Lorik Cana në “Top-5″ e mbrojtësve më të mirë e Seria A

Lorik Cana është në listën e “Top-5″ mbrojtësve më të mirë në Itali. Lajmi bëhet i ditur nga uebfaqja “calciomercato.it”, e cila në një shkrim kushtuar mbrojtësve që kanë rikuperuar më shumë topa në dyluftime me kundërshtarët e vendos kapitenin kuqezi në vendin e katërt, duke nënvizuar edhe një detaj mjaft domethënës: Cana është mbrojtësi më i mirë në këtë listë për sa u përket skuadrave të ashtuquajtura “big”. Duhet thënë se deri në javën e shkuar Loriku ishte në podiumin e kësaj liste, pra në vend të tretë. Por mjaftoi një ndeshje, ajo ndaj Interit, ku trajneri Edi Reja e la në stol, që mbrojtësi të humbiste terren. Gjithsesi, kapiteni i Kombëtares shqiptare mbetet në listën e më të mirëve, duke treguar se të paktën deri tani ka bërë një sezon relativisht pozitiv.

Në vend të parë për momentin është mbrojtësi i Parmës, Alesandro Lukareli, i cili në 16 ndeshje të luajtura ka rikuperuar pa faulle plot 388 topa ndaj lojtarëve kundërshtarë. Pas tij vjen Davide Astori i Kaljarit, me 361 topa të fituar në 15 ndeshje të luajtura. Në vend të tretë është Danilo i Udinezes (358 topa të rikuperuar në 17 ndeshje), i cili i ka marrë pikërisht vendin Canës, pas javës së 18-të që luajti para katër ditësh. Loriku renditet në vend të 4-t me 344 topa të fituar në 16 ndeshje. Pas tij vjen Emerson i Livornos dhe Mehdi Benatia i Romës. Në vendin e shtatë është Kristian Zapata i Milanit, ndërsa mbyllin 10- shen më të mirë Federiko Çekerini (Livorno), Stefan Saviç (Fiorentina) dhe në fund një tjetër shqiptar, Shkodran Mustafi, i cili luan për Sampdorian, raporton “Panorama Sport”. Ky i fundit ka luajtur më pak se të gjithë të tjerët, por, gjithsesi, gjendet në “Top-10″. Kujtojmë që Mustafi ka pasaportë gjermane dhe ka luajtur për Shpresat e këtij vendi.

Armando Duka: Nuk është bërë asnjë hap pozitiv për afrimin e Januzajt

14:19 Sport

Ish-futbollisti i kombëtares gjermane del hapur: Jam gay

15:49 Sport

Loret Sadiku ndërmjet Shalkes, Bolonjas dhe Veronas

15:05 Sport

Botërori 2022 nuk do të zhvillohet gjatë verës?

15:01 Sport

Prokuroria: Schumacher nuk ishte shpejt, por ishte jashtë pistës

11:59 Sport

'Lojrat Olimpike', masa evakuimi për atletët amerikanë

11:17 Sport

Lenjani: E kam pasur ëndërr të luaja për Shqipërinë

15:56 Sport

Di Maria tërbon tifozët e Realit, iu përgjigjet duke kapur organet gjenitale (VIDEO)

14:59 Sport

Te Interi të gjithë tashmë e kanë inatin me gjyqtarët

14:49 Sport

Etrit Berisha, vlerësime pozitive nga mediat pas ndeshjes me Interin

14:43 Sport