Te fundit
Berisha, rënia e një modeli - Nuk iku, e hoqën
2 Korrik 2013, 10:40Blog
TEMA
Eshtë padyshim figura më kontraverse e historisë shqiptare, një nga tre kulmet e trekëndëshit që përfshijnë Ahmet Zogun dhe Enver Hoxhën. E njëjta teknologji e aftë të krijojë një marrëdhënie të paprerë mes dashurisë dhe urrjejtjes, gënjeshtrës dhe autosugjestionit. Sali Berisha është një figurë plot ditëhije, por me shumë më shumë hije sesa dritë. Përmasat e një puzzle politik, copëza të të cilit nuk ndodhen vetëm në Shqipëri
Nga Lorenc Vangjeli, JAVA
Pothuaj pesë vjet më parë, në gusht 2008, Sali Berisha suprizoi me një veprim që zakonisht e bëjnë të dashuruarit. Në majën e malit të Dajtit ai fshehu në shishe një mesazh, që pretendoi se do të hapej vetëm në vitin 2020. Të dashuruarit, premtimet e dashurisë i hedhin në det. Berisha, asokohe dhe gjithë kohën tjetër është dashnor i madh e pasionant i pushtetit dhe mesazhin e tij e mbylli në mal. Pothuaj pesë vjet më pas, të dielën e zgjedhjeve, megjithatë, ai kuptoi se dëshmitarët e tij të 23 viteve, i dhanë divorcin me pushtetin. Tre ditët që pasuan ai heshti dhe të mërkurën, pranoi dhe vetë një gjë të tillë e tha të vetmen fjali që nuk e kishte thënë kurrë në jetën e tij: Po iki! Dhe ktheu krahët përballë një turme pasionante që i përpinte fjalët dhe dëneste. Ndoshta më shumë se për ikjen e pabesueshme të tijën, dëneste për veten. Çdo humbje është në proporcion me pritshmërinë personale: Berisha humbi pushtetin real dhe u duk se dënesi, dikush humbi portofolin e ministrit, mandatin e deputetit, por ata nuk ndodheshin në turmë që t’u dallohej dënesja, shumëkush tjetër kuptoi humbjen e skuadrës për të cilën bënte tifozllëk, pavarësisht se ishte po aq i varfër, po aq i dërmuar sa tifozi i skuadrës tjetër fituese që festonte pikërisht atë për të cilën pala tjetër qante.
Një epilog befasues
Një politikan, në ballafaqimin e tij me të nesërmen, më së shumti mbahet mend për epilogun e karrierës së tij direkte politike sesa për vetë karrierën e tij. Në epilogun e tij Berisha mund të mburret se la pas dhe iku me zgjedhje që ishin absolutisht më të mirat në gjithë atë set zgjedhjesh alla shqiptare. Edhe pse gjatë fushatës e përpara saj përdori gjithçka kishte mundësi e në dorë, që nga administrata dhe strukturat e shtetit, nga policia, tek fëmijët e deri tek hipokrizia, gënjeshtrat e lumi i parave, ai i rezistoi tundimit që të ndërhynte në pikën thelbësore të zgjedhjeve: numërimin e votave. I rezistoi dhe tundimit se do të vazhdonte të ishte qëndrestar dhe se do të “ngrinte buzëqeshjen e fituesit”, siç kishte premtuar të bënte dhe bëri në 2001-shin. Në të kundërt, pranoi rezultatin dhe me një gjest të jashtëzakonshëm politik që i fliste më së shumti të nesërmes, morri mbi vete gjithë përgjegjësinë për disfatën elektorale. Duke shfajësuar kështu gjithë të tjerët në parti, duke ju hequr atyre sikletet e pafundme të debateve e rivaliteteve të llojit, çfarë bëra unë e çfarë bërë ti dhe duke hapur në këtë mënyrë, skenaret e PD-së së nesërme. Një proces që hyri në tranzicion disa mujor dhe që në fillim të vjeshtës do të afrojë rezultatin e tij, por që padyshim dhe jashtë çdo dyshimi, në thelb do të ketë emrin, fytyrën dhe vulën personale të vetë