Te fundit
Nocioni taktik i Sylvinhos dhe ndikimi social që do të ketë ky sukses i Kombëtares!
19 Nëntor 2023, 13:43Sport
TEMA
Nga Andi Lila
Ekipi jonë kombëtar e nisi epokën Sylvinho menjëherë në një ndeshje zyrtare kundër Polonisë, e humbur në Varshavë, dhe të gjithë menduam se kjo humbje erdhi si paso që trajneri i ri nuk e njeh skuadrën dhe vendosi në fushë një sistem të ri taktik 4-2-3-1 ndryshe nga paraardhsi i tij Edi Reja që luante vazhdimisht me skemën 3-5-2 në fazen ofensive dhe 5-3-2 kur ekipi mbrohej, me këtë skemë ekipi kombëtar kishte shumë probleme në fazën mbrojtëse dhe sidomos nga krahët ku topat në thellesi në shtyllën e dytë perfunduan në gola për kundërshtaret.
Me ardhjen e trajnerit Sylvinho u vu re menjëherë që ai forcoi mbrojtjen ose më saktë skuadn në fazën mbrojtëse dhe që nuk ndryshoi në asnjë ndeshje sistemin taktik me 4 mbrojtës në vije të drejtë, Hysaj në pozicionin e tij natyral nga e djathta që rilindi dhe ishte një nga më të mirët. Zbulimi i trajnerit ishte Mitaj, mbrojtës i majtë që ishte thjesht fantastik dhe shpesh herë manovra ofensive nga linja e fundit nis pikerisht nga krahu i majtë. Ndersa dyshja e qendrës Gjimshiti-Ismajli ishin një siguri dhe patën rritje në çdo ndeshje.
Pika më e forte e kësaj skuadre është mesi i fushës me dyshen përpara mbrojtjes Ramadani-Asllani (double six), kimia midis tyre është e dukshme, Ramadani është muri i parë në mesfushë, për çdo aksion të kundërshtarit dhe Asllani që nuk e kam parë asnje herë të pasojë pa adresë dhe është ai që e nxjerr topin nga mbrojtja dhe të lidhi repartet kur ne kemi topin, gjithashtu goditjet nga distanca e bëjnë këtë lojtar të një niveli shumë të lartë.
Bajramin mund ta quaj pa frikë futbollistin vendimtar në këto eliminatore, ai merr pjesë në çdo aksion sulmues të Kombëtares, ka shënuar gola shumë të rëndësishëm, sidomos ai me Republiken Çeke në Pragë, ky futbollist ka lirshmeri nga trajneri Sylvinho të shkeli të gjithë fushën dhe të kërkojë topin në zona të lira midis repartit të mbrojtjes dhe mesfushës kundërshtare dhe shpeshherë është shumë i rrezikshëm me diagonalet e shkurtra nga vija e dytë dhe elementi suprizë për kundërshtaret bën që trajneri Sylvinho të ketë një rruge dalëse të sigurtë në manovrën ofensive me këtë lojtar.
Risia që solli trajneri Sylvinho me ardhjen e tij ishin sulmuesit ansorë që i kërkoi të ishin me kemvën e kundërt në krahun e kundërt, pra Asani një majtosh luan nga e djathta, ndersa Seferi luan me kembën e djathtë dhe luan në anën e majtë të sulmit. Trajneri kërkon në çdo rast që sulmuesit ansorë të futen nga qendra dhe të godasin portën (na kanë dhuruar gola spektakolarë) të asistojne, të futen ne triblime, në lojën 1vs1, të shkojnë gjithmonë në shtyllën e dytë kur topi luhet në krahun e kundërt dhe më e rëndësishmja të kthehen në fazen mbrojtëse deri në linjat e fundit. Gjithashtu trajneri Sylvinho preferon që sulmuesi kryesor të sakrifikojë shumë, të tërhiqet dhe ti lirojë hapsira sulmuesve të krahut, por dhe nr.10 që vjen në befasi. Cikalleshi ka sakrifikuar shumë duke e berë në mënyrën më të mire atë që i kërkon trajneri dhe kjo eshte arsyeja që ai është një titullar në çdo ndeshje. Goli kundër Moldavise me penallti do ta zhbllokoje këtë lojtar. Kemi parë gola spektakolarë nga distanca dhe jemi mahnitur nga Asani-Bajrami-Asllani por mendoj që akoma nuk kemi parë gol me goditje jashtë zone nga Cikalleshi, unë e pres dhe mendoj qe do bëj goditjen e tij.
Berisha, po e le në fund si qershia mbi tortë, në vlersimin tim modest mendoj qe ky portier është me i miri që unë kam parë dhe kam patur fat ta kem shok skuadre. Siguri-eksperiencë-talent-zgjuarsi dhe mbi të gjitha njerzor dhe shpirt grupi.
