“Rinohet” gjyqtari Dehari

Ndërsa për të tjerët pothuajse përditë ndan drejtësinë në emër të ligjit, gjykatësi i Gjykatës së Qarkut në Prishtinë, Mejdi Dehari, vetë ka vendosur të jetë mbi ligjin.

Vetëm pak kohë para se të dalë në pension, ai ka “ndërruar” disa dokumente personale, të cilat më pas i ka paraqitur në Ministrinë e Punëve të Brendshme së bashku me kërkesën që t’i ndërrohet viti i lindjes, nga 1947 në 1950, shkruan “Zëri”.

Duke vepruar në këtë formë, Dehari i ka mundësuar vetes që të mos dalë në pension në qershor të këtij viti, por të jetë në marrëdhënie të rregullt të punës deri në qershorin e vitit 2015.

Ky gjykatës fillimisht ka kërkuar që viti i lindjes së tij të ndryshohet në Zyrën e Ofiqarisë në komunën e Prishtinës, por meqenëse kjo zyrë nuk ia ka plotësuar “dëshirën”, atëherë ai ka gjetur mbështetje tek Agjencia e Regjistrimit Civil, që vepron në kuadër të MPB-së.

“Zëri”, shkruan se ka siguruar një dosje me dokumentet e Deharit.

Ndonëse është gjykatës, Mehdi Dehari gjatë një bisede për “Zërin” ka mohuar se është i vetëdijshëm që ndryshimi i datëlindjes është i pamundur dhe se një gjë e tillë përbën vepër penale.

Ai thotë se ka pasur një vëlla tre vjet më të madh, i cili ka vdekur para se të lindë ky, ndërsa vetë asnjëherë nuk është regjistruar në komunë, por ka vazhduar ta trashëgojë emrin dhe datëlindjen e vëllait të ndjerë.

Për të argumentuar këtë, disa muaj para se të dalë  në pension, Dehari tregon se ka shkuar në fshatin e tij të lindjes, në Llojan të Kumanovës në Maqedoni, ku ka gjetur dy persona të moshuar, të cilët me anë të një deklarate me shkrim që është dhënë tek noteri, kanë konfirmuar se Mehdi Dehari nuk ka lindur më 1947, por më 1950.

Jakupi, “mohikani” i PDK-së

10:28 Rajoni

Kreu i Fakultetit të Mjekësisë akuzohet se po rehaton familjarët e tij

10:26 Rajoni

Vajza shqiptare, midis anarkistëve në Greqi

11:49 Rajoni

Shkëlqim Cani: Të hetohen bankat

10:40 Rajoni

Tetë parimet e Ashton për dialog

10:34 Rajoni

Krasniqi: Kjo legjislaturë ka dalë nga zgjedhjet e vjedhura

13:16 Rajoni

Papua New Guinea konfirmon njohjen e Kosovës

11:47 Rajoni

Mustafa: Synimi im, posti i kryeministrit

10:38 Rajoni

Pacolli, sërish në konflikt interesi

10:34 Rajoni

Shqiptarët do të kërkojnë ndryshimin e himnit shtetëror në Maqedoni

12:34 Rajoni