Berishës, pavarësisht formës që do të zgjidhet. Tashmë ai ka kuptuar nevojën e rithemelimit të PD-së. Mbasi mblodhi gjithkënd që kishte përzënë në vite, mbasi më së fundi të gjithë e pranuan si “destin” që kjo parti është pronë private e atij vetë, Berisha paralajmëroi transferimin e tapisë së saj. Në dukje e ka bërë zgjedhjen. Ai është Lulzim Basha, kryetar i Bashkisë së Tiranës, i vetmi që ka konkuruar dy vjet më parë me drejtuesin e opozitës që tani dy vjet më pas i mundi të gjithë. Ka një pafundësi arsyesh që e çojnë Berishën drejt një zgjedhjeje të tillë, ashtu siç ka dhe një mori arsyesh që pikërisht kjo kandidaturë e mundshme dhe krijesë e tij politike, mund të rrëzohet. Luajaliteti i tij me Berishën e sidomos problemet e mbartura nga e shkuara që nisin që me rrugën Durrës-Kukës e deri tek e Premtja e Zezë e 21 Janarit, mund edhe të kthehen kundër tij. E sigurt është që e nesërmja e PD-së do të reflektojë ekuilibret e rinj, brenda drejtuesve trandicionalë të saj si Topalli, Olldashi, Bode e Patozi, Imami, Ruli e të tjerë, por në proporcion me atë sesa do të dojë vetë Berisha të krijohen këto ekuilibra.
Vota për demokracinë
Sali Berisha është padyshim personazhi më kontravers i Shqipërisë pluraliste dhe me siguri do të jetë i fundmi i trinomit të ndryshëm/të ngjashëm me paraardhësit e tij, Zogu e Hoxha. Ahmet Zogun e urrente në rininë e tij komuniste, e përbuzte gjatë rinisë së tij politike dhe e dashuroi me pasion në pjesën e fundit të karrierës së tij të vrullshme. Enver Hoxhën e idhujtarizonte në rininë e tij komuniste, e urreu egërsisht në rininë e tij politike dhe e imitoi dukshëm në pjesën e fundit të karrierës së tij.
Ai ishte edhe njëri, edhe tjetri.
Ai ishte herë njëri dhe herë tjetri.
Sali Berisha bashkohej me Zogun dhe Hoxhën në arrogancën me të cilën ushtronte pushtetin dhe diferencohej nga bashkëpunëtorët, bashkohej në mënyrën sesi personalizoi politikën dhe ndërtoi e lejoi bashkëpunëtorët t’i ngrejnë kultin e frikshëm të individit, ngjante me ta në mënyrën sesi trajtoi miqtë e armiqtë dhe ishte identik me ta në shkëputjen totale nga realiteti. Ndryshon nga ta vetëm në kontekst kohor dhe modelet e kostumeve që vesh, ndryshon në formë, por jo në thelb me ta, njëlloj ballkanas e dinak, njëlloj i gatshëm të shenjtërojë çdo mjet për hir të qëllimit për pushtet dhe pushtetit si qëllim në vetvete.
Sali Berisha është qënie e mirëfilltë politike, me shumë dritëhije, me shumë më shumë hije sesa dritë, ai njeri është kasaforta e mbyllur e gjithë paqartësive, anktheve e dilemave që kanë shoqëruar rrugëtimin e vendit në pluralizëm. Duke nisur që me dhjetorin e 90-ës, rolit të tij në atë kapërcyell kohor, faktit sesi u përfshi, kush e përfshiu dhe si monopolizoi një lëvizje që nuk ishte e tij.
Ai qëndron pas gjithçkaje të mirë dhe të ligë, që ka ndodhur në Shqipëri; i aftë të personalizonte gjithçka në anën e tij politike, por shumë shpesh kushtëzues i anës tjetër të gardhit politik, i gatshëm për pirueta që do t’i merrnin mendjen çdo balerine, por që e ktheu baletin politik në ringun e vetëm të politikës shqiptare. Autoritarist dhe pragmatist, ai gaboi vetëm në një pikë të verifikuar dhe nga eksperienca e varfër politike në vend: pushteti bie nga pesha e tij.
