Kunati ngatërrohet me të pushuarit nga puna

Kunatit iu desh të mbyllte Bashkinë sot. Kërkesa e Doktorit që të hequrit nga puna të shkojnë para Kuvendit, e kapi në befasi.

Luli e thirri në zyrë dhe i tha: -“Ai” lart kërkon 5 mijë vetë para parlamentit.

-Ku t’i gjejmë pesë mijë vetë, i tha Kunati, ne pesë mijë nuk i çuam dot para kryeministrisë.

-Po kërkon të larguarit nga puna, i tha Luli.

-Ku t’i gjejmë, i tha Kunati, 220 janë larguar deri tani. Dhe ata s’kemi ku t’i kapim se shumica janë nga rrethet.

-Na duhen patjetër të bëjmë diçka, tha Luli. Ai i do atje tani, s’kam ç’i bëj.

-Çojmë këta që kemi në Bashki, tha Kunati. 250 i kemi tek gjelbërimi, 100 tek investimet, plus këta të administratës….

-Mirë, merru pak me këtë, i tha Luli. Nga ora 12 të jenë tek Kuvendi.

Sapo u nda me Lulin, Kunati thirri shefen e administratës dhe i kërkoi që gjithë të larguarit nga puna të mblidhen në Bashki urgjent.

Shefja e administratës u hutua shumë.

-Po ku t’i gjej unë tani, tha ajo.

-Gjeji ku të duash, i tha Kunati, 220 vetë janë.

-Jo shef nuk janë 220, janë 400, i tha shefja.

-Lere sa themi ne nëpër televizione, po 220 janë, i tha Kunati. M’i gjej urgjent e m’i sill para Bashkisë.

Shefja iku e hutuar. Shkoi në zyrë, hapi dosjet dhe filloi të bëjë telefonata. Ngaqë e kishte bezdi të fliste me të pushuarit, u thoshte të gjithëve një tekst: “Përshëndetje, jam nga Bashkia e Tiranës. E di që ju jeni një i pushuar nga puna, por do të ishte mirë të vinit sot në orën 12:00 në Bashki”.

Edhe reagimet nga ana tjetër ishin interesante. Disa e shanin, disa i thoshin ‘po, do vijmë’, disa i thoshin ‘mos ua pafshim surratin’…

Shefja u bezdis shumë, por e bëri detyrën.

Pas dy orësh, para Bashkisë ishin mbledhur rreth 30 vetë.

Kunati i pa nga dritarja dhe ua bëri me dorë.

-Hë mo legen, aty qenke ti, i tha njëri.

Kunati u çudit shumë që e shanë.

-Me siguri nuk më njohin, tha, kushedi me kë më ngatërrojnë.

Doli dhe një herë dhe i përshëndeti përsëri.

Disa gra iu turrën me të shara.

-Dreq pune, tha Kunati. Ç’të kenë këta njerëz që janë tërbuar me mua?

Zbriti tek zyra e shefes së administratës dhe e pyeti a e bëri njoftimin.

-E bëra shef, i tha ajo, por shumica nuk dun me ardhë. Thonë s’duam t’u shikojmë sytë. Disa kanë ardhë, por dhe ata janë shumë agresivë.

-Po ça dreqin kanë, tha Kunati. A janë me PD këta njerëz apo kanë qenë me PS?

-Me PS kanë qenë shef, i tha ajo.

-Si me PS, po pse i kanë pushuar nga puna?

-I kemi pushuar ne shef, i tha shefja e administratës.

-Po kë ke njoftuar ti, tha Kunati i çuditur.

-Po të pushuarit nga puna shef. A më the që njoftoi gjithë të pushuarit nga puna të jenë para Bashkisë në orën 12:00? Dhe unë i njoftova. 400 vetë kemi pushu ne si Bashki.

-Po unë të thashë ata që ka pushu Ed Rama nga qeveria moj, jo ata që kemi pushu ne.

-Qyqja shefo, s’të paskam marrë vesh, i tha shefja e administratës. Tani s’kena si me i heqë se ata s’lujnë prej derës se mendojnë se duam me i kthy në punë.

-Zgjidhe si të duash, i tha Kunati. Më 12:30 i dua të gjithë para Kuvendit.

-Veç me mbyllë Bashkinë shefo, me thënë që s’ka njeri në punë sot se kena miting, tha shefja dhe iku e tronditur nga ngatërresa që kishte shkaktuar.

Kunati shkarkon vajzën e tezes pas listës “Fullani”

21:30 Antena

Kunati dështon me lajmin për vajzën e Timoshenkos

21:15 Antena

Kunati në hall me kërkesën e Berishës për një minutë heshtje

20:39 Antena

Kunati i shqetësuar për gjyqet e humbura të Zenit

21:54 Antena

Kunati nis përgatitjet për ligjin e dosjeve

21:42 Antena

Kunati analizon efektin e lajmit për pushimet e Zenit në ishujt Maldive

21:51 Antena

Kunati, i lehtësuar pas mitingut

20:49 Antena

Kunati, debat me Flamurin për rrugën ku do ecin protestuesit e opozitës

20:05 Antena

Epope presidenciale

20:37 Antena

Kunati, strategji për furgonat e ndaluar si taksi

20:20 Antena