Te fundit
Italiani i vetëm në reanimacionin e Shkodrës: “Dua të kthehem në Itali”! Miku shqiptar kërkon ndihmën e Fiks Fare
22 Maj 2026, 20:57Sociale
TEMA
Një histori e dhimbshme vjen këtë herë në Fiks Fare nga spitali i Shkodrës, ku prej disa ditësh ndodhet i shtruar në reanimacion 56-vjeçari italian Sergio Claudio Marchiteli.I ardhur në Shqipëri pas problemeve familjare në Itali dhe me shqetësime të shëndetit mendor, ai tashmë ndodhet në gjendje të stabilizuar, por pa asnjë familjar apo njeri pranë që të kujdeset për të.
Alarmi është dhënë nga miku i tij shqiptar, Pjetër Vataj, i cili iu drejtua Fiks Fare me kërkesën që përmes ndërhyrjes së ambasadës italiane të bëhet i mundur rikthimi i Sergios në Itali.
Pjetri tregon se Sergio jetonte prej vitesh në Itali, por pas konflikteve familjare kishte vendosur të largohej dhe të vinte në Shqipëri. Fillimisht gjendja e tij ishte e mirë, por pak ditë pas mbërritjes u përkeqësua dhe përfundoi në urgjencë. Më pas ai u transferua në spitalin psikiatrik dhe më vonë në repartin e reanimacionit në spitalin e Shkodrës.
Sipas mikut të tij, Sergio nuk ka askënd në Shqipëri dhe ai vetë nuk mund të qëndrojë gjatë për shkak se jeton në Itali me familjen e tij. Ai pretendon gjithashtu se gjatë ditëve të para ka mbuluar edhe shpenzime për medikamente.
Fiks Fare kontaktoi drejtuesit e spitalit të Shkodrës, të cilët konfirmuan se pacienti ndodhet në reanimacion dhe se gjendja e tij është stabilizuar. Drejtoria e spitalit bëri me dije se ambasada italiane është vënë në dijeni për rastin, ndërsa për detaje mbi diagnozën dhe procedurat kërkoi një kërkesë zyrtare me shkrim.
Gazetarët e Fiks Fare verifikuan nga afër gjendjen e pacientit në spital, ku edhe vetë Sergio u shpreh se dëshironte të rikthehej në Itali.
Më pas, Fiksi kontaktoi ambasadën italiane në Shqipëri përmes numrit zyrtar të telefonit të publikuar në faqen e saj. Nga komunikimi me punonjësin e ambasadës u tha se institucioni kishte dijeni për rastin, por nuk kishte arritur të gjente asnjë familjar të shtetasit italian dhe as një kontakt telefonik të tij.
Pas pak minutash kërkimesh, Fiks Fare arriti të siguronte numrin e kontaktit të Sergios dhe ia përcolli menjëherë ambasadës italiane, me shpresën që tashmë të nisin procedurat për kontaktimin e familjarëve dhe kthimin e tij në Itali.
Top Channel
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Cfare historie ashte kjo, ku ka perfundua fiksi I leshit
edhe?? cfare lajmi perben kjo gjo? apo te incitosh robt qe te komentojne sharjet e tyne mbi spitalet publike??
edhe?? cfare lajmi perben kjo gjo? apo te incitosh robt qe te komentojne sharjet e tyne mbi spitalet publike??
Kushtet qe kishte spitali ne Shkodre nuk i gjene kurre ne Itali , po e derguat ne itali vdiqe fare .
Italia nē krizē financiare.I kan thēnē puntirit shqiptar para 4 ditēve tē hypēn mbi pirun ( pēr tē justifikuar ditēn e punēs) nē 30 m lartēsi, me qēllim qē ti plasen trutē nē asfalt.Kjo ēshtē Italia, ne i bējmē milioner nē euro 60 vjeçarēt ( tranjer fshf) ndērsa ata na i sjellin tē masakruar.
O ju qifsha ropt juve fiksit, dhe italianit , ropqira , ndihmoni familjet shqiptare qe kane veshtiresi jo te huajt, se per shqiptaret jashte qe kane probleme, nuk i ndihmon njeri o ropqira
E ke shume gabim, jam vete deshmitar e perfitues familjarisht i ndihmes dhe solidaritetit nga italianet, e pikerisht ne Veneto, e nuk ishim te vetmit shqiptare, isha i bindur te gjeja paragjykime e rracizem karshi nesh ne ate krahine, e gjeta te kunderten, nga njeres qe nuk ta nerr mendja, e qe fare mire ne jete, mund te benin dicka tjeter, por jo, ishin aty, vullnetare, ne ndihme te atyre si une qe kishim nevoje, perkundrazi, kur kam qene ne Shqiperi ne te njejten periudhe, kam hasur diskriminim ne menyren me idiote qe mund te hasesh , nga nje nene shqiptare, e pa piken e turpit madje, ne qofte se duhet ti themi gjerat ashtu si jane. Italianeve nuk u ka munguar kurre solidariteti. Mund te ket pas raste , por te thuash qe shqiptaret jashte trajtohen te gjithe njesoj, eshte shume gabim.
Ja dhe nje njeri me zemer te madhe ... z. Peter Vataj...te lumte qe ndimon cilido qofte , aqe me teper nje te huaj Respekt ..
Spitali me kushte fantastike ...bravo qéveria.
Mendoni edhe nje me probleme mendore do te zhduket nga ky vend i mallkuar ,spitalet falas te gruashkerdhyerit te rilindjes