Më shumë se kaq, Berisha ra sepse ju kundërvu sistemit dhe u shndërrua në një rrezik serioz për vetë demokracinë që në thelb parasheh balancën dhe kontrollin mes pushteteve. Pikërisht këtu e sulmoi instikti i pagabueshëm i shqiptarëve: në 23 qershor, në thelb, ata nuk votuan as Edi Ramën, as Ilir Metën e gjithë koalicionin e majtë, ata nuk votuan as vetëm kundër partisë së tij, por votuan për demokracinë. Ky lexim i ndryshëm i natyrës së votës së shqiptarëve, ka gjasa të jetë i vërtetë nëse
krahasohet thelbi i dy sistemeve që zëvendësuan njëri-tjetrin njëzet e ca vjet më parë: njëlloj si në komunizëm, në vend të demokracisë reale, u tregtua partitokracia si demokraci. Ka pluralizëm, por vendos për çdo gjë e gjithçka vetëm një parti, ka liri tregu, por liria është e kontrolluar dhe pilotuar vetëm për klientë korrektë politikisht, ka liri fjale, por dhe liri për të mos dëgjuar kundërshtarin dhe zërat ndryshe. Diskriminimi i shqiptarëve sipas përkatësisë politike u bë mbizotërues dhe kjo ishte e fundit gjë që votuesi do të falte. Ndaj e ndëshkoi me votë regjimin hibrid të ndërtuar. Më shumë se për të sotmen e dy mandateve rresht të demokratëve, shqiptarët refuzuan modelin e frikshëm të mandatit të tretë. Sepse nëse Shqipëria do të ishte vetëm disa qindra kilometra më tutje në Lindje, ajo nuk do të kishte asnjë ndryshim nga ish-republikat sovjetike që bëjnë rregullisht zgjedhje, por që para tyre dihet mirë se kush do të zgjidhet. Berisha ra sepse ishte koha që ai të binte. Madje ra vonë! Ra atëherë kur Sali Berisha e kishte bërë të udhës t’i drejtohej vetes me emër dhe mbiemër njëlloj si personazhet e Big Brother-it dhe të lejonte të tjerët ta quanin prijësi ynë. Ra sepse duke qenë në këmbë nuk mund të afronte më asgjë tjetër për një vend të zhytur më shumë se në krizë ekonomike, në një spirale krize ekzistenciale. Ra sepse nuk i frymëzonte më asgjë shoqërisë shqiptare.
E mbani mend Enverin?
Edhe nëse ndërtohej një shkollë, një qendër shëndetësore, një hidrocentral apo qoftë dhe jepej një e drejtë studimi, formula ishte e qartë: ajo ishte dhuratë e partisë dhe e udhëheqësit. Ngjante se partia e komunistëve të djeshëm që pretendonte se ndërtonte një vend pa taksa për qytetarët, kishte një xhep magjik nga nxirrte paratë me të cilat paguhej zhvillimi i vendit dhe gjithë jeta e tij. Në fakt e gjitha kishte të bënte me rolin rregullator që shteti komunist përdorte në shpërndarjen e të ardhurave që prodhonin vetë qytetarët. Nuk paguhej për arsimimin dhe spitalet, por paratë dilnin po nga xhepat e përbashkëta të tyre, paguanin qera minimale për banesat apo energjinë, por paratë vinin sërish nga puna e papaguar e tyre. Ishte përsëritur aq shpesh kjo lloj gënjeshtre groteske sa ishte kthyer në bindje popullore atëherë dhe në kartë politike sot kur përdoret e njëjta teknologji. Çfarë thotë vetë Berisha në fjalimin e tij të fundit? “Ne duhet të jemi krenarë sot me Partinë Demokratike, sepse për të bërë të vërtetë ëndrrën e Shqipërisë së zhvilluar të qytetarëve shqiptarë, ne ndërtuam në mbarë vendin qindra ujësjellës dhe sisteme kanalizimi, një seri sistemesh të pastrimit të ujërave të ndotura dhe natyrisht mbetet ende shumë punë për të bërë. Por, në mandatin tonë të ri ne do ta bëjmë Shqipërinë me infrastrukturë ujore më moderne që ekziston.
