Kalaj në “karantinën” e Berishëve!

Nga Mero Baze

Dëshmitari kyç i procesit korruptiv të privatizimit nga kompania CEZ e kompanisë energjetike shqiptare në vitin 2009, Nue Kalaj ka refuzuar publikisht të paraqitet para Komisionit Hetimor Parlamentar. Ky lajm nuk do bënte shumë përshtypje, pasi merrej me mend, nëse ai nuk do ta bënte publik tekstin e tij me shkrim, në një postim të vetin, ku binin në sy dy detaje që dëshmojnë se ai po përdoret nga Berishët, si i marrë peng, që nuk ka të drejtë të flasë me gojë, por vetëm me shkrim. Edhe pse i pashkolluar dhe pa jetuar në Shqipëri, duket se teksti i përket dikujt që punon në zyrën e Shkëlzenit.

E para që binte në sy në tekst ishte qëndrimi politik i Kalajt, i cili fliste për deputetë të inkriminuar dhe korruptuar të socialistëve në pushtet. Njësoj si Shkëlzen Berisha refuzonte të betohej në Kuvend për të thënë të vërtetën, duke pasur si argument faktin që kishte përballë “deputetë shqipfolës”, edhe Nue Kalaj refuzon të vijë të dëshmojë gjëmën e tij për tërheqjen e 7 milionë eurove në “cash” për shkak se ka përballë “deputetë të korruptuar dhe inkriminuar”.

E dyta që binte në sy ishte kompleksi i këtij sekseri për shkollimin. Në pamundësi për të justifikuar punën e një eksperti të nivelit të lartë që paguhet 7 milion euro për informacione që janë thuajse publike, ai përsëri e gjen shpjegimin tek Parlamenti shqiptar, i cili sipas tij ka po ashtu “shumë njerëz të pashkolluar”.

Pra njësoj si Shkëlzeni edhe sekseri Kalaj, mbrohet duke akuzuar Parlamentin dhe jo duke dhënë shpjegime për atë që ka bërë. Kur ti i thua “hajdut”, ai të thotë “hajdutë janë socialistët” në Kuvend, kur ti i thua i pashkolluar, ai ta kthen “të pashkolluar janë socialistët” në Kuvend.

Ky tekst tradhëton në të vërtetë gjithë atë që ai përpiqet të fshehë, raportin prej pengu që ka me Berishët në këtë histori.

Duke qenë një tekst që nuk është i shkruar prej tij, por prej atyre që e kanë vënë në “karantinë” për të mos folur, ai është njëherazi një dëshmi se si Kalaj dhe Shkëlzen Berisha janë aq shumë afër njëri tjetrit në këtë histori, sa duhet të mendojnë njësoj, të mbrohen njësoj dhe të refuzojnë njësoj të dëshmojnë para drejtësisë. Do të mjaftonte dhe vetëm ky postim, pa faktet e tjera të pakundërshtueshme që provojnë lidhjet e Kalajt me Berishën, për t’u marrë i mirëqënë si sekser i këtij privatizimi skandaloz.

Por nga ana tjetër Nue Kalaj është dhe shtetas i Shqipërisë, dhe ka detyrimin për t’iu nënshtruar ligjeve të shtetit shqiptar në këtë proces hetimi. Përpara Komisionit Parlamentar, ai nuk mund të dëshmojë me avokat. Me avokat mund të përfaqësohet në prokurori kur ti nisin procesin penal. Tërheqja e 7 milion eurove, dhe nxjerrja e tyre jashtë kufijve pa deklaruar, është objekt i një vepre penale, për të cilën biznesmenë të tjerë në Shqipëri, janë marrë të pandehur. Mjafton të kujtojmë se Prokurria ka ngritur akuza penale ndaj Rezart Taçit, jo për privatizimin e ARMO, apo privatizimin e dështuar dhe të papaguar të Albpetrolit, por për faktin se ka tërhequr 5 milionë euro në “cash” nga banka dhe nuk dihet ku i ka çuar.

Kalaj nuk mund të bëjë përjashtim nga ky precedent. Komisioni duhet të rekomandojë prokurorisë ndjekjen penale të tij, dhe ai pastaj le të mbrohet me avokat dhe me tekste të shkruar nga Berishët. Vetëm të bëjë kujdes, se Berishët të lënë në baltë në “trimërinë” e tyre. Pasi bëjnë sikur nuk duan t’ia dinë për drejtësinë herën e parë, pastaj ulin kokën dhe shkojnë betohen. Dhe do ti duhet të paguajë për herë të dytë për ta. Ndoshta duke bërë dhe burgun e tyre.

Sheshet e Rumanisë, po i mbush Donald Lu ne Tiranë

18:56 Editorial

Siguria kombëtare dhe pasiguria politike

21:05 Editorial

Shteti shqiptar duhet të zgjedhë mes SHBA dhe kryeprokurorit

18:52 Editorial

Shkëlzeni ka filluar e mendon si i pandehur!

20:12 Editorial

Për gjithë të “zhgënjyerit” nga LSI!

19:53 Editorial

Braktisja e akuzave të Ylli Manjanit

19:25 Editorial

Përse Tirana është e ndarë, përballë shqiptarëve të bashkuar në Maqedoni?

19:27 Editorial

LSI dhe defaktorizimi i opozitës

19:18 Editorial

Lista e “hakmarrjes” ndaj reformës

20:13 Editorial

“Lufta” e Sali Berishës për fundin e tij!

20:19 Editorial