Jakupi, “mohikani” i PDK-së

“Lufta” e Jakup Krasniqit s’ka të ndalur. Beteja e një dite më parë për t’i nxjerrë në shesh të gjitha paudhësitë e partisë së tij ka vazhduar edhe të enjten në seancën e rregullt të Kuvendit të Kosovës. Mirëpo, ndryshe nga seanca e kaluar, Krasniqi dje ka qenë edhe më i ashpër, duke u treguar si “mohikani” i vetëm i PDK-së, që do drejtësi dhe ligj.

Ai është përplasur me shefin e grupit parlamentar të PDK, Adem Grabovci, i cili i takon partisë së vetë Krasniqit, aq sa dueli i ashpër mes tyre gati sa nuk ka kaluar në përleshje fizike.

Krasniqi dhe Grabovci madje i treguan derën njëri- tjetrit. E gjithë kjo përplasje verbale ndërmjet dy bashkëpartiakëve të PDK-së ndodhi në kohën kur duhej të përcaktohej rendi i ditës së seancës së Kuvendit.

Kryetari i grupit kuvendor të PDK-së, Adem Grabovci, në mënyrë kërcënuese tha ose të votohet për rezolutën dhe mocionin, që kishin të bënin me debatin e rreth privatizimit, ose seanca s’mund t’i vazhdojë punimet.

Pas kësaj, kryeparlamentari Jakup Krasniqi u përgjigj se do të procedojë në përputhje me rregulloren e Kuvendit, meqë, siç tha ai, për çështje të ngutshme, mocioni dhe rezoluta mund të procedohen në Kuvend vetëm pas tetë ditësh.

“Rregullorja mund të anashkalohet me dy të tretat e anëtarëve të Kuvendit. Pa u bërë anashkalimi nuk mund të hyjnë këto dy rezoluta në rend të ditës. Jam i obliguar ta procedoj punën sipas rregullores së punës dhe jo sipas dëshirës së asnjërit deputet, e as sipas dëshirës së një grupi parlamentar”, ka thënë kreu i Kuvendit, Krasniqi.

Por, ky interpretim nuk i pëlqeu aspak Adem Grabovcit, pasi mazhoranca nuk i kishte 2/3 e votave të deputetëve për ta rrëzuar mocionin e Vetëvendosjes kundër procesit të privatizimit.

“Është dashur ta lexoni dje rregulloren”, reagoi Grabovci. Mirëpo, i menjëhershëm ishte reagimi i Krasniqit, i cili i tha shefit të GP të PDK-së: “Po t’i lexoj sot se është dashur t’i lexosh ti. Unë veproj sipas rregullores dhe jo sipas urdhrit tënd”. Kryeparlamentari madje i tha Adem Grabovcit se nëse nuk i rrihet në seancë, të dalë jashtë. “T’u nejt rri, mos t’u nejt, dil jashtë”, tha Krasniqi i nervozuar. Por, nga foltorja erdhi reagimi i Grabovcit: “Dalim bashkë”.

Mirëpo, përleshja verbale vazhdoi edhe më tutje mes këtyre dy zyrtarëve të lartë të PDK-së. “Jo s’dal, provo a dal jashtë, a s’dal jashtë”, i tha Krasniqi bashkëpartiakut të tij Grabovci. Teksa reagonte ky i fundit nga foltorja, kryeministri Hashim Thaçi është parë duke ia tërhequr vërejtjen Grabovcit që të ndalet me aq.

Pas kësaj situate të krijuar, kryetari i grupit kuvendor të PDK-së u detyrua që të kërkojë dhjetë minuta pushim. Pas pushimit 15- minutësh, në sallë nuk u kthyen deputetët e mazhorancës, me përjashtim të deputetit Fatmir Limaj dhe Muhamet Mustafës, por nuk u panë as anëtarët e kabinetit qeveritar.

Në foltore u paraqit sërish Adem Grabovci, i cili u “dorëzua” karshi kërkesës për ta votuar rezolutën dhe mocionin, duke thënë se është për respektimin e procedurave.

“Është e vërtetë se parashihet 8 ditë për të dorëzuar mocionin, para fillimit të debatit. Ne jemi për t’i respektuar procedurat, prandaj do të presim afatin e nevojshëm ligjor prej 8 ditëve dhe pas kësaj kur të përmbushet ky afat ligjor ne do të votojmë mocionin e kërkuar dhe pastaj do të procedojmë me pikat e rendit të ditës”, ka thënë Grabovci.

Më pas erdhi një kërkesë e partisë opozitare, AAK-së që seanca të shtyhet për ditën e hënë, në mungesë të kuorumit. Me këtë rast, deputeti nga AAK, Burim Ramadani kërkoi që problemet e brendshme në PDK mos të trajtohen në Kuvend./Zeri

Kreu i Fakultetit të Mjekësisë akuzohet se po rehaton familjarët e tij

10:26 Rajoni

Vajza shqiptare, midis anarkistëve në Greqi

11:49 Rajoni

Shkëlqim Cani: Të hetohen bankat

10:40 Rajoni

Tetë parimet e Ashton për dialog

10:34 Rajoni

Krasniqi: Kjo legjislaturë ka dalë nga zgjedhjet e vjedhura

13:16 Rajoni

Papua New Guinea konfirmon njohjen e Kosovës

11:47 Rajoni

Mustafa: Synimi im, posti i kryeministrit

10:38 Rajoni

Pacolli, sërish në konflikt interesi

10:34 Rajoni

Shqiptarët do të kërkojnë ndryshimin e himnit shtetëror në Maqedoni

12:34 Rajoni

Bie ndikimi amerikan, rritet ai rus, turk e izraelit në Ballkan

11:54 Rajoni