Shqipëria – vend i zhvilluar, për ne ishte dhe është para së gjithash Shqipëria e dijes. Për të arritur këtë objektiv ne mbi dyfishuam rrogat e mësuesve, ndërtuam dhe rindërtuam mbi 1300 shkolla fillore, nëntëvjeçare, të mesme, korpuse universitare. Ne sot, njëlloj si vendet e zhvilluara, kemi shtrirë internetin në çdo shkollë, nga vetëm 45 shkolla që kishin internet dhe nga vetëm 700 kompjuter që ishin shkollat tona pak vjet më parë, sot kanë mbi 24.500. Shqipëria ka arritur nivelin e vendeve të zhvilluara për studentë për 1000 banorë dhe përqindjen e nxënësve që ndjekin shkollat e mesme”.
Marrëzi apo një gënjeshtër e përsëritur e shtuar me pretendimin se PD e futi Shqipërinë në NATO dhe hoqi vizat për udhëtimin në vendet e BE-së? Eshtë qeveria ajo që ndërton rrugë apo qeveria duhet të ndërtojë politika? E shpiku qeveria internetin e Facebook-un që e referon shpesh, apo ato janë zhvillime normale teknologjike? Ishte Shqipëria që hyri në NATO apo ishte politika e zgjerimit të NATO-s që i siguroi vendit vend nën këtë sistem global sigurie? Ishte PD që hoqi rregjimin e vizave apo kjo është gjithashtu pjesë e politikës së hapjes së BE-së në vendet e Ballkanit? Natyrisht që vendi ka plotësuar kritere dhe kushte të caktuara, por kjo është thjesht dhe vetëm detyra e saj. Nuk
mund të quhet arritje ajo çfarë është normale. Njëlloj si rritja e rrogave e pensioneve që është përgjigja për shtrenjtimin e nivelit të jetesës, por që nuk i jep përgjigje pyetjes: sa më shumë të mira materiale blejnë shqiptarët me këto rroga e pensione të shtuara në krahasim me vite më parë. Dhe kur vjen puna tek rrugët, sërish njëlloj siç do të bënte Enveri, ka vetëm heshtje për pyetjen: si janë ndërtuar, a janë ndërtuar realisht ato që duheshin ndërtuar dhe a do të duhej të ndërtoheshin më mirë? Keqkuptimi i madh komunist që e sheh qeverinë si një lloj kryetari komune që ndërton ujësjellësa dhe kanalizime u mbart po nga vetë botëkuptimi komunist i vetë Berishës. U mbart deri në pikën që ai me siguri e beson edhe vetë se gjithçka në këtë vend që është frut i zhvillimit normal të vendit, është garantuar prej atij vetë. Nga kjo pikpamje, shqiptarët i thanë “Jo!” edhe politikëbërjes sipas stilit të Babo Natale-s me thes në dorë që diku hedh një rrugë rurale, diku një qendër interneti e diku tjetër një ujësjellës apo një urë.
Basti për historinë
Ky është padyshim basti i madh i Sali Berishës. Një njeri që ka ditur të ngjallë dashuri dhe urrejtje si pakkush në këtë vend. Gjithmonë do të ketë shqiptarë që do ta duan marrëzisht dhe shqiptarë që do ta urrejnë me të njëjtin pasion. Për të janë shkruar mijëra kilometra me letër dhe në 23 vjet ka qenë pjesë e bisedave të çdo shqiptari sepse ai ka ndikuar në jetën e çdo shqiptari. Për të do të vazhdohet të shkruhet edhe më tej dhe
shumë madje. Por e vërteta për të nuk gjendet vetëm në Shqipëri. Pjesë të portretit të tij politik, të para dhe të pas viteve
90’, janë të skicuara dhe gjetkë. Ndoshta duhet të kalojnë 25 apo 50 vjet kur të qëmtohen dhe pjesë të tjera të padukshme të puzzle-s të këtij personazhi të jashtëzakonshëm që në qershorin e vitit 2008 ka mbyllur një mesazh privat në shishe dhe që e ka fshehur diku në malin e Dajtit.
