Baba Mondi i OSBE, i shqetësuar për deklaratën e Olldashit

Baba Mondi i OSBE u vu dje në siklet. Gjithë gazetat shkruanin se Sokol Olldashi kishte thënë në parlament që do fitonte zgjedhjet më 2013 me çdo kusht, qoftë dhe me pallë. Sipas shpjegimeve që i bënin gazetat fjalës “pallë”, ishte për forcën.

I shqetësuar se kjo do raportohej në Vjenë nga pasqyra e shtypit dhe jo nga Baba Mondi, ai thirri për një kafe Olldashin të merrte një opinion të tij.

-OSBE është shumë e shqetësuar, i tha Baba Mondi, kur dëgjon deklarata të tilla, edhe pse unë e di që ju e keni thënë pa të keq.

-Në të vërtetë nuk është fare në atë kuptim i tha Olldashi, por kështu duan ta interpretojnë gazetat. Është një çështje e brendshme komunikimi mes nesh që unë pa dashje, ngaqë e kam rutinë, e thashë në publik. Thjesht dekonspirova një fjalë që e përdorim për dikë brenda në qeveri.

-Jam shumë i qartë, i tha Baba Mondi. As që më shkon mendja në radhë të parë që do jetë e vështirë fitorja juaj dhe e dyta as që më shkon mendja që ti të përdorësh forcën në zgjedhje. Por thjesht duhet të sqaroj ata të Vjenës.

-Mos u shqetëso, thjesht raporto që gazetat kanë keqpërdorur një deklaratë të një ministri që njihet për natyrën e tij paqësore dhe raportet e mira me opozitën.

-Dakord, këtë e bëj, por kam frikë mos më kërkojnë më shumë, për shembull të më thonë se  kuptim tjetër ka fjala pallë dhe ku përdoret.

-Po të thashë që është një komunikim i brendshëm. Unë dhe mund tua them ju në konfidencë, po nuk duhet që ta raportoni se është çështje delikate. Është diçka banale që na ka ngelur kur ulemi e pimë ndonjë gotë…

Baba Mondi lëpiu buzët dhe i doli para sysh një tavolinë me qoftë, birra dhe përballë tij Olldashi që i thoshte pallë, pallë…

-Ke shumë të drejtë, nuk duhet të ndërhyjmë në jetën private, i tha Baba Mondi. E kuptoj mirë këtë situatë, sidoqoftë do të ishte mirë të isha më i informuar, pasi kam frikë se do më kërkojnë shumë sqarime dhe të kem mundësi t’ua shmang.

-Po ja muhabete mes shokësh, i tha Olldashi, ç’të të them unë.

-E di, e di, tha Baba Mondi. Nuk kuptoj mirë shqip, po fjalët e pista m’i ka mësuar një miku im. E di shumë mirë ç’do të thotë palloj. Pak a shumë në atë kuptim dhe ne kemi një version të zbutur të saj kur them fuck  për çdo gjë.

-Jo, jo, në atë kuptim, i tha Olldashi. Ajo që thua ti është folje, kjo që them unë nuk është folje, është …

-S’ka problem, e kuptoj, është rrënja e fjalës, i tha Baba Mondi. Burra jemi dhe ndonjë fjalë të pistë do themi.

-Jo, jo, nuk është ashtu si mendon, d.m.th nuk është si fjala punë dhe folja punoj, është tjetër gjë fare.

-Qartë, qartë, tha Baba Mondi, e kam një ide, palloj është folja, pastaj pallë është si punë emri…

-S’po merremi vesh, i tha Olldashi. Palloj është ashtu siç the ti, por pallë nuk është ajo vegla që mendon ti, është një gjë private që unë e përdor për një shok.

-Ashtu, tha Baba Mondi, i çuditur dhe i qeshnin sytë. Më thuaj se nuk i them njeriu?

-S’desha të ta them, i tha Olldashi, se është private, por po ta them që të mos krijosh keqkuptime. Palloj është siç the ti, fuck, pallë nuk është në atë kuptimin e organit mashkullor. Pallë unë i flas Flamurit, në fakt jo vetëm unë, po gjithë partia. Dhe kur thashë do fitojmë zgjedhjet me pallë, kisha parasysh atë.

-Hahahahaha, qeshi me të madhe Baba Mondi. Kjo qenka e bukur. Pastaj filloi të bëhej serioz.

-Jo, këtë s’e raportoj dot, tha. Se po tua shpjegoj që ju i thoni pallë Flamurit dhe tu them që ky palla është Ministër i Brendshëm, nuk del për të qeshur, del për të qarë. Duket sikur do vidhni vota. Jo, jo, këtë s’e besoj unë, ju i fitoni vetë ato.

-Nejse, thuaj çfarë të duash, po ne pallë Flamurit i themi, tha Olldashi duke e qetësuar përfundimisht Baba Mondin e OSBE.

Imam Saliu interesohet për përgjimet e diplomatëve

21:46 Antena

Romët, në konflikt me Kunatin e Lulit

22:17 Antena

Flamuri bën planin operativ për Lazaratin

20:29 Antena

E diela e parë e Flamurit ministër

21:34 Antena

Flamuri udhëzon Ministrinë e Arsimit për dëftesën e re të Skënderbeut

21:22 Antena

Full(h)ani shpik mekanizmin antikorrupsion dhe antikrizë

20:16 Antena

Pjesë nga fjala e Doktorit para historianëve

22:19 Antena

Kunati i Lulit, konsultë me Gridën për sulm ndaj Markut

21:04 Antena

Flamuri fiton gjithë tenderët e librit shkollor

20:58 Antena

Flamuri i mban fjalën Ristanit

23:09 Antena