Zbulohet origjina etnike e zjarreve në Jug

Zjarret që kanë pushtuar jugun duket se kanë origjinën tek konfliktet etnike.

Tensioni i lartë shqiptaro- grek, duket se ka përcjellë shkëndijat në kullotat e Dropullit dhe ka shkaktuar zjarret e mëdha në jug.

Për këtë, Policia e Shtetit po heton me hollësi dhe do të përgatisë një raport para dorëheqjes së ministrit teknik.

Nga konstatimet e para, vërehet se deklaratat e Dules janë të mbështetura me prova.

E para, zona e Finiqit dhe Dropullit është e rrethuar nga kullota, pa pyje të larta, të cilave mund t’u vësh zjarrin lehtë.

Qeveria shqiptare e ka bërë qëllimisht këtë gjë, pasi ajo nuk ka mbjellë pyje të lartë në këto zona.

Duke stimuluar kullotat pa bimësi, vetëm me sherebel dhe shkurre të vogla, qeveria shqiptare ka qenë largpamëse në planin e saj ogurzi për t’i vënë zjarrin këtyre territoreve.

Së dyti, faqja e malit mbi Dropull përshkruhet vetëm nga një rrugë dhe zjarret ndizen ose mbi rrugë, ose nën rrugë.

Asnjë zjarr nuk është ndezur fjala vjen në rrugë, ku mund të shuhej lehtë.

Kjo tregon se qeveria shqiptare e ka bërë qëllimisht këtë gjë, me qëllim që zjarret të mos shuhen.

Së treti, faqja e malit mbi Dropull ka shumë shkëmbinj gëlqerore dhe ndezja e zjarreve të forta mund të bëjë që të prodhohet gëlqere falas, të cilën qeveria e merr e shet për qëllime korruptive.

Kjo bëhet për të persekutar minoritetin grek në Dropull, i cili po falimenton ngaqë zjarret po prodhojnë gëlqere falas.

Së katërti, lumi i Bistricës, i cili kalon mes për mes Vurgut, u është shitur turqve dhe ata nuk të lejojnë të marrësh ujë për të shuar zjarret që kanë rënë në kullotat e fshatarëve grek.

Kjo është bërë qëllimisht, që minoriteti, siç thotë Dulja, të jenë i përvëluar buzë ujit.

E pesta, energia elektrike në zonë sa herë shpërthen zjarri, ikën.

Kjo është shumë e çuditshme.

Sapo zjarri i afrohet një shtylle tensioni, fare papritur bie linja dhe nuk ka më energji elektrike.

Kjo është kundër ligjeve të elektricitetit dhe është një ndërhyrje e qeverisë shqiptare kundër pakicës greke.

E fundit, që ka dhe shumë rëndësi, helikopterët dhe avionët që vijnë nga Greqia, shpesh herë janë keqorientuar dhe në vend të fikin zjarret që bien tek pakicat greke, kanë shkuar kanë fikur zjarre që kanë rënë në fshatra që nuk janë të pakicës greke.

Kjo bëhet me qëllim që të keqpëdoret ndihma e shtetit am të Greqisë për pakicën greke.

Kjo mund të shlyhet vetëm nëse në ato fshatra ku kanë fikur zjarre gabimisht, të shpallen pjesë e pakicës greke.

Si pasojë e zjarreve, shumë nga frutat janë tharë vetëvetiu, duke dëmtuar biznesin e frutave të thata, por për këtë do të paraqes një raport të hollësishëm biznesmeni Nerënxllari.

Ky raport do t’i bashkangjitet raportit për prishjen e garazhit në Himarë dhe do të trajtohet me një rezolutë të posaçme nga OKB.

Policia jep sqarime për gurin tek “Kalaja” në Vlorë

18:29 Antena

Çfarë dimë për tërmetin dhe… Paradokse gushti

20:42 Antena

Qendra Botërore e Sizmiologjisë falenderon qeverinë shqiptare

19:33 Antena

Zbulohet sekreti si Enver Hoxhaj ka bindur Fevzon të bëhet “Konsull Nderi”

19:01 Antena

Kunati u përgjigjet opozitarëve për zhdukjen e Lulit

18:20 Antena

Kryeministri merr mesazhe urimi nga Australia, Turqia dhe …

20:51 Antena

Kunati në kërkim të zjarrvënësve si “opozitë e vërtetë”

21:00 Antena

Kunati i del në krah tenorit: Shqiptarët nuk të kuptojnë ty dhe Republikën e re

18:59 Antena

Kunati po analizon kontributet që mund të jap Jari në PD

20:14 Antena

Qeveria nxjerr VKM për detyrimet që kanë zjarrvënësit e pyjeve

19:06 Antena