P.S. “…por, në mandatin tonë të ri ne do ta bëjmë Shqipërinë me infrastrukturë ujore më moderne që ekziston”. Kjo frazë është përsëritur disa herë në fjalimin e kryeministrit në detyrë Sali Berisha. Në fjalimin që deklaroi dorëheqjen e tij nga funksionet në PD. Ky lapsus dëshmon se pjesë të konsiderueshme të fjalimit kanë qenë copy paste nga fjalimet e fushatës. Por ky është vetëm një detaj. E tëra qëndron tek modeli i gënjeshtërt, tek realiteti virtual që ky teknolog i pashoq i manipulimit të njerëzve ka krijuar në 23 vjet, që për ironi të fatit e ka megjithatë një gjë të dobishme. Ai është një model që duhet të vazhdojë të ekzistojë si një shembull që nuk duhet ndjekur. Jo aq për efekt të kontrastit, por për të treguar se si nuk duhet të jetë politika shqiptare e ushqyer prej tij me egërsi dhe arrogancë deri në pikën kuy litari i zullumit u këput ngaqë u trash tej çdo arsyeje.
24 komente në “Berisha, rënia e një modeli – Nuk iku, e hoqën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Turma nuk deneste per vete Zoti Lorenc ketu ke gabuar. Po te ishe dhe ti demokrat dhe i pa lidhur me Ed Ramen dhe familjen e tij do e kuptoje se turma qante per fatin e Shqiperise ate dite.
Po mor po. Ciliminjte e Sales e kuptokan fatin e Shqiperise qe ky Monster ka 22 vjet qe e nxin. Shkoni o dallkauker beni harakiri kolektiv
si e keni emeruar kete foton e Monstres : doku.jpg ?
Te tregosh doreheqjen e Berishes si akti larte burrerie, eshte njesoj si te vleresosh vetvrasjen e Hitlerit, si shenje burrerie.
Te dy keta nuk kishin me asnje zgjidhje, asnje dere, te gjitha ju mbyllen, prandaj vepruan te dy njesoj: U DOREZUAN.
Berisha e urren Ambasadorin Amerikan Arvizu qe nuk e la te vidhte votat, sic ka bere per 23 vjet.
Modeli diktatorial i saliut tashme eshte vetem e kaluara sepse tani e gjithe shqiperia votoj dhe zgjodhi ne unanimitet qe e ardhmja e shqiperise do te jete modili social i propozuar nga e majta shqiptare me ne krye ryeministrin e ri Edi Rama.
modeli i vetem qe ishte qeveria e sales ishte modeli i vjedhjes per hesap te familjes berisha dhe modeli i korrupsionit te thelle qe kishte ngulur rrenjet ne te gjitha pjeset e shoqerise dhe qe shpresojme dhe kemi besimin se Rama do arrije te reduktoje dhe do te rrise mireqenien e shqiptareve qe kane me pak mundesi dhe jo familjeve te bisnesmeneve.
Berishen e votoi kunder nje popull i tere qe ishte i lodhur dhe i rraskapitur nga ajo politike e shtrember qe sa vinte e agravonte jeten e cdo njerit prej nesh qe cdo dite perballej me rritje cmimesh e papunesie. Ajo qe ne te gjithe bashke vendosem ishte ajo qe duhej nje qeverisje per qytetaret dhe ne funksionin tone dhe jo nje qeveri qe i sherbente vetem qellimeve te veta.
Poeti qesharak dhe analisti-gaztor Lorenc Vangjeli,mundohet te na jape nje lloj gjykimi per Sali Berishen.
