Kunati bën profilin e kandidatëve të Tiranës

Kunati dorëzoi sot tek zyra e Lulit profilet e kandidatëve të mundshëm të Tiranës, duke përshkruar të mirat dhe të këqijat e tyre.

Bogdani

I pari në listë ishte Bogdani.

Sipas Kunatit, profili i Bogdanit është interesant, si politika.

“Është besnik i joni dhe ka dëshmuar integritet në raport me Lulin. Në vitin 2007 i kërkuam të shiste votat e Olldashit tek njësia dhjetë dhe ia arriti. Në finale ai fitoi minibashkinë, ndërsa në atë minibashki Olldashi humbi. Edhe pse ka pasur presione për t’u përdorur kundër Lulit, nuk ka pranuar.

Nga origjina familjare ka avantazhe të tjera. Babi është një ish-socialist që ka punuar në Ministri të Arsimit në qeverinë Nano. Vetë Bogdani ka qenë i afërt me Ramën dhe grupin e Mjaftit. Po ashtu, ai është i martuar me një grua që është kushërirë e Ilir Metës. Të gjitha këto, e bëjnë kandidat konsesual mes PS-së, LSI-së dhe PD-së.

E vetmja e metë, është se ka frikë se humbet Bashkinë dhe mandatin e deputetit, dhe ngelet pa punë. Duhet ta garantojmë që po humbi, ta bëjmë sërish deputet”.

Grigja

Aktualisht është figure popullore mes radhëve të PD-së. Edhe pse u nxituam në numrin e votave në Këshillin Kombëtar, ajo sërish kishte shumë vota. Nga pikëpamja politike, nuk ka shumë përvojë, por është agresive dhe e papërtuar të thotë çfarë i kërkon.

Ka besueshmëri të lartë tek binzesi, pasi qysh në moshën 25 vjeçare, pavarësisht punës si pedagoge, ishte e lidhur me biznesmenë ndërtimi, duke marrë aksione dhe duke investuar në industrinë e ndërtimit.

Ngjall besim të madh tek bankierët dhe nxit dëshirën e tyre për t’i paguar kreditë problematike, kështu që në këtë pikëpamje, mund të ketë aftësi të mbledhë shuma të mëdha parash para zgjedhjeve.

Është njeri që të jep kurajo deri në minutën e fundit të jetës dhe ta bën të lehtë çdo fatkeqësi.

I është gjendur pranë Doktorit pas zgjedhjeve të 23 Qershorit, duke shërbyer si psikologe dhe duke dëgjuar prej tij gjithë poezitë e Eseninit përmendësh në rusisht. (Dikush duhet t’ia thotë, që Esenini ka vdekur, se nga dëshira mund të thotë që është shok i studimeve të Doktorit).

Vjen nga një familje e majtë, e lidhur me regjimin komunist dhe armën e Sigurimit të Shtetit, ndaj nuk besoj që të shantazhohet prej tyre.

Mendoj se duhet të futet në garë për Bashki pa u bërë ende ligji i dekriminalizmit, pasi ka një gjyq për mashtrim dhe mund t’i përdoret kundër në zgjedhjet që vijnë.

Në rast se humbet, duhet ta sigurojmë që do jetë në listën për deputetë, nëse nuk miratohet ligji. Nëse fiton, kemi probleme me këto lejet që s’kemi marrë lekët akoma. Duhet të nxitojmë!

Ristani

Është i favorshëm, pasi e ka të sigurtë që në parlament e kap ligji i dekriminalizimit. Ka njohje të mirë në Tiranë, sidomos në këto klubet e lagjeve. Ngjall besim tek numërimi i votave.

Në rast se humbet, kërkon të ruajë postin që ka në PD. Në rast se fiton, duhet të përpiqemi të sigurojmë ndonjë shtëpi jashtë Tirane.

Tabaku

Është gocë e mirë, e urtë, punëtore dhe nga Tirana. S’besoj se na e prish po e propozuam.

Kunati shpall armik të opozitës, Kunatin e Gonit

19:52 Antena

Kunati sqaron përse PD ka refuzuar koalicionin me partitë e vogla

19:25 Antena

Kunati sqaron Faten për garën e Durrësit

19:02 Antena

Kunati heton korrupsionin tek heqja e TVSH-së për gomerët

19:55 Antena

Grigja i futet punës të lexojë poezi

20:11 Antena

Kunati, kurioz për revolverin e Gitës

20:02 Antena

Kunati siguron raport mjekësor të vërtetë për Lulin

20:22 Antena

Kunati udhëzon me sms Komisionin e Mandateve

20:39 Antena

Kunati kurioz për dy videot e Shkëlzenit

19:51 Antena

Kunati shpjegon arsyet pse dyshja Rama- Meta, ka nxitur demin të vrasë kalin

19:09 Antena