Kunati shpjegon arsyet pse dyshja Rama- Meta, ka nxitur demin të vrasë kalin

Ngjarja tronditëse në Kopshtin Zoologjik ka shqetësuar mbarë opinionin. Një dem i futur në kafazin e një kali i është turrur këtij të fundit me bri dhe e ka copëtuar. Ngjarja pati jehonë të madhe publike dhe Kunati u detyrua të bëjë sqarim për opinionin publik, përse ndodhi kjo.

Në një njoftim për shtyp Kunati shkruan:

“Dyshja Rama- Meta provuan edhe një herë që nuk janë për dekriminalizimin e shoqërisë dhe madje as për demkriminalizimin e Kopshtit Zoologjik. Siç mësohet nga burime zyrtare, dy ditë më parë një dem i është turrrur një kali në Kopshtin Zoologjik dhe e ka copëtuar atë. Shkak u bë, se ne u detyruam të fusim demin në kafazin e kalit, që të ndanin ushqimin, pasi nuk kishim shumë ushqim. Politika ekonomike e dyshes Rama- Meta, kriza në të cilën e ka zhytur vendin dhe sidomos nxitja që ata u bëjnë elementëve kriminal, duke u dhënë pushtet, bëri që demi, të cilin ne e futëm me qëllim të mirë në qeli, të rezultonte me të shkuar kriminale dhe ka sulmuar kalin. Kali, siç mund ta verifikoni, ka pasur një të shkuar paqësore, ka bërë çdo detyrë që i kemi dhënë dhe është tepër korrekt. Futja e demit në kafaz, zbuloi elementët kriminalë të dyshes Rama-Meta dhe ilustron më së miri krizën ekonomike ku kanë zhytur vendin”.

Pas kësaj ngjarje, Kunati kërkon me forcë privatizimin e Kopshtit Zoologjik. Ai vazhdon më poshtë në letrën e tij duke fajësuar dyshen Rama-Meta për këtë krim:

“Unë kam kërkuar prej tre vitesh që Kopshtin Zoologjik ta privatizoj, duke e marrë me koncension. Nëse unë do ta merrja me koncension, përveçse do shmangeshin ngjarje të tilla kriminale, do të përmirësohej ushqimi dhe do spastrohej kopshti nga elementë kriminal. Ne do të mbanim në kopësht kafshë të buta, si dele, qengja, ndonjë dhelpër, dema pa brirë, gomerë etj. Ne nuk mund të lejojmë kurrsesi mbajtjen në kopësht të kafshëve me të shkuar kriminale, që përfitojnë nga pushteti politik i dyshes Rama-Meta dhe kryejnë akte kriminale.

Duke përsëritur kërkesën time për privatizimin e Kopshtit Zoologjik, i bëj me dije dyshes Rama-Meta se nëse nuk e miratojnë këtë, do të ketë ngjarje të reja dramatike, pasi sipas të dhënave tona, ujku, dhelpra dhe çakalli do futen së shpejti në një kafaz. Po ashtu, e rrezikshme mbetet situata me majmunin dhe ketrin, të cilët po ashtu do futen në një kafaz. Nevoja urgjente për të ndërtuar disa pallate në territorin e Kopshtit Zoologjik, që me lekët e tyre të mbajmë kafshët, po bën që ne kafshët t’i mbledhim së bashku në disa kafaze. Nëse dyshja Rama-Meta nuk na lejon ta privatizojmë këtë, me ato elementë kriminal që janë në Kopshtin Zoologjik, kanë për të ndodhur dhe krime të reja më të rënda dhe makabre, për të cilat përgjegjësia do bjerë vetëm mbi ta“.

Kunati falenderon Baba Mondin që Sulltan Novruzi dëgjoi lutjen e tij

19:47 Antena

Kunati parashtron arsyet përse Luli nuk duhet të kandidojë

19:49 Antena

Kunati ndryshon urgjent parrullat për mitingun para Kuvendit

19:14 Antena

Kunati, në alarm për çadrat e LSI-së në miting

18:56 Antena

Doktori, letër Sandrit për sjelljet e Fevzos

19:01 Antena

Antena siguron një faturë shpenzimesh për fushatë

19:19 Antena

Dhjetë kërkesat e “kamikazit” për Fevzon, para se të hidhej nga pallati

19:25 Antena

Besi i përgjigjet Zenit: Unë s’jam si ti, që e le babain pa punë me prapësitë e tua

20:12 Antena

Çfarë thonë politikanët shqiptarë për Ditën e Verës

20:13 Antena

Reagimet ndaj videos së vrasësit me pagesë, Bes Kallaku

20:08 Antena