Mision i pamundur.Ky hyn tek ai grup njerezish qe e urren Berishen,sidomos,se eshte Berishe;se quhet i tille;se eshte andej nga eshte;dhe qe ka ato perkatesi qe ka.Urrejtja e te ketille individeve eshte , si te thuash, e parashkruar ne origjinen,perkatesine krahinore dhe fetare(kjo hipotetike) te Berishes. Nuk eshte vetem Vangjeli por ,ka edhe te tjere te ketij soji a sorrollopi qe,mund te thuhet me plot gojen,kane nje urrejtje patologjike per Berishen.
Eshte mision i pamundur,sepse, ai qe konsiderohet edhe si nje fare ‘gaztori’ ne rrethet mediatike ,Lorenc Vangjeli pra,nuk mund ta shtyje dot arsyetimin pertej batutave bajate,te dala boje,ne stilin e poetuceve provinciale te para viteve ’90,aq me teper qe ,ashtu si shume te tjere,mundohet te imitioje nje tjeter “batutaxhi” tashme te famshem,Edi Ramen.
Paragjykimi i Lorenc Vangjelit,por edhe shume e shume Vangjeleve te tjere, ndaj Berishes duket tek sidomos kur bejne krahasime te Berishes me E.Hoxhen.
Nuk kane asgje te keqe krahasimet ne vetvete,POR…keta zuzare,thone apo me shume lene te nenkuptohet ,qe Enver Hoxha ka qene me i mire se c’eshte Berisha…!Pasi e kane bere kete me Ahmet Zogun,i cili per shumicen e socialisteve te ndershem e naive (shume naive) eshte nje figure shume me negative se Enver Hoxha(!), tani ,keta zgjebarake po duan ta nxjerrin sundimtarin me mizor qe kane njohur ndonjehere shqiptaret,kasapin e tyre,Enver Hoxhen, si me demokrat se Sali Berishen…!O tempora o mores!
Ti,o i SKOPJUAR,je vetem nje DORDOLEC ME GJETHE FIKU,qe Berisha te ka shplarte TRUTE deri ne ate mase,qe te flasesh me veten!!! Nuk ke faj:Je mesuar tere jeten nen SUNDIMIN e bajraktarit,ndaj nuk e kupton jeten pa Berishen!!!
Ai e di se cfare KAFSHESH ka nen vartesi,ndaj ju trajton si bageti juve qe ulurini per te si perendi!!!
Nuk e meritoni te jetoni ne Shqiperi,por ne shpellat e Azise,se ju nuk keni DINJITET E AS RESPEKT PER VETEN KUR E ADHURONI NJE KRIMINEL E ANTI SHQIPTAR VETEM SE AI ESHTE MALOK SI JU!!!
cfare merreni me kete qelbesire? Sali Berisha ka qene turpi i ketij vendi, nje shpellar nga vicidolli, nje kriminel i rregjur qe ka vrare dhe prere ne Tropoje dhe ne te gjithe Shqiperine. Haklajt dhe Kernaja nuk do tia fali Sali Rame Berishes gjithe ate gjak qe ka derdhe ne Tropoje, gjithe ato te rinj qe i preu ne lulen e pranveres, gjitha ato femije qe i la pa prinder, gjithe ate tradite qe e shoi. Vetem prit Sali Berisha, oj kerma e Shqiperise
Si fillim.Bisha nuk ka ikur.
Ka te misheruar ne pjesen me te madhe te atyre qe i rrine
afer nje rryme me te rrezikshme se vete Berisha.Berishizmin.
Vesi iken bashke me njeriun qe e mbart.
Servilizmi,poshtersia,beseprerja e te gjithe te keqiat e tjera
me te ndyra jane te misheruara me se miri ne rrymen qe ai
instaloi ne PD.Berishizmi.
Asnje nga kandidatet per pasues te tij nuk mund te marre
fronin e kryetarit pa bekimin e Bishes.
Berisha nuk ka ikur.Edhe sikur te denohet per fatkeqesite e
panumurta qe i shkaktoi ketij populli sa te kete fryme ai eshte
i gatshem per realizimin e epshit te tij per sundim.
