Te fundit
Motivet e ulëta shqiptare
1 Gusht 2013, 21:12Blog
TEMA
Nga Blerina Rogova- Gaxha*
Për “motive të ulëta” në Vlorë shqiptarët i vrasin tre persona, të gjithë të pafajshëm. Pa u fashitur lajmi i zi i atjeshëm jehon një tjetër lajm po kaq futë, në një tjetër qendër shqiptare, në Tetovë, ku po për motive që ata i quajnë të ulëta, një baba vret bijën 27 vjeçe…
Pak ditë më parë është skandalizuar opinioni publik me lajmin se një tjetër babëzi, e ka hedhur nga kati i katërt o i pestë, ç‘rëndësi ka kjo, djalin e tij 13-vjeçar.
Vetëm lajmet e një jave, ta shpifin javën, ta nxijnë mendjen dhe je gati të ulërish pse krejt qëllimisht ose me pahir, je pjesë e këtij komuniteti, e kësaj kulture, e këtij shteti.
Ka fishkëllyer si thashethemi i rrugaçëve të “Facebook”-ut, një lajm se si një serbe qenka konvertuar në myslimane, dhe qenka bërë hataja. “O burra dhe gra fisnike, nuk ka më krizë për islamin, sepse ja, u konvertua një serbe”. Edhe kjo është pjesë e kulturës së komunikimit, e kulturës së besimit, e kulturës së funksionimit, që nuk ndryshon shumë nga baballarët që vrasin bijtë e tyre. Të gjitha larg e larg bëhen për motive “të ulëta” që nuk janë as njerëzore, as të besimit, as të zotit, edhe më pak të kulturës së një komuniteti. U tha se pak ditë më parë në Siri, ishte vrarë një i ri nga Peja, vetëm se nuk e dimë në ishte vrarë në emër të All’llahut, të Lirisë, apo të kulturës së tij.
Nuk ka asnjë dyshim se ngjarjet e disa muajve të fundit, janë “paranormale”. Janë më shumë se asnjëherë më parë dhe kurba e abnormalitetit në komunitetin shqiptar gjithandej ku jeton ai, është shqetësuese. Ndoshta ka plot njerëz që mund të thuan, kjo është pjesë e mënyrës se si jetojnë ata, është pjesë e kulturës, është pjesë e gjenit shqiptar, që për njëmijë arsye e ka të vështirë të mos vrasë më për “motive të ulëta”!
Apo ndoshta ky është çmimi i “traumës shqiptare” që ka zgjatur 50 vjet në komunizëm, pesëqind vjet nën robëri, njëqind të tjera nën pushtim…ose 20 vjet të fundit në “demokracinë shpërfytyruese”.
Jemi befasuar këndshëm pas rezultatit të zgjedhjeve parlamentare në Shqipëri, ku kryeministri akoma aktual shqiptar, tha se ai e njihte rezultatin dhe e pranonte përgjegjësinë e humbjes, që e çonte atë në pensionimin përfundimtar politik. Por çudia nuk zgjati më shumë se tre ditë, dhe ai e ka filluar betejën e vjetër, se nuk e njeh rezultatin, se nuk e pranon humbjen, se është i vjedhur. Çuditërisht kur besohej se paska ndërruar kultura politike në kryeqytetin shqiptar…prapë “diçka e parë!”, sa shumë deri tash.
Thonë se shqiptarët kanë pasur epoka të lavdishme për lirinë e tyre dhe shpirti shqiptar nuk është mposhtur kurrë në kërkim të kësaj lirie! Të gjitha epokat i kanë pasur heronjtë e tyre, dhe ne “vdekatarët e mëvonshëm” i jemi bindur “heroizmit shqiptar për liri a vdekje”. Tash kur lirinë e kemi me bollëk, kemi filluar që në “emër të traditës” të vrasim për “motive të ulëta”, që në emër të All’llahut t’i vrasim fëmijët, që në emër të kulturës ta vrasim shqiptarin shqiptar!
Në mungesë të pushtuesve të huaj, pushtuesit i kemi krijuar brenda llojit, barbarët brenda fisit, armiqtë brenda ideologjisë.
Përditë e ngadalë kemi filluar të shndërrohemi në “brejtës” të identiteti kulturor, fetar e kombëtar. Gjithë ajo që ka ndodhur në javët, në muajt dhe në vitet e fundit, edhe e ka ringjallur njërën prej penave më të forta të atyre që kanë shkruar shqip ndonjëherë, Faik Konicës, dhe postulatin e tij “O Zot, ruaje Shqipërinë nga shqiptarët”.
Kushedi se cila është lufta shqiptare e radhës! A do të flakemi në emër të lirisë nga e cila jemi dehur, a do të mbytemi për politikën që kurrë s’kemi ditur ta bëjmë, apo do të vazhdojmë të vritemi për “motive të ulëta” dhe për kulturën e munguar? Apo edhe më keq, do të zhbëhemi nga lufta për besimet e huaja, duke harruar Zot e Atdhe!
5 komente në “Motivet e ulëta shqiptare”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Krimi ne Vlore nuk ishte thjesht kunder 3 njerzve te pafajshem, ishte kunder Vlores! Plehrat e shqiperise e dine qe ne sezonin turistik, e vetmja kohe ku njerzit e ndershem mund te sigurojne te ardhura per familjen duke shfrytezuar bukurite e natyres, dhe jo te njeriut. Plehrat e shqiperise qellojne turizmin, sepse kaq e madhe eshte ligesia e tyre. Turizem ka ngado ne shqiperi, por me shumice eshte vetem ne Vlore, aty pikerisht sulmojne egersirat, shtazet qe nuk do zbuten kurre!!!
Si mund te zgjedh nje turist qofte shqiptar/apo i huaj nje vend ku ka dhune? Veshtire se do e marri veten turizmi i Vlores. Ja arriten qellimit. Vlonjatet duhet te jene me vigjilent. Sidomos kur shikojne turista nga “pylli”, sepse dallohen kollaj!
O Spartakus,po qe ke te drejte mor çun.Si do ja bejme me keta bageti,shtaze,mostra.Po ketyre ju duhet vene trau te ura e Mifolit.Ose ti mbledhesh e ti sperkasesh nga lart.Mjere ato nena e motra se cfare pjellash kane gjeneruar…mjere ata baballare felliqesira qe i bejne e i leshojne rrugeve e nuk ju mesojne vlerat e verteta,…Mjere mjeranet qe nuk do behen kurre njerez.
ESHTE NJE GJUHE JO GAZETARESKE KUR PERDORET GJITHMONE FJALI MONOTONE DHE E SHEMTUAR “PER MOTIVE TE DOBTA” , SHKAQET E DOBESISE SE ARTKUJVE I DINE VETE KETA PSEUDOGAZETARE .
Liri me bollek!!!?
Liri quan te vrasish nje popull e te shpallesh president
Te ngresh fabrika cfarosese te mbetesh kryeminister
Te vrasesh ne bulevard kerkusit e te drejtave
Te vjedhesh miliona me tendera
Te vjedhesh si sekser e te kalosh nga nje qeveri ne tjetren
Keto e shume si keto quani Liri me bollek , ndersa ate qe perdori nje abone autobuzi fallco per te siguruar nje kafshat buke u fut ne burg?
Kerkoji rrenjet e ketyre lirive tjeter vend
cfare shetmie karikature ne te pare dhe ne te shkruar