Kunati parashtron arsyet përse Luli nuk duhet të kandidojë

Pas presionit në rritje nga Doktori, që Luli të kandidojë për Bashkinë e Tiranës, Kunati iu përgjigj me një “qarkore” gjithë të zgjedhurëve të PD-së, se përse Luli nuk mund të rikandidojë:

“Të dashur miq!

E mirëkuptoj dëshirën tuaj të mirë, që Luli të jetë përsëri kandidat për Bashkinë e Tiranës, por ka disa arsye objektive që nuk mund të bëhet.

E para, është se Luli i dha Tiranës platformën më të shkëlqyer elektorale, e cila natyrisht mbetet e parealizueshme dhe një ëndërr e bukur për të gjithë. Kjo ëndërr, që të bëhet realitet tashmë kërkon një kandidat të ri, pasi Luli nuk mund të përsërisë më të njëjtën platformë. Duhet doemos dikush tjetër, që të thotë se premtimet e Lulit unë do t’i bëj realitet. Dhe mendojmë se Superdhëndri është i vetmi, që mund ta marrë përsipër ta thotë këtë gjë me qetësi.

Arsyeja e dytë, përse Luli nuk mund të rikandidojë, është përgjegjësia që Luli ka për procesin e dekriminalizimit në vend. Në një kohë kur kërkohet me urgjencë që politika të dekriminalizohet, Luli duhet të jetë në ballë të këtij procesi, pasi është figura më e pastër, më e sinqertë, më e papërfolur për krim dhe korrupsion. Ai nuk mund t’ia lërë këtë betejë dikujt tjetër. Kjo është një betejë që duhet ta marrë përsipër lideri i PD-së.

Arsyeja e tretë, përse Luli nuk mund të rikandidojë, është se profili i lartë i tij si politikan do të banalizohet, nëse ai merret me problemet e pafund të Tiranës. Luli nuk është një figurë që duhet të merret më rrugë, kanalizime, lulishte, tram, metro apo diçka tjetër. Ai duhet doemos të merret me gjëra më të mëdha. Dhe për këtë duhet të shmangë rikandidimin.

Aryeja e fundit, përse Luli duhet t’i hapë rrugën Superdhëndrit në këtë proces, është edhe më e thellë. Në situatën e krijuar, vetëm ai ka formimin e duhur të marrë përsipër kandidimin, pasi ka mbështetjen e Doktorit dhe vizionin e tij të qartë, se çfarë duhet të bëjë me Tiranën. Edhe pse unë penalizohem, pasi në rolin e Kunatit, në vend tim do jetë Zeni, situata kthehet në normalitet sa i përket raporteve të Zenit me Bashkinë”.

Para se ta shpërndante për strukturat e partisë, Kunati ia kaloi një herë Rulit për ta lexuar.

-Shumë e drejtë më duket, tha Ruli. Është brenda logjikës politike. I pranoj argumentet që Luli nuk ka realizuar asgjë nga premtimet dhe që nuk ka nerva të merret me qeverisjen e Tiranës. Një njeri që nuk ka bërë asgjë për Tiranën, duhet ruajtur me çdo kusht, se nuk i dihet. Që ai djalë ka talent, ka. Por, me sa duket mund ta ketë ruajtur talentin për të ndryshuar Shqipërinë. Prandaj unë them ta ruajmë, mos ta djegim për Tiranën. Atë e meriton një Shqipëri e tërë, jo vetëm Tirana.

Kunati ndryshon urgjent parrullat për mitingun para Kuvendit

19:14 Antena

Kunati, në alarm për çadrat e LSI-së në miting

18:56 Antena

Doktori, letër Sandrit për sjelljet e Fevzos

19:01 Antena

Antena siguron një faturë shpenzimesh për fushatë

19:19 Antena

Dhjetë kërkesat e “kamikazit” për Fevzon, para se të hidhej nga pallati

19:25 Antena

Besi i përgjigjet Zenit: Unë s’jam si ti, që e le babain pa punë me prapësitë e tua

20:12 Antena

Çfarë thonë politikanët shqiptarë për Ditën e Verës

20:13 Antena

Reagimet ndaj videos së vrasësit me pagesë, Bes Kallaku

20:08 Antena

SMS-të e grushtit të dështuar të shtetit

20:20 Antena

Kunati ndihmon Lulin për provat e zërit

19:19 Antena