Te fundit
Nishani shpall procedurën për plotësimin e një vendi vakant në Gjykatën e Lartë
20 Janar 2014, 14:52Politika
TEMA
Presidenti Bujar Nishani shpall fillimin e procedurave për plotësimin e një vendi vakant në Gjykatën e Lartë. Në zbatim të Ligjit nr. 151/2013 “Për disa ndryshime dhe shtesa në Ligjin Nr. 8588, datë 15.3.2000 “Për organizimin dhe funksionimin e Gjykatës së Lartë të Republikës së Shqipërisë”, dhe në vijim të njoftimit nga Kryetari i Gjykatës së Lartë mbi një vend vakant që pritet të krijohet, Presidenti i Republikës njofton publikisht fillimin e procedurave për përzgjedhjen e kandidatëve, duke përcaktuar dokumentacionin e nevojshëm për aplikim dhe afatin, brenda të cilit subjektet e interesuara duhet të paraqesin kërkesat.
Afati për të paraqitur kërkesat fillon ditën e mërkurë, datë 22 janar 2014 dhe përfundon ditën e mërkurë, datë 5 shkurt 2014.
Të interesuarit, të cilët plotësojnë kriteret e parashikuara nga ligji, duhet të dorëzojnë në Institucionin e Presidentit të Republikës dokumentacionin si më poshtë vijon:
1- Kërkesë me shkrim
2- Fotokopje të dëshmisë së arsimit të lartë juridik, Diplomë e Nivelit të Dytë (e noterizuar)
3- Përmbledhje të karrierës profesionale e shoqëruar me vërtetimet e lëshuara për çdo rast nga institucioni ose organi ku ka ushtruar detyrën ose nga dhomat kombëtare të avokatisë, noterisë, përmbarimit, etj.
4- Fotokopje të dokumentit të identifikimit (e noterizuar).
1 komente në “Nishani shpall procedurën për plotësimin e një vendi vakant në Gjykatën e Lartë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
kot ta dergoj cv se vendi eshte blere me kohe……