Një ambasador peng në WC-në e Haxhinases

Një ngjarje e rëndë ndodhi disa ditë më parë në Ministrinë e Haxhinases. Një ambasador i rëndësishëm i Perëndimit në Shqipëri, emrin e të cilit nuk po e japim për arsye etike, shkoi për takim pune tek Haxhinasia. Gjithçka shkoi mirë si fillim deri në momentin kur ambasadori do dilte. Me korrektesë ai i kërkoi Haxhinases të përdorte tualetin e Ministrit. Haxhinasia e shoqëroi me xhentilesë deri tek dera. Pesë minuta më vonë plasi skandali. Ambasadori nuk dilte dot nga banja. Në fillim u tregua i edukuar dhe bëri disa përpjekje nga brenda të hapte derën, por nuk funksionoi. Atëherë u detyra t’i dërgonte SMS Haxhinases.

-Zoti Ministër, dera e tualetit nuk funksionon. Diçka duhet të ketë ndodhur…

Haxhinasia u alarmua. Kohëzgjatja e ambasadorit në tualet i kishte dhënë shans për humor sekretares së tij që po i thoshte një shoqeje në telefon “hajde dëgjo dhe pordhët e ambasadorit tani kur të hysh në banjë”.

Alarmi që pasoi SMS e ambasadorit e kaloi zyrën e Haxhinases. Ai thirri në fillim shefin e administratës të zgjidhte situatën. Ai shkoi provoi me forcë, por nuk funksionoi.

-A ke çelës rezervë, i tha Haxhinasia?

-Jo, i tha shefi i administratës se nuk na i ka sjellë gjithë çelësat ky që bëri derën. Unë kam çelësat e derës kaluar.

-Po kush e bëri këtë derë, pyeti Haxhinasia i tërbuar…

-Nuk e di shef, e ke parasysh kur e morët ju Ministrinë, erdhi Mona dhe tha na duhen ca lek shpejt e shpejt, bëni një tender për riparim banjash. Unë i thashë i kemi shumë të mira, por ajo tha ndërroni derën të duket sikur i bëtë të reja dhe lërini siç janë. Kështu që ndërruam derën dhe kjo nuk rri tamam në kafaz, ndaj ka ngecur.

-Më thuaj ç’duhet bërë, tha Haxhinasia i nxehur. Ka ngelur tjetri brenda. Pak mut i kemi punët ne dhe WC kishim mangët.

-Nuk e di, tha i tromaksur shefi i administratës, ja të flas me Monën. Iku pak më tutje dhe mori Monën në telefon.

-A e mban mend ti kush është ajo firma që firmosi për atë tenderin që të duheshin atëherë ca lek, që na the ndërro vetëm derën e banjës…

-Ca thu ti mo çuno, ku mbaj mend unë sa herë ndërrojnë dyert e banjave ministritë e LSI?

-E ke parasysh atëherë kur erdhi shefi ministër, që më the mua na duhen ca lek shpejt e shpejt dhe të thashë i kemi rregullu zyrat dhe banjat dhe më the s’ka gjë, ndërro vetëm derën dhe faturo banjën…

-Pse dhe tek ty e kam bo atë unë, më duket se vetëm Tit Vasilit i kam thënë kështu.

-Jo, jo, dhe mua, por na duhet shpejt ai burri, se ka ngelë brenda Ambasadori i …, e kupton ti çfarë telashi është po nuk gjetëm çelësin.

-Ça thu mor çun, a ka ngelë brenda e s’del dot apo jashtë dhe është duke e bë në brekë?

-Jo, jo, brenda, ka mbaru punë.

-Hajt mor mos u mërzit, po ka mbaru punë, le të presë pak, ja prit të hap bllokun e Lirit unë se aty i kemi të shënuara.

Shefi i administratës uli telefonin. Haxhinasia e shikonte gjithë panik.

-Hë, çfarë tha, e pyeti…

-Po kontrollo tek blloku i Lirit të shikojë kush e ka ndërru derën, tha shefi.

-Po ti s’e mban mend fare, i tha Haxhinasia.

-Unë mbaj mend vetëm që na kërkoi Mona ta ndërronim derën për dekor, që të dukej që kishim rregullu banjën, tha shefi.

-Pupupu, tha Haxhinasia dhe i ra ballit.

Ndërkohë ra telefoni. Ishte Mona.

-Vallai s’kena ku e gjejmë këtë, paskemi marr një gabel tek Partizani i Panjohur me 20 mijë lek. Hapni dritaren, hiqeni fare dhe nxirreni andej, s’ke ç’bo.

Shefi i administratës uli telefonin i prerë.

-Kjo thotë nxirreni nga dritarja i tha Haxhinases.

-Pupupu, bëri Haxhinasia dhe i ra prapë ballit. U afrua tek dera dhe i shpjegoi situatën ambasadorit. Për 5 minuta çdo gjë do jetë OK, i tha, do dalësh nga dritarja. Dy punonjës filluan të shqyejnë kornizën e dritares nga jashtë banjës, dhe gjithçka ishte gati. Futën brenda një shkallë metalike, ambasadori u ngjir në të dhe doli nga dritarja ku e prisnin dy punonjësit. Pastaj hyri në zyrën e Haxhinases, u shkund, u pastrua dhe doli i qetë.

Haxhinasia e shoqëronte nga pas pa bërë zë.

Kur u ndanë në holl, u përshëndetën dhe një herë. Kamerat prisnin pak më tutje ambasadorin. Ai mori pamje serioze, u drejtua nga kamera kryesore dhe filloi.

-U takuam me zotin Ministër, folëm për prioritetet e politikës shqiptare dhe sidomos angazhimin serioz të qeverisë në luftën ndaj korrupsionit dhe në reformat e reja që ka ndërmarrë qeveria…

Konferenca Ipeshkvnore lutet për Berishën

21:19 Antena

Direktiva e fundit e kryeministrit Berisha për gjahun

21:18 Antena

Sandri transmeton para CNN intervistën e Doktorit

20:15 Antena

Doktori i shpjegon Fahros takimin me Obamën

09:55 Antena

Fahro i shpjegon gjykatësve pse i duhet e pavlefshme videoja e Metës

22:20 Antena

Ambasadori i Norvegjisë kërkon shpjegime tek Haxhinasja

22:25 Antena

Fahro lavdëron CV e tre ekspertëve të gjyqit të Metës

05:26 Antena

Gimi i Puros- letër Presidentit Klinton

21:40 Antena

Kunati i Lulit, i kënaqur nga ambasadori i OSBE

21:58 Antena

Gimi i Puros shpjegon vizitën e Doktorit në New York

21:20 Antena