Te fundit
INSTAT:Në vitin 2014 ekonomia shqiptare shënoi një rritje reale (në volum) prej +2,02 % krahasuar me vitin 2013
11 Dhjetor 2015, 17:44Ekonomia
TEMA
Teuta Shamku
Tema Tv
INSTAT rishikon Prodhimin e Brendshëm Bruto për 2014, e çon në 2.02 % nga 1,89 % që ishte me matjet tremujore. Ndërkaq Prodhimi i Brendshëm Bruto për frymë në vitin 2014 arriti në 484 mijë lekë (ose 3.457 €) nga 466 mijë lekë (ose 3.323 €) që ishte në vitin 2013. Në vitin 2014 ekonomia shqiptare shënoi një rritje reale (në volum) prej +2,02 % krahasuar me vitin 2013.
Disa sektorë të ekonomisë kanë ndikuar pozitivisht në rritjen ekonomike për vitin 2014. Ndikim pozitiv kanë dhënë sektorët e shërbimeve, tregtia, bujqësia, industria si dhe energjia.Kjo ka bërë që INSTAT të rishikojë me rritje nivelin vjetor të rritjes ekonomike për vitin 2014, i cili arriti në 2.02 %, nga 1.89 për qind që ishte matja tre mujore. Sipas të dhënave paraprake me baza vjetore, PBB me çmime korente në vitin 2014 u vlerësua 1.400.549 milion lekë (10.01 miliardë Euro) ose 0.13% më e lartë se matjet, e PBB tremujore. Sipas INSTAT, mbështetur mbi këto rezultate, PBB për frymë në vitin 2014 arriti në 484 mijë lekë (ose 3.457 €) nga 466 mijë lekë (ose 3.323 €) që ishte në vitin 2013. Në vitin 2014 ekonomia shqiptare shënoi një rritje reale (në volum) prej +2,02 % krahasuar me vitin 2013.
Sipas PBB-së me metodën e prodhimit, kontributin kryesor në këtë rritje e kanë dhënë degët e ekonomisë si : shërbimet administrative, tregtia, transporti, akomodimi e shërbimi ushqimor, bujqësia, pyjet dhe peshkimi, administrata publike, arsimi dhe shëndetësia, si dhe industria, energjia dhe uji.
Degët që kanë kontribuar negativisht janë “Ndërtimi” me -0,76 pikë përqindje dhe “Informacioni e Komunikacioni” me -0,06 pikë përqindje. Taksat dhe Subvencionet mbi produktet kontribuuan respektivisht me 0,04 pikë përqindje dhe 0,02 pikë përqindje.
Përsa i përket strukturës së PBB sipas aktiviteteve ekonomike, peshën më të madhe në ekonomi për vitin 2014 vazhdojnë ta zënë Shërbimet gjithsej me 45,4 % të PBB, të cilat u rritën me +4,29 % në terma realë. Industria dhe Ndërtimi përbëjnë 21,9 % të Produktit të Brendshëm Bruto, por ndërsa industria u rrit me +2,93 % në volum, Ndërtimi ka pësuar një rënie prej -7,33 %. Bujqësia, gjuetia, pyjet dhe peshkimi përbëjnë 20,0 % të PBB dhe janë rritur me 2,25 % në terma realë. Deflatori i PBB-së për vitin 2014 ishte +1,6 %. Sipas PBB–së me metodën e shpenzimeve, Konsumi final përbën peshën kryesore të shpenzimeve në ekonomi, me 90,49%. Ky komponent u rrit me +5,52 % në terma nominalë dhe +3,32% në terma reale.
4 komente në “INSTAT:Në vitin 2014 ekonomia shqiptare shënoi një rritje reale (në volum) prej +2,02 % krahasuar me vitin 2013”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Keto jane mashtrime .
Po ashtu eshte, u rrit ai i Rames dhe Likes bashke……
Po infacioni sa u rrit? Nese inflacioni ishte 2% atehere i bie qe ekonomia s’eshte rritur fare ose eshte rrit me 0.02%. Me keto ritme pas nje shekulli kapim standardin e Bullgarise qe eshte e fundit ne Europe.
Paradoxal keni shume te drejte qe INSTAT duhet te marre ne konsiderate inflacionin por sic mund te shikosh ne titull thote rritja “reale”, “ne volum” pra duke eleminuar efektin e inflacionit. Ne te kundert mund te thuhet thjesh rritje edhe nuk do merrej vesh asgje.