Te fundit
Hamdi Salihi, nga hero në problem te DC Junajtid
23 Prill 2012, 11:09Sport
TEMA
Hamdi Salihi pritej të ishte protagonist kryesor i këtij sezoni për DC Junajtid. Por deri tani, sulmuesi shqiptar që është edhe futbollisti më i paguar i kësaj skuadre, ka rezultuar një dështim, jo vetëm për faktin se nuk ka arritur të gjejë rrugën e rrjetës, por edhe sepse nuk po arrin të përshtatet me lojën e ekipit të tij.
Jo rastësisht, që në momentin kur ai ka përfunduar në stolin e rezervave, DC Junajtid i është kthyer rezultateve pozitive, ashtu siç ka ndodhur edhe mbrëmë ku ekipi i tij ka mundur Nju Jork Red Bulls me rezultatin 4-1. Salihi ka parë nga stoli i rezervave se si Kris Pontius, ai që duhej të ishte zëvendësuesi i tij, ka shënuar 3 gola përballë skuadrës së Tierri Henri, ashtu si edhe Nikolas DeLeon, sulmuesi tjetër rezervë që ka shënuar golin e katërt.
Trajneri Ben Olson ka aktivizuar Salihin në fundin e ndeshjes me shpresën se ky i fundit do të arrinte të shënonte në këtë sfidë duke parë edhe vështirësitë në mbrojtje të kundërshtarit, por sulmuesi shqiptar nuk ka qenë asnjëherë në gjendje të rrezikojë portën e Nju Jork.
Menjëherë pas ndeshjes, në forumet e tifozëve të DC Junajtid kanë filluar diskutimet rreth Salihit dhe faktit që ai duhet të vazhdojë të qëndrojë në stolin e rezervave derisa të provojë në fushë që është në gjendje të shënojë.
Disa tifozë kanë vënë në dyshim përkushtimin dhe aftësitë e golashënuesit shkodran, ndonëse ky i fundit ka shkuar në SHBA me një “pasaportë” mëse të denjë, duk shënuar dhjetëra gola në të gjitha ekipet ku është aktivizuar./lajmeshqip
4 komente në “Hamdi Salihi, nga hero në problem te DC Junajtid”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
SALIHI eshte shqiptar dhe nuk dallon shume nga ne te tjeret. Me thoni kush nga shqiptaret qe ka luajtur dhe luan per te huajt ka shkelqyer ndonjehere ? ASNJERI. DHe SALIIHI eshte nje i zakoneshem ,por Amerikanet i kushtojne rendesi me shume anes fizike te cilen SALIHI e ka zero . Mediave u duhet nje “modus viventi” dhe prandaj atje ku nuk ka u duhet qe ta gjenje nje “GJENI” . Deshtimi i radhes.
Salihi eshte nje sulmues i mire, jo i nivelit per te luajtur ne skuadrat e dores se pare evropiane, po ne skuadrat e mesit apo fundit te tabeles ne kategorite e para, pra nuk eshte yll i futbollit evropian.
Per sa i perket futbollisteve shqiptar qe kane shkelqyer ne Evrope, jane disa; si Cana, qe ka qen kapiten te Marseija, Sunderland dhe lojtar lider, Lala kapiten te Hanover, Skela, Tare ne serina A qe luante perkrah Baggio te Sienna et me pas te Lacio, Bogdani…
Nuk kemi nxjerre Messi e Ronaldo, po lojtare normale, dhe me infrastrukturen qe kemi, shume jane biles.
Salihi jo se eshte ndonje lojtar klasi,por me sa duket problemin do ta kete me ambientimin me ekipin dhe jeten aty.Shpresojme qe ti kaloj sa me shpejt problemet e ambientimit dh et behet i vlefshem per ekipin e tij.
Si shumica e shqiptareve edhe Salihi filloi nga intervistat e fjalet perpara se ta tregonte se sa vlente me pune e djerse ne fushe.
Nuk besoj se e mbush vitin tek DC United.