Berisha ka ikur, ndersa Berishizmi do iki ne Shtator, kur te gjithe keta Berishiste do kerkojne buke ne tavoline.
Ne fjalimin e tij ku fliste percart permendi edh enje pjese nga fjalimet elektorale “ne mandatin tjeter do bejme te mundur ndertimin e Rruges se Arberit”.
Njeriu qe do kujtohet vetem per te keqija dhe per te zeza qe i ke sjelle Shqiperise dhe Shqipetareve do kujtohesh o ti Sali.
Nje analize e shkelqyer. Nuk mund t’i heqesh asnje presje, sic thuhet rendom. Te lumte!!!!!
Lorenc Vangjeli .E ke bere kete shkrim, por nuk ke percaktuar thelbin e problemit.Duhet te deklarosh qe serbi srb ,eshte hajdut dhe krimineli me I madh I Shqiperise sepse . Ky njeri I poshter ne cdo qelize te trupit te tij,mori ne dore Shqiperine, me prone totalisht shteterore ,ku mbizoteronte ,prona shteterore mbi mjetet e prodhimit, Ky njeri si me I poshtri qe ekziston,midis shqiptareve,e perdori kete prone ,per tua shperndare bandave te tij ,per te vjedhur ,e per te ngritur bandat e krimineleve te veshur me pushtet,sic jane strukturat e sh,i k, forcat special, renea, garda , e policia e shtetit ,ketu ki parasysh ti Lorenc Vangjeli,vrasjet qe jane bere ne vend lindjen e ketij krimineli ,Tropoje .Shqiperia ,para se te hipte ky njeri ne pushtet, prodhonte ,nafte ,ckrom ,baker ,hekur nikel ,kobalt ,qymyr guri ,super fosfat ,nitrat amoni ,{NH3 NO4] bokside ,sode kaustike ,sode te kalcinuar ,bitum ,instrumenta mates ,200 mije ha toke te drenazhuara ,sisteme ujitje te persosura ,sisteme kullimi te persosura.[sepse kam 10 vjet ketej ne perendim,e nuk po shikoj ,vaditje dhe kullim sic kishim aty ne Shqiperine tone te dashur.] Lorenc ,keto prodhime qe shkruajta me siper nuk ekzistojne me .Pra fajtori eshte agjenti I Serbise, sali ram berisha . Duhet te ngrihet nje komisjon ,qe te hetoj kete figure te poshter qe jeton aty ne shqiperi,Ketij njeriu duhet ti sekuestrohen pasurite dhe llogarite bankare qe ka sali berishe me gjithe femijet e tij ,si dhe te bashkepunetoreve te tij ,ne bankat e botes. Krimineli sali ram berisha,mesoi nga praktika qe ka perdorur ,Ahmet Zogu dhe Enver Hoxha, .Per te pasur informacion se si kane vjedhur ,Zogu apo Enveri, lexoni ,per zogun ,letrat doreshkrime qe ka lene z Saraci,shkodran, ne nje banke te Londres, qe po perkthehen kohet e fundit nga Moikom Zeqo.Ndersa per vjedhjet e enver hoxhes ,lexoni ,Historia e nje dedektivi, me autor Agim Hamiti ,qe beri nje operacion ne vitin e 1984, ne zemer dhe pagoi ,25 miljon dollar amerikan , Lorenc,bejani gati akt akuzat ketij filo serbit , srb ,e cojeni sa me shpejte ne bangon e akuzes , megjithese e ka mbrojtesin e tij qe futi ne daten 1 prill 2013, ne aleancen e majte , Ilir Meten. Pra si perfundim ,nuk ka perspektiv ,Shqiperia,e ka zene per fyti e keqja, e nuk ngre dot krye .
Bravo Vangjeli kjo eshte autopsia reale e berishes dhe e berishizmit.
E perzun salen.
Dhe sala ja plasi te qares si kalamajt qe perzihen nga loja si te paaft.
Dhe ju qahen mamit masanej,
Edhe femnat qajn kur i braktis dashnori, i cili i pallon mir e mir prej vitesh dhe shkon me nji dashnore te re.
