Telashet e Flamurit me mbledhjen e kryesisë së PD-së

Një telash i madh e gjeti Flamurin me mbledhjen e kryesisë së PD-së. Që nga viti 2005, kryesia nuk ishte mbledhur, ndërsa kryesia e re, që duhet të zgjidhej më 2009, ishte zgjedhur më 2012, por përsëri nuk ishte mbledhur.

Telashi i parë ishte të gjente listën. Tentoi të hapte kompjuterin e vet, por nuk mundej. Nga lagështia në zyrë diçka kish ndodhur dhe nuk punonte.

Hapi zyrën e organizimit mos gjente procesverbale mbledhje, nuk gjeti gjë. Zbriti poshtë tek RD-ja mos gjente gazetën kur ishte zgjedhur kryesia të gjente emrat, nuk i gjeti.

Atëherë vendosi të bënte një marifet. Mori listën e kryesisë së vjetër që mblidhej rregullisht. Emrat e tyre të shkruar në copa letre ishin akoma aty. I vuri mbi tavolinë dhe filloi t’u binte telefonave.

I pari doli Shabani.

-Shabë, ç’kemi? Të mora për të respektuar, i tha Flamuri, se nesër do kemi mbledhje kryesie dhe m’u kujtua koha kur mblidheshim bashkë.

-As më rruhet fare, i tha Shaba. Nuk më merr më malli për atë kohë. As hasmin mos pafsha ashtu pa punë, pa lek.

-Haha, qeshi Flamuri sa për t’i bë qejfin. Di gjë kush ta ka zënë vendin ty tek kryesia e re, i tha Flamuri.

-Ben Imamit i takon sipas gradës, tha Shaba. Se më ‘97 lufta zhvillohej mes Gjeneral Imamit dhe Gjeneral Shabanit. Ma ha mendja që ai duhet të jetë në kryesi.

-Mirë, mirë, kot të pyeta, tha Flamuri dhe mbylli telefonin. U kujtua pastaj që Imami fitoi, po ai burri i tha fshi emrin se na hap telashe në kryesi ky.

Pas Shabës, mori Vilin. I bëri të njëjtat pyetje.

-Ku di unë, tha Vili, por besoj që Aldo Bumçi do jetë në vend tim.

Pastaj mori me radhë Jeminin, Biberajn, Mustafajn dhe kështu po ndërtonte listën e kryesisë së re.

Për të qenë brenda ia vuri gjithë listën sekretares dhe i tha bjeri telefonave dhe u thuaj më falni se jam sekretare e re e PD, jeni apo jo anëtar kryesie. Nëse thonë po, njoftoji se kanë mbledhje.

Kështu dhe u bë. Më në fund u formua një listë pas një hetimi të hollësishëm dhe kryesia u mblodh.

Doktori zbriti pesë minuta me vonesë. Hyri brenda si zakonisht, përshëndeti me dorë, u ul tek vendi i tij dhe filloi të flasë.

Papritur ngriti kokën nga salla.

-Do flasim pak për zgjedhjet, tha. Zgjedhjet duhet me qenë të lira dhe të ndershme…

U hutua pak dhe pyeti Flamurin.

-Ku është Shabani?

Flamuri uli kokën i skuqur. Nuk dinte si t’i thoshte që Shaba nuk ishte më në kryesi.

-Këtu rrotull do jetë Doktor.

-Ashtu, mirë, thirre. Tani do flasim për zgjedhjet…

Vazhdoi.

-Zgjedhjet, shiko, duhen me qenë të lira. Vili ka përvojë në zgjedhjet e Tiranës…

Ngriti prapë kokën.

-Flamur, po Vili ku është?

-Ai është pak larg, tha Flamuri, se është ambasador.

-Ah, po mirë, s’ka problem. Tani duhet të bisedojmë për zgjedhjet…

Ngriti kokën dhe pa fytyra që nuk i mbante mend në kryesi më parë.

Ja bëri me shenjë Flamurit t’i afrohej.

-Kryesi e re është kjo, e pyeti.

-Po, i tha Flamuri, por nuk është se e kanë zyrtare. Po deshe, e ndërrojmë.

-Jo, jo, s’ka problem, desha të di. Mirë janë, s’prishin punë.

Dhe vazhdoi.

Laja e PD-së, në siklet me deklaratat për Ballën

21:31 Antena

Doktori përgatit letrën për Mesin me ndihmën e Aldos

21:25 Antena

Haxhinasia rrezikon seriozisht postin e ministrit

20:13 Antena

Flamuri zbulon se Luli ka gisht në listën e taksave të makinave

21:00 Antena

Flamuri gjen zgjidhje si të shpëtojë nga numrat jeshilë të ministrive

20:20 Antena

Bujari analizon me stafin tekstin e kartolinës

20:46 Antena

Flamuri konspekton përshëndetjen e Nishanit për Vitin e Ri

21:19 Antena

ANTENAT E VITIT

20:59 Antena

Fevzo, në sherr me komshinjtë tek Kodra e Kuqe

22:10 Antena

Doktori sqarohet për metodikën e llogaritjes si vend i katërt për mirëqenie në botë

20:51 Antena