Te fundit
Ja kriteret/ Lehtësohen procedurat e rimbursimit të TVSH për eksportuesit
9 Prill 2014, 17:53Politika
TEMA
Me propozim të Ministrisë së Financave, Këshilli i Ministrave miratoi sot VKM-në “Për përcaktimin e kushteve dhe të kritereve për eksportuesit për qëllim të rimbursimit të TVSH-së”
Në adresim të kërkesave të fasonistëve dhe të gjithë eksportuesve të tjerë, Ministria e Financave ka ndërmarrë iniciativën duke reflektuar për rimbursimin në një kohë të shkurtër të tatimit mbi vlerën e shtuar (TVSH), nëpërmjet sistemit të thesarit.
Me propozim të Ministrisë së Financave, Këshillit i Ministrave miratoi sot VKM-në për kategoritë e eksportuesve, të cilët rimbursimin e TVSH, ose e marrin automatikisht, me paraqitjen e kërkesës, ose e marrin brenda 30 ditëve.
Ky afat është sa gjysma e kohës që u jepet tatimpaguesve të tjerë, për të cilët koha e rimbursimit është 60 ditë.
Si trajtohej dhe çfarë ndryshon konkretisht?
Neni 50, “Rimbursimet” te ligji nr. 7928, datë 27.04.1995, “Për tatimin mbi vlerën e shtuar”, të ndryshuar, ka përcaktuar në pikën 4 dhe 5 të tij, se:
4. Eksportuesit kanë të drejtë të kërkojnë rimbursim kur teprica e tyre tejkalon shumën 400.000 (katërqindmijë) lekë. Organet tatimore bëjnë rimbursimin e tepricës kreditore të TVSH-së për këtë kategori tatimpaguesish, brenda 30 ditëve nga data e paraqitjes së kërkesës.
5. Këshilli i Ministrave përcakton kategorinë e eksportuesve të përmendur në pikën 4 të këtij neni.
Deri më sot nuk kishte një Vendim të Këshillit të Ministrave që të përcaktonte kategorinë e eksportuesve, për efekt të procedurës së rimbursimit të TVSH-së. Të tilla përcaktime janë bërë në Udhëzimin e Ministrit të Financave nr. 17, datë 27.04.1995 “Për TVSH-në”, të ndryshuar.
Për këtë arsye, projektvendimi i paraqitur për miratim plotëson këtë vakuum nënligjor.
Konkretisht, në pikën 1 të projektvendimit përcaktohet se cilët tatimpagues do të konsiderohet eksportues në kuptim të nenin 50 të ligjit.
Propozohet që të konsiderohet eksportues, çdo tatimpagues i cili plotëson tre kushte:
a. Eksporton sipas kuptimit të nenit 181 dhe 182 të Kodit Doganor të RSH;
b. Vlera e eksporteve të bëra në periudhën(-at) tatimore për të cilën(-at) kërkohet rimbursim, përbën më shumë se 60% të vlerës totale të shitjeve përfshirë eksportet;
c. Ka tepricë kreditore që tejkalon shumën 400.000 lekë.
Plotësimi i këtyre tre kushteve për një tatimpagues-eksportues e qartëson dhe e dallon atë nga kategoria tjetër e tatimpaguesve, të cilëve kontrolli dhe verifikimi i tepricës kreditore iu bëhet brenda 60 ditëve.
Për efekt të procedurës së rimbursimit të TVSH-së, kjo kategori eksportuesish, propozohet të ndahet në një nën kategori tjetër – eksportues me risk zero, të cilëve, kërkesat për rimbursim TVSH-je të të cilëve, mund të procedohen pa qenë nevoja e kontrollit të vend. Për këtë arsye, pika 2 e projektvendimit përcakton kushtet që duhet të plotësoj një eksportues sipas përcaktimit të pikës 1 të këtij projektvendimi, për t’u klasifikuar si “eksportues me risk zero” nga administrata tatimore, për efekt të rimbursimit të TVSH-së, pa kontroll tatimor.
Kushtet e propozuara që duhet të plotësojnë kjo kategori eksportuesish janë:
a. Vlera e eksporteve të bëra në periudhën(-at) tatimore për të cilën (-at) kërkohet rimbursim, përbën 100% të vlerës totale të shitjeve;
b. Ka aktivitet eksportues mbi dy vjet;
c. Paraqet si dokument prove të kryerjes së eksportit Deklaratën Doganore të Eksportit, lëshuar sipas legjislacionit doganor në RSH;
d. Nuk ka detyrime të papaguara të kontributeve të sigurimeve shoqërore dhe shëndetësore.
Pika 2 përcakton gjithashtu se, për eksportuesin që përcaktohet si eksportues me risk zero, sipas kësaj pike, miratimi i rimbursimit nga Drejtoria Rajonale Tatimore, bëhet pavarësisht nga kontrolli tatimor, i cili mund të kryhet në çdo moment, sipas planifikimit për kontroll. Procedura e rimbursimit, kryhet sipas përcaktimeve të bëra në nenin 50 të ligjit nr. 7928, datë 27.04.1995 “Për tatimin mbi vlerën e shtuar”, i ndryshuar dhe Udhëzimit nr. 17, datë 13.05.2008 “Për TVSH-në”, të ndryshuar.
Pika 3 e projektvendimit përcakton se eksportuesit që nuk klasifikohen si “eksportues me risk zero” rimbursohen për TVSH-në, brenda 30 ditëve nga data e paraqitjes së kërkesës, sipas procedurës së përcaktuar në udhëzimin e Ministrit të Financave nr. 17, datë 13.05.2008 “Për TVSH-në”, të ndryshuar.
4 komente në “Ja kriteret/ Lehtësohen procedurat e rimbursimit të TVSH për eksportuesit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I lumtë qeverisë Rama
Po ne qe importojme jemi kurva?
Dhe jo i lumte Rames, por i lumte Metes!
Gazetar i nderuar para se te shkruash tema teresisht teknike dhe ne asnje menyre politike,konsultohu.VKM nuk eshte plotesim vakumi.Ajo qe ai percakton ka qene e percaktuar edhe me pare me VKM Nr. 49 datë 26.1.2001.
Ju lutem kerkoni ndjese.Mos dezinformoni
O holandez, meqe u mbake per teknik, po ju them se po, ke te drejte, pak a shume ka qene, (jo kaq Preciz) por nuk u zbatua asnjehere nga qeveria e Sali Sulltanit.
Rimbursimin e merrte ai qe paguante perqindjen me te larte ke shefi.\
Si e kuptoni faktin qe subjekte te kontrolluara ne vitin 2013, ishin rimbursuar po ne vitin 2013, kurse kishte subjekte qe TVSH-ja per tu rimbursuar ishte miratuar qe ne vitin 2008, por nuk e kishin marre akoma ne vitin 2014?
Patejeter korrupsion i papare o Hollandez.
Po ju kujtoj se tani kjo Qeveri po e rimburson TVSH-ne e prapambetur deri edhe prej 6 vitesh, dhe natyrisht pa guxuar askush te kerkoj perqindje si ne kohen e Sales.