De Biazi 'shpërthen' ndaj lojtarëve të kombëtares: Çfarë ndodh me ju?

Xhani de Biazi ka kritikuar ashpër një pjesë të skuadrës pas humbjes 1-0 kundër Hungarisë. Burime pranë ekipit bënë më dije se trajneri menjëherë pasi ka përfunduar ndeshja, është futur në dhomat e zhveshjes dhe u ka kërkuar futbollistëve llogari për paraqitjen që bënë. “Çfarë ndodh me ju? A ka mundësi të më tregojë ndokush se çfarë ndodh në fushën e lojës? Si ka mundësi që një pjesë prej jush nuk sakrifikojnë në fushë?!”, kanë qenë disa nga pyetjet, që trajneri italian ua ka adresuar lojtarëve në grup, raporton “Panorama Sport”.

Kritikat – Burime pranë stafit kuqezi bëjnë me dijë se De Biazi ka qenë i pakënaqur nga paraqitja e mbrojtësve Mavraj dhe Lila, por edhe e Ramës, Gashit dhe Kaçes. “Mendoj se keni më shumë potencial sesa ajo që bëtë sot. Sigurisht jemi në fund te sezonit dhe lodhja ndihet, por ua kam thënë disa herë se nëse nuk angazhohemi të gjithë bashkë me forcat tona, atëherë nuk arrijmë dot asgjë. Duhet të ndryshoni dhe të reflektoni, sepse kësi paraqitjesh nuk kanë lidhje me atë që po përpiqemi të ndërtojmë ne”, mësohet të ketë thënë De Biazi.

Thirrja – Një nga defektet e skuadrës në dy ndeshjet miqësore të humbura kundër Rumanisë dhe Hungarisë ishte pikërisht mungesa e shpirtit të sakrificës te një pjesë e lojtarëve. Specialistë si Sulejman Starova apo edhe Rudi Vata ia vunë në dukje këtë trajnerit nëpërmjet qëndrimeve të tyre publike. Por kjo nuk i ka shpëtuar kurrsesi as vetë De Biazit, i cili mësohet se ka qenë shumë i drejtpërdrejtë me lojtarët edhe në këtë pikë. “Nuk kemi për të pasur ndonjëherë sukses nëse 6 luajnë dhe sakrifikojnë dhe të tjerët nuk bëjnë të njëjtën gjë. Harrojeni se mund të shkoni larg me këtë lloj sjelljeje!”, mësohet të ketë thënë trajneri, duke lënë të kuptohet se disa prej lojtarëve nuk sakrifikuan sa duhet kundër Hungarisë.

Elozhe – Nuk ka pasur vetëm kritika, por edhe vlerësim për ata që sipas trajnerit iu përgjigjën kërkesave të tij. Bëhet fjalë për Currin, i cili mësohet si i ka lënë një përshtypje shumë të mirë, po ashtu edhe për Hysajn e Vajushin. Këta dy të fundit e kanë bindur trajnerin se mund të jenë pjesë e fushatës së ardhshme eliminatore.

Ergys Kaçe refuzon Beshiktasin

15:05 Sport

Lineker: Mesi, më i mirë se Ronaldo

15:57 Sport

10 fakte të çuditshme për Botërorin

15:35 Sport

Tare në Budapest, misioni: Hysaj dhe Shkëlzen Gashi

14:46 Sport

Lorik Cana në altar: Do dëshiroja të rrija tek Lacio, por…

14:44 Sport

Shqipëria fiton 4 pozicione në renditjen e FIFA-s

15:58 Sport

Mavraj bën fushatë për radikalistin mysliman, që është kundër Skënderbeut e Nënë Terezës

15:12 Sport

Erikson: Anglia do ta fitojë Botërorin? Mos më bëni të qesh

14:50 Sport

Ilir Azemi i hap derën Shqipërisë: Dua të luaj kundër Serbisë

14:46 Sport

Murinjo “ndryshon” mendje: Finalja e Botërorit, Portugali-Angli

15:21 Sport