“Vullnetarizmin në Shqipëri”, Kuvendi miraton projektligjin e propozuar nga deputetet Mehmetaj dhe Caka

Kuvendi miratoi projektligjin për “Vullnetarizmin në Shqipëri”, nismë e deputeteve Kejdi Mehmetaj dhe Silva Caka.

Deputetja nismëtare e këtij projektligji, Kejdi Mehmetaj deklaroi se nisma ka për qëllim rregullimin ligjor të vullnetarizmit me qëllim rritjen e pjesëmarrjes së individëve në jetën sociale dhe përmirësimin e cilësisë së jetës në komunitetet si dhe zhvillimin e vlerave të solidaritetit njerëzor.

Për hartimin e këtij projektligji, znj. Mehmetaj deklaroi se janë ndjekur modele të ngjashme ne rajon, duke zbatuar edhe udhëzimet e Bashkimit Evropian dhe të Kombeve të Bashkuara të cilat i kanë cilësuar si shumë të rëndësishme politikat mbi vullnetarizmin.

Për deputeten e LSI-së, miratimi i këtij projektligji do t’i japë të gjitha palëve të interesuara në vullnetarizëm, sigurinë e nevojshme për kryerjen e vullnetarizmit, por njëkohësisht edhe mundësinë e promovimit të punës vullnetare.

“Rëndësia që ka vullnetarizmi për një shtet është aq e madhe sa ndikon edhe në rritjen e prodhimit të brendshëm bruto të vendit, si në rastin për shembull të Anglisë, ku vullnetarizmi përbën 1.5% të prodhimit të brendshëm bruto.

Në këtë kuadër, një tjetër ndikim që ka vullnetarizmi në ekonominë e një vendi, shprehet nëpërmjet influencës së tij pozitive në uljen e papunësisë.

Vullnetarizmi shërben si një ndërmjetës për të gjithë individët që dëshirojnë të përfitojnë aftësitë të ndryshme profesionale, nëpërmjet punës vullnetare. Vullnetarët kanë mundësinë të ofrojnë ndihmën e tyre në fusha të ndryshme si: shëndetësia, arsimi, shërbimet sociale etj, duke përfituar në të njëjtën kohë eksperiencën dhe rritjen profesionale”, tha znj. Mehmetaj duke shtuar se vullnetarizmi në vetvete ka ndikim të drejtpërdrejtë edhe në shëndetin fizik.

Gjithashtu, deputetja Mehmetaj deklaroi se impakti social i punës vullnetare shërben për forcimin e lidhjeve sociale, ndërtimin e një komuniteti të fortë dhe të bashkuar, rritjen e angazhimit civil si dhe shpërndarjen e të mirave dhe shërbimeve publike.

“Ky projektligj në asnjë moment nuk detyron dikë të kryejë punë vullnetare. Në të thuhet shprehimisht se “vullnetarizmi është investim me vullnet të lirë i kohës, njohurive dhe aftësive për kryerjen e aktiviteteve vullnetare, në dobi të ofruesit dhe/ose përfituesit të vullnetarizmit. Ai kryhet pa pagesë ose ndonjë përfitim tjetër financiar. Vullnetarizmi ofrohet për të mirën publike në mënyrë individuale, spontane dhe të lirë. Në ligj trajtohen detyrat dhe evidentohen të drejtat e të gjitha palëve të përfshira në vullnetarizmi duke bërë më të thjeshtë bashkëveprimin ndërmjet tyre”, tha znj. Mehmetaj.

Erjon Braçe: Groposja e “21 Janarit ” legjitimon shkrirjen e Gjykatës së Lartë

13:54 Politika

Dorëheqja e Deshatit: Partia Republikane po drejtohet në mënyrë të shëmtuar

13:04 Politika

Renato Myrtaj: Provat e mia sekrete për 21 janarin

12:42 Politika

LISTA/ Ja kush do drejtojë fushatën e PD, asnjë njeri i Bashës në listë!

12:25 Politika

Alfred Deshati jep dorëheqjen, Mediu ngelet fillikat te Partia Republikane

12:11 Politika

Propozimi i ministrit Manjani: Organizim të ri të gjyqësorit

11:25 Politika

Deputetja “më seksi” e PD nuk i ndahet idesë së penisit

10:54 Politika

Reagon Petro Koçi: Vendimi i gjyqësorit, një Gërdec i ri

10:49 Politika

“Deklarata e Berishës për armatosjen, një rast për psikanalizën”

09:56 Politika

Rrëfimi i sportistes: Si më ndiqte Feçor Shehu t’i shkoja në shtrat, nuk m’u shqit as kur u martova në Durrës

09:05 Politika