E nuk osht burr sala
Se,”burri qe eshte burr,nuk qan kurr”
Dhembe pa laret te mos flasin Boll.
Vangjeli eshte me shumicen qe rezoi saliun,mbrojtesit e saliut tani jane pa logjike,kunder shqiptareve,ndaj duhet te lajne dhembet kur flasin.
Internetin se solle ti o Sali. Ai erdhi natyrshem si ne cdo skaj te botes.Ai erdhi si nje biznes ne ritje,ku etja dhe kerkesa ishte e larte.Ashtu si tregetaret e domateve,apo te mishit ,tregetaret e e internetit shesin megabite.Pra si cdo produkt,kerkese-oferta. Ti mos u levdo me internetet e shkollave,por po te jesh i paster thuaj sa lek te taxapaguesve shqiptare jane harxhuar ke favorizove, dhe kush i ka marre keto tendera?
E hoqem qelbesiren
Eshte nje “koment” i tepert qe fatkeqesisht persiatet e
zgjatet ne qellimin e gjetjes se nje “gjeje” te nderlikuar por
qe per Popullin Shqiptar (te vetmet fjale qe meritojne te shkruhen
me te madhe) ishte nje gje instiktive – heqja nga qafa e nje zgjedhe
jo kombetare e diktatoriale.
Nje shkrim i keq e nje artikull edhe me i keq ende.
POPULLI NUK KA GJITHMON TE DREJTE SE ATO E DESHEN KOMUNIZMIN DHE ENVERIN DHE MIRE IA BERI 50 VJET QE I SHKELI DHE CA NUK I BERI KUR NE 2013 KY POPULL BASTARD SHET BYTHEN PER 50 EURO TE LSI HAJDUTIT META DO ZOTI PER BUKE LE TE VDESIN KTO 4 VJET
Zgafellori i pabese, mbushur plot me morra, erdhin ne mes te Tiranes, ja qeruan morrat, e mesuan ne shkolle, e bene doktor, e cuan ne France dhe nje dite u derdh dhe kafshoi varrin e te zot. Ka me se 20 vite qe kendon kengen e anti komunizmit si ai qe thote mes shokeve pa e pyetru kush dhe duke perseritur deri ne bythëçarje transversale se “nuk e kam vjedhur unë, nuk e kam vjedhur unë, nuk e kam vjedhur une. E kujt i palsi për këngën e antikomunizmit??? Askujt! Zgafellorit i duhet të kendojë se i djeg shume qerja komuniste, ndaj dhe përpëlitet, pshurret dhe përbetohet me lotë në sy se është antikomunist. Shkurt as nuk e çajmë kokën për antikomunistët. Ne duam pronë private (jo komuniste) me drejtesi, duam ligje dhe zbatimin rigoroz të tyre. Në djall vaftë Sali Berisha megjithë fejsbukistet, blogistët, shaluqet si Xhozi e dhjetra Lenka, Tefta dhe Themije të tjera. Shpresoj të vendoset demokracia në Shqipëri dhe ne mos me shumë, të paktën të varrosemi në një tokë të pastruar nga zgafellorët dhe lukureqët e bizbiqët e tyre!
O ERMAL O KATUNAR TI JE NJE IDIOT QE SYTE E VESHET TI KA MBYLLUR SALA QELLIMISHT QE MOS TE KUPTOSH E TE MESOSH SE KUSH ESHTE POPULLI QE SHAN SE EDHE SALIU E VODHI E SHAU E VRAU POR NE FUND I DHA NJE GODITJE TE FORT NOKAUT, DHE KJO SBARON KETU SE MBAS SHTATORIT E KE TI RADHEN ME INJORANTET QE E KENI MBESHTETUR PER PERFITIME PERSONALE NE KURIS TE TJEREVE DHE DO JEPNI LLOGARI TE GJITHE NE PROKURORI DHE PASTAJ DO KESH SHANCIN TE SHKRUASH NGA BURGU, SE KY POPULL QE TI E SHAN (JE DHE VETE) DO TE TREGOJE TY VENDIN.