Te fundit
Vllaznia merr uruguajanin Soza nga Palermo!
22 Gusht 2014, 19:59Sport
TEMA
Sebastian Soza është zyrtarisht futbollisti më ri i Vllaznisë. Klubi italian i Palermos e ka huazuar 20-vjeçarin uruguajan për një sezon te kuqeblutë dhe do të jetë pikërisht Sosa ai që do të udhëheqë sulmin e Vllaznisë në sezonin e ri, që për shkodranët nis me ndeshjen ndaj Kukësit, këtë të delë në “Loro Boriçi”.
Mbrëmjen e së enjtes faqja italiane “Tuttomercatoweb”, shkruante se Sosa ishte praktikisht një lojtar i kuqebluve, ndërkohë që këtë të Premte, gjithçka u bë zyrtare për vetë faktin se Vllaznia e ka përfshirë talentin uruguaian në listën e lojtarëve të federeruar për sezonin e ri. Sosa edhe pse është bërë pjesë e Palermos që në vitin 2012, deri tani nuk ka luajtur asnjë ndeshje zyrtare me klubin sicilian.
Sezonin e fundit ai luajti i huazuar te skuadra sllovake Senica ndërsa tashmë do të jetë pjesë e Vllaznisë. Vetë fakti që Palermo në vitin 2012 i pagoi ekipit uruguajan të Cerro Largos plotë 1,6 milionë euro, për të marrë shërbimet e 20-vjeçarit, tregon më qartë se çfarë cilësish ka ky futbollist.
1 komente në “Vllaznia merr uruguajanin Soza nga Palermo!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Alamet cilesish ka.
Asnje ndeshje zyrtare per Palermon dhe i huazuar te Sllovaket e Senices,alamet kampionati.