Te fundit
U kry Azem, po çfarë u kry se?!
13 Shtator 2013, 18:19Blog
TEMA
Nga Altin Ketro
Gazeta zyrtare e opozitës, RD-ja, hapej të nesërmen e vendosjes së trupit të Azem Hajdarit në varrezat e “Dëshmorëve të Kombit” me titullin: “… U KRY AZEM!” Seç më ngacmoi ky titull dhe më ktheu prapa në kohë.
Për herë të parë jam ndeshur me këtë slogan menjëherë pas pavarësisë së Kosovës ku shqiptarët e atjeshëm, për nder të veprës heroike të Adem Jasharit, i hapën gazetat me titujt: “Bac, u kry!” E gjitha kishte lidhje me ëndrrën dhe dëshirën e Komandantit legjendar të UÇK-së për ta parë Kosovën të çliruar dhe të pavarur nga Serbia. Ishte amaneti i Bac Ademit për të cilën ai dha jetën e vet e të familjes së tij.
Nga ky këndvështrim, ky slogan kish kuptim, sepse përmbush një amanet të cilin, siç thotë dhe populli, nuk e tret as dheu.
Po ky titull- slogan për Azem Hajdarin, ç’të ishte vallë nga RD-ja? Ç’donte të thoshte kjo gazetë dhe me çfarë kuptimi e ka thënë? Në fund të fundit, çfarë u kry?!
-Mos vallë u kry ëndrra e Azemit për liri, demokraci dhe prosperitet të Shqipërisë? Vota kundër e 1 milion shqiptarëve për PD-në dhe Sali Berishën tregoi se kjo s’qe arritur. Për më tepër, partia që themeloi dhe drejtoi i pari Azem Hajdari, korri një humbje poshtëruese, të njëjtë si ajo partia që Azemi e shkelmoi në Dhjetor të ’90-ës.
-Mos vallë u kry gjetja e vrasësve të Azemit? Edhe sot e kësaj ditë ende ka dyshime për motivet e vërteta të vrasjes së tij, autorëve që shkrepën armët dhe bashkëpunëtorëve që e nxorrën në pritë. Edhe premtimi i Berishës i bërë në 2005-ën, se do e hetonte vrasjen e Azemit sapo të vinte në pushtet, u tret si kripa në ujë.
-Duke u nisur nga fotoja që shoqëronte titullin, lind pyetja tjetër: mos vallë u kry “amaneti” i Azemit për t’u prehur në varrezat e “Dëshmorëve të Kombit”?! Po mirë, këtë “amanet”, Azemi e shprehu përpara se t’ua nxirrnin vrasësve në pritë prej selisë blu, apo përpara se të jepte shpirt prej plumbave vrastarë?! Këtë duhet ta dinë mirë vetëm Saliu bashkë me RD-në e tij!
P.S. Detyrimi PD-së për ta nderuar Azem Hajdarin duke e vendosur në varrezat e “Dëshmorëve të Kombit” duhej bërë qysh në vitin 2008, me rastin e 10-vjetorit të vrasjes, që përkonte edhe me 3-vjetorin e riardhjes në pushtet të Partisë Demokratike. Por, në atë kohë, kjo parti dhe lideri i saj ishin të zënë me punët e Gërdecit, kështu që s’u ra ndërmend nderimi për Tribunin e Demokracisë.
5 komente në “U kry Azem, po çfarë u kry se?!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
U kry Azem do te jete kur te dale ne drite kush e vrau Azem Hajdarin, perse e vrau? Atehere do te ishte kry pse nuk eshte kry kaq vjete?
Azemi ne mbledhjen e Parlamentit kur diskutohej heqja e imunitetit me propozim te PD dhe sigurisht te Sa-lehit tha: “Une jam njeshi,une di shume prandaj me duan te vdekur.” Mos ishte ky kuptimi i ketij sllogani, domethene: “Azem u kry, ti je i vdekur dhe ne po te fusim ne dhe sic futem me 23 qershor edhe partine qe ti krijove.”
Le t’ ua shpegoje injoranti Strazimiri dhe Bogdani se : “Çfare u kry!”. Asgje nuk eshte kryer o injorante te RD-s. Asgje. As vrasja, as rritja e partise, as demokracia e partise, as vrasesit e vertete e ideatoret qe e thirren Azemin me urgjence nga Fieri, asgje nuk u krye. Po besoj se Strazimiri e di. Le t’ ua thote ai qe broçkullit kot me kot si nje i çmendur pse kryeministri yne pelqeka nje kengetar qe kendon bukur. Mjerani Strazimir.
PRAP EMRI I salibanit NE NJE FASADE X TE MBULUAR NJE TJETER KRIM.EJJJJJJJJJJ MBLIDHNI MENDJEN VINI DREJTESI E THONI GJERAT SI JAN.NA TRAJTOJNE SI BAGETI.ZGJOHUNI
SHOQE THE SHOKE SHQIPTARE. SI GJITHMONE TROJET SHQIPTARE KANE LINDUR POLITIKANE THE ANALISTA TE GJITHA FUSHAVE DHE MALEVE. PER AZEMIN KA KOHE QE ESHTE KRY. PO PER FATMIREN NUK U KA KRY AKOMA. TE DHEMB SHPIRTI KUR E SHIKON TE PERLOTUR. FATMIRES DUHET TI SHKOJME PER NGUSHELLIME DHE TJA QALJE HALLIN. TE KA LALI SHPIRT TE KA LALI ZEMER .