Te fundit
Kunati shpreh solidaritetin për “jevgjit” që ofendoi zëvendëskryeministrja
28 Gusht 2017, 20:58Antena
TEMA
Kunati vendosi dje të bënte një hap para në sulmin ndaj zëvendëskryeministres së re të Edi Ramës. Dikush u kujtua që ajo kishte bërë gafë ditën e zgjedhjeve, duke i përshkruar si jevgj, pjestarët e komunitetit rom në Shkodër, dhe ky ishte një rast i mirë për Kunatin të bëhej solidar me ta.
Dilema e parë që pati ishte se si t’u drejtohej.
-Mirë që kjo ka bërë gafë,- tha Kunati,- por unë si t’u drejtohem, se ne jevgj i themi me njëri tjetrin.
-Jo,- tha Grigja. Unë me sa di janë dy kategori, komunitet rom dhe komuniteti egjyptian.
-E si thirret komuniteti rom, -pyeti Kunati. Dmth si t’u them “Të nderuar romanë, apo të nderuar romë?
-Mendoj se duhet t’u thuash të nderuar “romë”,- tha Grigja. Por duhet pyetur çfarë përbërje ka ajo lagje, romë apo egjyptian.
Atëhere vendosën të pyesin Voltanën në Shkodër.
-Ajo lagjia me jevgj në Shkodër, a janë romë a janë egjyptanë,- e pyeti Kunati.
-Ca di unë mor burrë ne jevgj i thona, – tha Voltana.
-Po po e di, por në televizor si u thua.
-Se di se s’kam shku ala ndonjëherë tek ajo lagje, por ca di unë i them si të duash ti.
-Jo më duhet ta di si i quajnë shkodranët?
-Po varet mor burrë, disa i thonë xax, disa jevgj, disa maxhup, ça di unë.
-Po romë ose egjyptian,- i thotë njeri?
-Jo mor burrë se nuk janë prej Romet këta. As prej Egjypti nuk janë. Këta janë denbabaden shkodranë.
-Po e di, por du me ditë origjinën se disa janë romë e disa egjyptian. Se du t’u bëj një letër.
-Ca letre me u ba mor, ata s’dinë me lexu se nuk shkojnë në shkolla.
-Po mirë du me u fol në emër të PD që t’u them se i ka fyer ajo zëvendëskryeministrja.
-Po ku e kanë pa ata mor burrë, s’kanë televizor.
-Po duhet të bëjmë diçka që t’i kemi me vete në zgjedhjet e tjera.
-Po mirë më sillni do thasë miell dhe ca fonde t’u bëjmë ca shtëpi e ua marrim do vota.
-Po me u thënë që numri 2 i qeverisë, u ka fyer se u ka quajtur jevgj, ndërsa ju jeni romë…
-Mos mar burrë se do t’i hutosh, e do thonë boll mira na paska fol, siç na flet tanë Shkodra.
-Po si t’ia bëjmë se na duhet patjetër një reagim,- i tha Kunati. Duhet ta lidhim diçka me këta komunistët që i kanë keqtrajtuar në çdo kohë jevgjit.
-Ca po di unë, por më kujtohet që ka pas qenë një këngë në kohë të komunzimit që e knonin këta jevgjit tek lagjia.
“Rroftë partia, rroftë Enveri
se Mehmeti desh na theri”. I ka pas zët shumë ai Mehmet Shehu.
-Po si mund ta modifikojmë këtë,- tha Kunati, se qenka e bukur.
-Po ja mundemi me thanë,
“Nuk na tremb Senada,
nuk na tremb Edvini,
ne nuk jemi jevgj,
jem si Lulzimi.”
6 komente në “Kunati shpreh solidaritetin për “jevgjit” që ofendoi zëvendëskryeministrja”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
oh sa kam qeshur ! i madh je MERO BAZE !
Mero, ne Shkoder jevgjve i thone magjype.
Flm.
komenti im i fundit ka qene 3 muaj me pare, ku doli i perseritur!? Eshte mire per ju mos jeni kaq mashtrues.
Nuk me mbetet te them Ju dhjefsha gazetarine…
Magjyp quhen ne Shkoder.
Ndaloje komentin e pare. U nxeva se me thoshte kot koment i perseritur.