Materaci i bën vizitë statujës së tij me Zidan

Marko Materaci ka shfrytëzuar në vizitë në Paris për të bërë foto te një nga statujat që brenda pak kohësh është kthyer ndër më të famshmet e kryeqytetit francez, atë që pasqyron goditjen me kokë që i bëri atij Zinedin Zidan në finalen e Botërorit 2006.

Kjo statujë e bronztë, e lartë 5 metra, u vendos në shtator në një nga sheshet kryesore të Parisit, para qendrës së arteve “Pompidu”, si përfaqësuese e artit bashkëkohor. Megjithëse kishte protesta të shumta nga tifozët e Zidan që e cilësojnë këtë si ulje ndaj talentit të legjendës së futbollit francez, turistët në Paris e kanë mirëpritur veprën e krijuar nga artisti algjerian Adel Abdeseme.

Të njëjtën gjë ka bërë edhe Materaci, i cili ka zgjedhur Twitter për të publikuar një foto të bërë i ulur pikërisht në këmbët e kësaj statuje. Pasi publikoi fillimisht një foto vetëm të statujës, ai bëri komentin “Gjejeni se ku jam?”, ndërsa më pas publikoi foton e dytë ku shfaqet edhe ai te këmbët e objektit në fjalë.

Ngjarja e finales së Botërorit të vitit 2006 do të mbetet mend si një nga më të diskutuarat në historinë e futbollit, pasi Materaci pranoi pak kohë më vonë se kishte qenë ai që kishte provokuar Zidan duke bërë komente rreth motrës së tij, për të sjellë reagimin e dhunshëm të francezit.

Ronaldo: Messin nuk e kam shok

18:20 Sport

Elseid Hysaj, talenti 18-vjeçar titullar te Empoli

16:00 Sport

Mançini kërkon të blejë Neimar

15:58 Sport

Juve-Inter, shifrat e derbit të Italisë

12:19 Sport

Edgar Çani, lojtari më i paguar në Poloni

12:11 Sport

Ferguson-Di Mateo, luftë për çështjen e racizmit

11:33 Sport

Tiago Mesi dhe koincidenca me djalin e Ronaldos

11:16 Sport

Konfirmohen zërat, Xhaka drejt Lacios

20:16 Sport

Neimar: Askush nuk mund të bëjë atë që bën Mesi

14:49 Sport

Bashkia i heq fondet skuadrës së PSZH

13:07 Sport