Zhvillimet më të spikatura që prodhoi vizita e Ramës në Beograd

Vucic per lirimin e Sheshelit

Pas vizitës së Ramës në Beograd dhe sidomos pas tensionit në konferencën për shtyp, pati disa deklarata, të cilat morën shkas nga kjo vizitë, të cilat po i përmbledhim si më poshtë.

Edi Rama u vu në qendër të vëmendjes për shkak të përmendjes së Kosovës. Një gazetar serb e pyeti në korridor:

-Pse sillesh si çlirimtar i Kosovës?

Rama iu përgjigj:

Kosovën nuk ua solla unë. Atë e gjeta mes jush, në mes të Beogradit, në urat e Danubit të bombarduara dhe në ndërtesën e shkatërruar të Ministrisë së Brendshme. Mos mi jepni mua meritat tuaja. Kosovën e gjeta mes jush . Vetëm keni një problem, që e ruani në mendje sikur s’ua ka marrë njeri. Për këtë duhet të vizitoheni.

Edi Rama kishte vetëm një problem gjatë konferencës për shtyp. Kishte hall se si përkthehej fjala e tij. Dhe po çuditej që nuk kishte shumë reagim në sallë kur fliste. Më pas, mësoi që serbët nuk e përkthyen fare kur foli.

Sali Berisha më në fund i hoqi të drejtën Supermbesës të përfaqësojë Familjen Berisha në raport me Serbinë. Sot e mori vetë kontrollin mbi situatën dhe dënoi atë që tha Edi Rama në konferencën për shtyp. Kjo është shumë e rëndësishme, po të kemi parasysh faktin që thuhej se mbesa flet në kokë të saj. Gjyshi edhe këtë radhë i doli zot.

Pasi e dëgjoi Supermbesa çfarë ka thënë Supergjyshi, i dërgoi këtë mesazh:

“I dashur Supergjysh. Ajo që ke shkruar për Edi Ramën është e vërteta e hidhur. Ai u soll si alabak në mes të Beogradit, që është djep i kulturës në Ballkan. Ai shkoi aty si kryeministër dhe u soll si rrugaç. Shqiptarët e meritojnë të qeverisen prej një rrugaçi të tillë, se i ranë të mirës me shkelma”.

Blendi Fevziu u kthye në minutën e fundit dhe nuk hipi në avion. Kjo ngjalli shumë mëdyshje.

Mëdyshja e parë ishte se mos serbët hidhnin në erë avionin dhe kishin njoftuar Blendin, për shkak të respektit që kanë për të si stërnip i Esatit. Kjo tmerroi shumë Sokol Ballën, i cili tha: “Duroj çdo gjë, vetëm të mos më shkruajë Fevziu nekreologjinë”.

Mëdyshja e dytë ishte e Batonit, i cili dyshoi se nuk do kishte ndonjë ngjarje historike, derisa Fevzo u kthye nga rruga.

Por, më në fund u zbulua arsyeja e vërtetë.

Fevzo u kthye nga rruga, nga frika se nëse binte avioni, emisionin e tij mund ta merrte Çim Peka. Kjo e kishte bindur të rrinte në Tiranë.

Mëdyshja e tretë ishte se pas ca kohësh, Fevzo do thoshte që ishte dhe ai në Beograd. Këtu mendimet ishin të ndryshme, por të gjithë i jepnin nga dy javë deri në dy vjet kohë. Në fund pas disa vitesh është e sigurtë që edhe Fevzo ka qenë në Beograd.

Baton Haxhiu u mërzit nga qëndrimi i Ramës dhe e kritikoi që nuk ishte konsultuar me të për fjalimin.

-Nuk besoj se më dëgjoi, tha Rama, se hoqi kufjet.

-Jo mor burrë, kufjet i hoqi se di shqip,i tha Batoni.

Andi Bushati tha se Edi Rama ngriti dronin që nuk ngriti dot vëllai i tij në Beograd.

Pasi e lexoi, Rama tha: “Pikë e zezë, mirë që Olsin ma bëre hero të rremë, por edhe  mua do të ma bësh rrenë heroizmin”!

Hashim Thaçi kur dëgjoi Ramën që ia plasi në mes të Beogradit, i nisi një mesazh: “Po më vjen keq që s’do jem më kryeministër, se me këtë që u bëre, unë do t’u dukem si vëllai i tyre kur të ulem në negociata”.

Këshillat që ka marrë Edi Rama para nisjes në Beograd

19:59 Antena

Kunati bën listën e KOP-it 2

20:01 Antena

Kunati i mahnitur nga 10 takimet me Gimen e Redbullit

20:33 Antena

Kunati inkurajon Zenin për daljet publike

21:06 Antena

Kunati përballet me rikthimin e Yndyrës në zyrë

21:11 Antena

Kunati harton dosjen e Konstandinit

20:28 Antena

Kunati qorton Jarin për përgjigjen ndaj Ramës

21:19 Antena

Intervistë e Sonilës me rivalen e saj italiane Sabrina Ferrili

21:52 Antena

Kunati teston se kush qendron pas sulmeve ndaj Superdhëndrit?

21:54 Antena

Kunati, konsulta me Ristanin për lidhjet e paligjshme

21:22 Antena