Koço Kokëdhima: Mafia e plehrave përçan PS-në (dhe sjell një zotim solemn të Ramës)

“Mafia e plehrave përçan PS-në”.

Me këtë titull është hapur sot gazeta e Koço Kokëdhimës, i cili de fakto është i përjashtuar nga PS, pasi dje nuk është ftuar të marrë pjesë në mbledhjen e Kryesisë.

Gazeta “Shekulli” shkruan se Rama ka ndryshuar qendrim për plehrat dhe është kapur nga mafia.

Ajo sjell edhe një fjalim të kryeministrit Rama për ndalimin e importit të plehrave në Shqipëri, ligj të cilin mazhoranca e majtë e miratoi sapo erdhi në pushtet në 2013-n.

Ja një pjesë e fjalimit të Ramës, që ka zbardhur gazeta e Kokëdhimës:

“Jam shumë krenar që sot ky Kuvend do të miratojë përfundimisht ndalimin e importit të plehrave në Republikën e Shqipërisë. Ky Kuvend sot do të votojë për të çuar në vend një zotim solemn të marrë përpara publikut shqiptar dhe njëkohësisht për t’i dhënë mbështetjen e merituar një përpjekjeje të gjatë, deri edhe sfilitëse të shoqërisë civile dhe të gjithë faktorëve emancipues të shoqërisë shqiptare, që kanë kërkuar me këmbëngulje, përmes pengesash të panumërta dhe artificiale të vendosura nga qeveria paraardhëse që Shqipëria të mos jetë vendi i importit të plehrave. Shqipëria sot lëngon mes plehrash. Shqipëria sot është vendi më problematik për sa i përket mbledhjes dhe trajtimit të plehrave në të gjithë hartën e Europës. Shqipëria sot nuk garanton asnjë standard europian, por jo vetëm europian, në trajtimin e plehrave. Është krejtësisht e qartë që Shqipëria sot dhe nesër nuk mund të importojë plehra nga jashtë. Ka vetëm një arsye pse mafia u drejtohet vendeve si Shqipëria për të dërguar plehra dhe ka vetëm një arsye pse qeveritë e vendeve si Shqipëria, të dobëta në standarde dhe të paafta për të kontrolluar ruajtjen e standardeve nëpër kufijtë e tyre, i hapin rrugë importit të plehrave. Arsyeja është shumë e thjeshtë: interesa të jashtëzakonshme financiare që lidhen me fatkeqësinë e kombeve që lëngojnë në mungesë të qeverive dhe të shteteve që u shërbejnë interesave të këtyre kombeve.

Ka vetëm dy kategori vendesh që importojnë plehra: ose vendet me standarde maksimale dhe me garanci maksimale, që i lejojnë vetes import edhe të mbeturinave më të rrezikshme, për shkak se kanë të gjitha aftësitë për t’i kontrolluar dhe për t’i trajtuar këto lloj mbeturinash, dhe vendet me standardet më të ulëta të kontrollit, madje inekzistente të përpunimit të tyre. Fatkeqësisht, Shqipëria që trashëgojmë bën pjesë tek të dytat dhe gjëja më e mirë që ne mund të bënim për Shqipërinë e rrënuar që trashëgojmë është ndalimi i importit të çdo lloj mbeturine.

Plehrat në Shqipëri nuk do të hyjnë asnjëherë deri ditën kur Shqipëria të jetë në gjendje t’i seleksionojë, t’i ndajë, t’i mbledhë, t’i përpunojë plehrat që prodhon vetë. Pastaj, në një epokë tjetër, mund të jetë e mundur, por deri kur të vijë ajo ditë ne nuk kemi asnjë zgjedhje tjetër për të respektuar deri në fund popullin, për të respektuar deri në fund shëndetin e çdo qytetari dhe për të respektuar deri në fund interesin tonë kombëtar dhe publik. Nuk ka më plehra që të hyjnë në kufijtë e Republikës së Shqipërisë. Nga këtu fillon rimëkëmbja dhe nga këtu fillon edhe ripërtëritja e organizmit të këtij vendi me një politikë tërësisht të re në raport me mjedisin, në raport me mbetjet, në raport me ndotjet.

Sigurisht, rruga për të shkuar deri atje ku qytetarët dhe ku ky vend e meriton, si një vend të cilit Zoti apo natyra i kanë falur bukuri të rralla, është një rrugë e mundimshme, nuk është një rrugë e shkurtër sot për nesër, por një rrugë që unë jam i bindur se kjo shumicë dhe kjo qeveri në 4 vjetët e ardhshëm do ta shkurtojnë, siç nuk kanë mundur ta bëjnë të gjithë ata që për 20 vjet e kanë lënë Shqipërinë të katandiset deri këtu: një vend i ndotur nga të katër anët, një vend ku bukuritë e rralla bashkë me cilësitë e mikëpritjes së këtij populli bashkëjetojnë nga të katra anët me plehrat, që i vrasin sytë çdokujt që e viziton këtë vend. Ne do t’i heqim plehrat nga sytë e gjithkujt që e ftojmë të vizitojë këtë vend, të shijojë bukuritë (dhe për të shtuar fuqinë tonë të industrisë së turizmit) dhe që nuk mund ta mikpresim sërish pasi e kemi shëtitur mes malesh, kodrash dhe pirgjesh me plehra”.

Vetë Rama ka thënë në mbledhjen e Kryesisë, se gjërat në krahësim me 2013-n kanë ndryshuar dhe ligjet janë përmirësuar.

Për më tepër, sipas tij, nëse nuk miratohet ligji për imporatin e mbetjeve, industria e riciklimit do të falimentojë, dhe për pasojë Shqipëria do të pushtohet nga mbetjet.

UET në vitin e 10: Mision i përmbushur

08:43 Politika

Ambasadorja greke në Tiranë: Kufiri detar, çështje e zgjidhur që në vitin 2009. Çamët e Greqisë ikën me gjermanët

09:19 Politika

Ndryshimet në PS në prag të shpërndarjes zgjedhore, Rama kërkon ngritjen e shtabeve elektorale. Fati i Kokëdhimës në Jug dhe kush lëviz

09:20 Politika

DEBATET në grupin e PS/ Arta Dade kundër importit të mbetjeve: Do marrim kosto elektorale. Rama: Tani gjërat kanë ndryshuar nga 2013-a

09:16 Politika

Ana e errët e TAP-it: Kantieret fantazmë, Sali Berisha me ortakët, dhe rezistenca greke

09:07 Politika

Bregu në Top Story: Basha duhet të bëj historinë e tij, të ketë identitet, të bashkojë gjithë vlerat e PD dhe të kthej besimin

22:38 Politika

Spiropali: Ja pse nuk e lajmëruam Kokëdhimën për mbledhjen e Kryesisë

21:38 Politika

“Vettingu”, Nishani nuk e dekreton, zgjedh ta kalojë në heshtje. Nesër skadon afati kushtetues

20:18 Politika

Fatos Lubonja: PD nuk e mposht dot Ramën, mund të mbetet përjetë në opozitë. Duhet një lëvizje e re politike

19:23 Politika

Bild: “Mafia shqiptare” hyn në Kuvendin e landit gjerman

18:44 Politika