Imam Saliu interesohet për përgjimet e diplomatëve

Pas njoftimeve se opozita kërkon të verifikojë aparaturat e përgjimit që Imam Saliu ka blerë për të përgjuar diplomatët dhe opozitën, në Ministri të Mbrojtjes u bë alarm. Imam Saliu kërkoi të gjithë zbardhjen e përgjimeve për ambasadorët, opozitarët dhe gazetarët. Shefi i përgjimeve u zu ngushtë pasi materiali ishte shumë i madh dhe i vështirë për tu përzgjedhur.

-Po ju si përgjoni, i tha Imami, çdo gjë që thonë ata?

-Jo, kemi futur ca fjalë kyç, i tha shefi i përgjimeve. Kur përdorin ato, aparati përgjon vetë.

-Pa më thuaj ndonjë gjë çfarë thonë diplomatët?

-Janë shumë të përçarë shef. Po ja, para zgjedhjes së presidentit kishte gallatë. Ky i BE i kërkonte këtij amerikanit mos e dinte kush do zgjidhej. Ky amerikani i thoshte ta them unë po mos ia thuaj Baba Mondit se ia thotë Ylli Ndroqit. Ky i OSBE i thoshte këtij italianit e di unë, po mos ia thuaj këtij të Amerikës se ia thotë Blendi Fevziut. Ky i Danimarkës i thoshte holandezit e di unë si e ka emrin presidenti, Sali Berisha. Ishte gallatë.

-Po për ne kanë folë ndonjë herë?

-Jo shef, ty të regjistron aparati i SHISH, se ata kanë futur fjalën kyç “Imam” për shkak të terroristëve islamikë dhe sa herë zihet në gojë emri jot, e regjistrojnë ata.

-Po për Ed Ramën çfarë thonë?

-Ky amerikani sa herë nuk i pyet Berisha për noj gjë, thotë hajt se flas unë me Ramën dhe e pranon ai, s’kemi ça i bëjmë Berishës. Ky Baba Mondi e shmang gjithmonë takimin se thotë aty s’të japin gjë për të ngrënë. Ky i BE merr gjithmonë në telefon Totozanin para se të shkojë tek Rama, nuk e di ça flasin.

-Po ndonjë gjë për qeverinë ça ke dëgjuar nga përgjimet se s’i them njeriu, tha Imami.

-Dje ka pas një gallatë për presidentin, i tha përgjuesi. Protokollin e Shtetit e ka zëne belaja me ceremoninë e Nishanit, sepse ka vendosur ta bëjë tek godina e Presidencës në Bulevard, jo tek Pallati i Brigadave. Ky amerikani u çudit shumë kur i shkoi ftesa dhe mori Baba Mondin në telefon. I tha a di gjë ti pse bëhet në bulevard ceremonia e Presidentit.

-Më duket se i marrin qoftet tek Rogneri, ndaj, i tha Baba Mondi.

Pastaj pyeti këtë të BE, po dhe ai nuk dinte gjë. Italiani i dha zgjidhje. Tha që bëhet në bulevard se nuk ka shkallë dhe zoti Nishani nuk ka nevojë të lëvizë nga vendi.

-Po për mua çfarë thonë këta të opozitës, ke ndonjë gjë?

-Ky Ed Rama i qahej një ditë Preç Zogajt në telefon. I thoshte ky Imami nuk po e mban fjalën që na ka dhënë për ta na informuar për pazaret e Zenit. Zogaj e qetësonte se Beni është njeri luajal, por ka për t’i treguar një ditë se nuk është si Mediu që i merr me vete sekretet…

-Ou, vërtet, tha Imami i frikësuar. Fshije shpejt këtë se na prish shumë punë. Kjo nuk na duhet.

-Më vjen keq shef, i tha përgjuesi, por ne nuk përgjojmë për të të raportuar ty, po Doktorit, dhe atij i vete kaseta çdo darkë.

-Ashtu, tha Imami i egërsuar. U qava nga kontrolli fshatar unë, harrova që jam në dorë të fshatit këtu.

Romët, në konflikt me Kunatin e Lulit

22:17 Antena

Flamuri bën planin operativ për Lazaratin

20:29 Antena

E diela e parë e Flamurit ministër

21:34 Antena

Flamuri udhëzon Ministrinë e Arsimit për dëftesën e re të Skënderbeut

21:22 Antena

Full(h)ani shpik mekanizmin antikorrupsion dhe antikrizë

20:16 Antena

Pjesë nga fjala e Doktorit para historianëve

22:19 Antena

Kunati i Lulit, konsultë me Gridën për sulm ndaj Markut

21:04 Antena

Flamuri fiton gjithë tenderët e librit shkollor

20:58 Antena

Flamuri i mban fjalën Ristanit

23:09 Antena

Dita e parë e Flamurit si ministër dhe ndryshimet gjuhësore

22:00 Antena