Te fundit
“Zhdukja” e dy motrave, familja: Na gjeni vajzat sa nuk është vonë
5 Gusht 2015, 21:48Politika
TEMA
Një histori gati e pabesueshme ka ndodhur në Spitallë të Durrësit ku dy vajzat e vogla të familjes, përkatësisht 18 dhe 14 vjeç, dyshohet të kenë helmuar prindërit dhe motrën e madhe, djegur shtëpinë dhe larguar duke marrë me vete kursimet e familjes e gjithçka tjetër të vlefshme për largimin nga shtëpia.
Vajzat e familjes Kajtazi, të ardhur 15 vite më parë në Durrës nga Berati, rezultojnë të larguara nga shtëpia që më 15 korrik të këtij viti, ndërsa babai i tyre,
Hiqmeti 49-vjeçar, akuzon për neglizhencë në hetimin e rastit dhe gjetjen e vajzave prokurorin e çështjes dhe drejtues të Policisë së Durrësit, të cilët as nuk kanë denjuar ta takojnë e t’i tregojnë mbi ecurinë e hetimeve, raporton TCH.
I dëshpëruar, në shtëpinë ku gjurmët e zjarrit nuk janë zhdukur ende, Hiqmet Kajtazi kërkon gjetjen e vajzave dhe zbardhjen e plotë të ngjarjes që ka lënë pas plot dyshime për të.
Halla e vajzave gjithashtu shprehet e zhgënjyer nga indiferenca e autoriteteve të hetimit, ndërsa beson se vajzat kanë rënë viktimë e rrjeteve sociale dhe lidhjeve të dyshimta që krijohen përmes tyre.
Vajza 18-vjeçare e familjes pati ndërprerë shkollën e mesme dhe në mars të këtij viti ka hedhur pas krahëve një fejesë të dështuar. Prindërit pohojnë se gjithnjë kanë synuar të rrisin e edukojnë vajza të mira, shtëpiake, ndërsa nuk ka qenë hera e parë që ata janë helmuar prej tyre. Ky pohim e kthen në një vepër të paramenduar gjithçka që kanë realizuar motrat, të cilat nuk dihet ende nëse kanë bashkëpunuar edhe me persona të tjerë.
Aktualisht, policia i ka shpallur në kërkim për “shkatërrim me zjarr të pronës” dhe “vjedhje në bashkëpunim”. Dy vajzat e familjes dyshohet të kenë shkaktuar helmimin e prindërve dhe motrës së madhe 20 vjeçare, si dhe kanë djegur shtëpinë. E ndërsa prindërit dhe motra janë dërguar në spital, vajzat kanë marrë nga shtëpia 400 mijë lekë (të rinj), 800 euro, pasaportat dhe kartat e identitetit të 18 vjeçares dhe vajzës së madhe të familjes, bizhuteritë, sendet e tyre personale, si dhe 4 telefona celularë.
Që nga 16 korriku, policia deklaron se ka shpallur në kërkim dy vajzat dhe vazhdon punën për gjetjen e tyre dhe dokumentimin e plotë të ngjarjes.
13 komente në ““Zhdukja” e dy motrave, familja: Na gjeni vajzat sa nuk është vonë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Uau ca behet keshtu, e pabesueshme…
qeka film triller
S’duhet nxituar me ktë problem
e drejte,,,,,duhet pa mire kjo pune
Shko i gjeini ne bregdetin e jonit, mbase i keni ne jale… Mos prisni nga shteti kur ato helmojne prinderit dhe motren e madhe.
kerkojini neper hotelet e plazheve te jugut.
E pabesueshme!Nuk mund t`a besoj qe familja ka arritur ne ate gjendje sa nuk di se c bejne dy vajza adoleshente. Me se eshte marre ky baba deri tani, po nena e tyre? Qe te arrij femija deri ne kete grade mendoj se prinderit duhet t`a kerkojne shkakun te vetja e tyre e jo te policia e prokuroria qe s`po ua gjen vajzat. Prinder qe dine vetem te lindin por jo te edukojne femije nuk ka c`i duhen shoqerise. Per mendimin tim keta lloj prinderish duhet te ndeshkohen rende per keto lloj shqetesimesh qe i sjellin shtetit e shoqerise ne Shqiperi.
Nga trendafili lind ferra.
Pune sunitesh,varu kkkkkkkkkk……….
Jom e sigurt se kan kerkue azil ne Gjermoni.
E rrit evlatin dhe te bon gjemen.
Do ken perdor shum çaj Lazarati ktu mistrecet ?
shkoni te president Jari, ai i jep drejtim!!!
Po pse i kërkoni,ato pjella veç ushqim për peshkaqen janë.
Dy vaza kriminele po kerkohen per helmimin e prindve dhe plaqkitjen e sendve me vlere edhe ne fund ja vene flaken shtepise ,ky eshte turpi i rinis shqiptare .Asnjera nga kito dy kriminele nuke jane te mitra se shume mire e paskan planifikue krimin .