Shqipëria e Sylvinhos është një skuadër që ka një pjekuri taktike, ka durim,e pret kundërshtarin gjithmonë nën linjen e topit, shpeshherë ne 1/3 e fushës, menjëherë sapo futbollistët tanë rikuperojnë topa në zona të rëndësishme, ata nisen menjëherë përpara duke shfrytëzuar shpejtësinë e repartit të avancuar. Kjo mënyre loje e bën që skuadra jonë kombëtare të jetë shumë e rrezikshme në kundërsulm.
Alternativat në pankine, që trajneri Sylvinho përdor zakonisht pas minutës së 60’ nuk e ndryshojnë nocionin e lojës që ai kerkon. Kemi parë shpesh herë Dakun-Uzuni-Laci-Bare-Muci-Muja-Veseli-Strakosha-Kastrati-Balliu-Ajeti-Gjasula-Sadiku-Roshi sa herë që jan thirrur në apel janë pergjigjur pozitivisht në fushën e lojës, nuk ka gjë më të mirë për një trajner sesa të ketë një stol të kompletuar. Sigurisht nuk duhet te harrojmë që me rikthimin e Brojës ekipi kombëtar merr formen e një ekipi te madh që mund te konkurojë edhe skuadrat e nivelit të parë.
Arkitekti i këtij suksesi madhështor për Shqipërine pa diskutim është presidenti Armand Duka, në 8 vite ekipi kombetar shkon dy herë në Europian dhe merita kryesore është e Presidentit, lotët e tij pas çdo suksesi të Kombëtares tregojnë që ai ka berë gjithçka që të arrijmë në këto nivele, jam dëshmitar për këtë fakt.
Për ta mbyllur analizën time, në aspektin sportiv është një ëndërr, ndërsa në aspektin social të vendit do të ndikojë pozitivisht, sidomos tek rinia që është e rrezikuar nga veset që ata përballen çdo ditë, ata do të dynden në akademitë e futbollit (akademia Triumph) që të ndjekin ëndrrën dhe të behen si idhujt e tyre të rinj. Historia vazhdon…. ????????
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pa dyshim qe Presidenti Duka ka merita. Por eshte nje problem qe nuk e prek askush dhe ka te beje me korrupsionin dhe ne nje vend si Shqiperia, meriton te goditet fort. Eshte nje lojtar te Shqiperia( F.Veseli), qe ishte pjese ne Europianin e pare dhe para tij u sakrifikua Gjimshiti, Rrahmani dhe Rashica. Per çudi, vazhdon te jete pjese e Kombetares dhe tani dhe pothuajse nuk luan kurre. Me kujtohet se Dikur eshte permendur fakti qe lojtaret qe thirreshin ne Kombetare, paguanin shuma te medha për te qene pjese e saj. Perfshirja e Veselit sikur e verteton kete .
Analiza e ketij Andi Liles tregon ke pelqen Duka. Domethene te gjithe lojtaret qe futen behet me miratimin e Duka sharlatanit. Taktika qe ndjek Silvinjo eshte Taktike " bjei ti bijem" dhe kjo u vertetua ne dneshjen me Moldavine ku mesfusha jone ne pjesn e pare u bllokua dhe nuk dinte ku te jepte topin , sepse nuk depertonte dot perpara pasi moldavet kishin bllokuar komplet fushen e tyre, Dhe nderkaq Sylvinjo nuk beri asnje tentavie si ta ndryshonte taktiken e lojes , apo te bente ndonje ndryshim ne mesfushe qe te beje loje me aktive , Ndersa ne pjesen e dyte ata na mbyten dhe mbrojtja jone ne qender ishte rremuje fare , por na shpetoi Berisha nga dy gola te sigurte, Ndersa sulmi jone ishte kot fare , nuk benin dot azgje . Dhe Silvinjo duke pare kete loje kaq te dobet te ekipit tone ben nderime idiote ne fund te pjeses se dyte, kur nderrimet duheshin bere qe ne fillim te pjeses se dyte , dhe me e keqja futi lojtare medioker si Daku, Muja , Gjasula qe ishin lojtar nivel i ulet fare nderkaq linte ne stol lojtare shume te mire si Muca, Uzuni, Bare, Balliu etj Pra nga sa duket Sylvinjo eshte Trajner koti fare , nuk ka asnje lloj skeme , qe te dali nga gjendja kur bllokohet ekipi nga loja e kundershtarit .Pra eshte trajner qe nuk ka haberin e futbollit , por i eci sepse ne beme ca gola me gjuajtje nga larg dhe kundershtaret tane ishin te dobet . Tani te shohim si do na veje filline Gjermani
Merita më e madhe , është e Atij që rekomandoi Silvinjo Vetë Duka s' ka asnjë meritë ,se smer vesh fare nga futbolli vetëm të bëjë lekë është mjeshtër Shikoni futbollin në Shqipëri
Bravo kombetarja! Andi, ke ber nje pershkrim te perkryer. Sylvinho ka nxjer ne pahe te gjithe lojtaret te cilet nuk ju ishte degjuar emri ndonjehere. Besoj se surprizat me te medha do te jene ne Gjermani! Urime Kombetares!