Kunati dështon me lajmin për vajzën e Timoshenkos

Doktori ishte sërish në stres sot dhe donte medoemos që të lidhte veten me Timoshenkon dhe jo me Janukoviçin, me të cilin për dreq i koinçidon çdo gjë.

Edhe përpjekja e tij e fundit për të mbajtur zi në grup parlamentar për të vrarët në Ukrainë, nuk funksionoi, bile shkaktoi më shumë ilaritet.

Atëherë Luli i kërkoi Kunatit të gjenin një zgjidhje që Timoshenko, pasi doli nga burgu, të dukej sikur falenderonte Berishën.

Kunati i futi një të kërkuar në Google dhe më në fund e gjeti një lajm të dy viteve më parë, kur vajza e Timoshenkos i kishte dhënë dorën Berishës në një takim të Partive Popullore dhe Berisha kishte bërë një deklaratë, që ajo e kishte falenderuar për mbështetjen që i jep daljes së nënës së saj nga burgu.

Atëherë u vendos.

Kunati shpërndau lajmin me fotografi dhe zhduku kohën kur e ka thënë.

Kështu lajmi u postua në disa faqe online dhe Doktori sikur u qetësua.

Por edhe këtu filluan problemet.

Një gazetar e zbuloi se bëhej fjalë për një deklaratë të vjetër dhe lajmi u përgënjeshtrua.

Pas kësaj, Kunati po mendonte si ta modifikonte lajmin.

Versioni i parë ishte që të thuhet se vajza e Timoshenkos i ka telefonuar Gitës dhe i ka thënë ‘bëji të fala babit tënd nga mami im’. Për ta bërë më të besueshme, Kunati e sajoi sikur Gita i kishte ‘thënë babi im nuk merret me femra, por po ia përcjell të falat’. Pastaj, sipas Kunatit, Gita ia kishte përcjellë babit të falat dhe ky i fundit nga mallëngjimi, kishte postuar foton me vajzën e saj në internet.

E rishpërndau dhe këtë fabul, por nuk po ngjiste.

-Kalojmë tek versioni tjetër, tha. E bëjmë sikur vajza e Timoshenkos ka marrë Zenin në telefon dhe i ka thënë ‘përcilli babit tënd të falat e mamit për mbështetjen’…

Pastaj Kunati nuk dinte si ta vazhdonte dialogun me Zenin dhe pyeti Lulin.

-Zakonisht çfarë bën Zeni kur i thonë ‘bëji të fala babit’?

-I kërkon takim, tha Luli, dhe merr dhe çantën me vete.

-Këtë nuk kemi si e bëjmë, tha Kunati, por ta bëjmë sikur Zeni ka marrë një telefonatë nga vajza e Timoshenkos, por ai ishte në Maldive dhe nuk e dëgjoi mirë çfarë tha, ndaj Doktori postoi foton.

-Nuk e beson njeri, tha Luli, se ai paska lënë ish- gruan dhe fëmijët në aeroport, nuk i ka hapur telefonin, jo t’ia hapë vajzës së Timoshenkos.

-Atëherë nuk bëjmë dot lajm, tha Kunati. Dështuam. Kjo që sajuam nga ky lajmi i dy viteve më parë, nuk funksionon.

-Po mirë, tha Luli, lëre kështu të mjegullt, sikur Timoshenko ka folur me mua dhe më ka çuar fjalë të falenderoj Doktorin.

-Po sikur t’i thonë asaj ta konfirmojë lajmin, tha Kunati, çfarë të bëjmë?

-S’ka problem, i tha Luli, ajo i ka bërë like në Facebook Doktorit, dhe themi që kjo tregon admirimin që ka për Berishën.

Kunati në hall me kërkesën e Berishës për një minutë heshtje

20:39 Antena

Kunati i shqetësuar për gjyqet e humbura të Zenit

21:54 Antena

Kunati nis përgatitjet për ligjin e dosjeve

21:42 Antena

Kunati analizon efektin e lajmit për pushimet e Zenit në ishujt Maldive

21:51 Antena

Kunati, i lehtësuar pas mitingut

20:49 Antena

Kunati, debat me Flamurin për rrugën ku do ecin protestuesit e opozitës

20:05 Antena

Epope presidenciale

20:37 Antena

Kunati, strategji për furgonat e ndaluar si taksi

20:20 Antena

Kunati i kërkon Grigjës të bëjë publik “Manifestin” e saj për 20 Shkurtin

18:06 Antena

Kunati sqaron punën e kangjellave me Jarin

21:07 Antena