqen 100 punetore por edhe sikur kjo te ishte 100% e vertete perseri Katari del i nxire.

    2. G
      Genti

      Ky le të thotë sa janë shqiptarët kanë lënë jetë atje duke punuar. Se ata 6500 të vdekur nuk janë shifra të nxjerra kot më kot por njerëz fatkeq. Zyrtarisht kanë pranuat 500 të vdekur në punë, por duke ditur se i minimizojnë për arsye publiciteti duhet të jenë nja 2-3000 viktimat. Që nuk janë pak për një aktivitet që bëhet në emër të paqes, vllazërimit dhe argëtimit.

      Lini një Përgjigje