Te fundit
Nerënxllari provon se krimbat në frutat e thata vijnë nga toka e Kishës në Potam. Premton bakshish për AKU
23 Gusht 2017, 20:06Antena
TEMA
Sot gjithë ditën në zyrat e AKU, që merret me garantimin e ushqimit në Shqipëri, kishte një debat mbi krimbat e gjetura në qeset me fruta të thata të Nerënxllarit.
Inspektorët thoshin që “nuk veprojmë dot, se jemi çamë dhe ai na akuzon në emër të Greqisë sikur i kemi shpikur ne krimbat”.
Të tjerët që ishin socialistë, po ashtu u tërhoqën, se thanë “ai akuzon Edi Ramën se më ka fut krimbat në qese”.
Situatën e zgjidhi një inspektor, i cili tha se duhet pyetur Nerënxllari, ku i gjen lajthitë që shet.
Hapën deklaratat e origjinës dhe doli se ai deklaron që i ka mbjellë lajthitë në tokën e Shën Pandos në Potam.
Atëhere një grup inspektorësh u nisën të zbulojnë përbërjen e tokës në Potam.
Shkuan në gjykatë, pyetën e kujt është toka?
“Po ka qenë tokë e Kishës që ja patë marrë njëri në atë kohë të largët të vitit 1923 dhe akoma nuk ja ka paguar Kishës. Kështu që është tokë e mallkuar dhe prodhon krimba”.
Inspektorët u lehtësuan.
-Kjo është arsyeja, thanë. Nuk paska faj Nerënxllari, por ai i vjetri që si ka paguar lekët Kishës.
Shkuan tek zyra e Nerënxllarit.
Ai ishte mbyllur në zyrë, kishte fikur dritën, kishte vënë syrin në mikroskop dhe po studionte tokën me krimba.
-Ma ka bërë Edi Rama, ma ka bërë Edi Rama, bërtiste me vete.
Pastaj, pasi vazhdoi të shihte dheun pluhur në mikroskop, e tërhoqi një grimcë e bardhë.
E kuptoi që ishte masë e vogël skeleti.
U tmerrua nga frika dhe ngeli në karrige.
Mendoi shumë gjëra në vetëm një moment dhe duket se gjërat i përputheshin me tokën që mbolli lajthitë.
Gjyqe andej e gjyqe këtej.
Si mos të mjaftonin gazetat, OSSHE, AKU, Doganat, Tatimet, tani na doli edhe fatura e gjyqit me Kishën pa paguar.
Pastaj u kujtua se ajo tokë kishte qenë varrezë.
U turbullua përsëri, se nuk po dinte si ta lidhte me Edi Ramën këtë punë.
Ndërkohë, trokasin në derë inspektorët e AKU.
Nerënxllari u skuq i tëri në fytyrë.
-Edhe këtu më gjetët, tha? Doni të më dënoni për krimbat që më ka fut Edi Rama në frutat e thata?
-Jo, i thanë ata, qetësohu. Nga deklaratat e tua kemi zbuluar se ti i merr lajthitë tek kjo toka në Potam, kjo ka qenë Kishë, pastaj dikush i ka vjedh tokën Kishës, pastaj ka qenë varrezë dhe është tokë e mallkuar dhe zënë krimba gjithë pemët që mbillen aty….
Nerënxllari u qetësua.
U kujtua që lajthitë i merr në magazinat e skaduara të Stambollit, por tani i duhej të pranonte që i merrte nga Potami.
Më keq akoma, tani, ose do pranonte që kishte vjedh tokën e Kishës, ose do paguante për krimbat.
Ishte dilemë e madhe.
-Dëgjo, tha, keni të drejtë që ajo ka qenë tokë e Kishës, por problemi është se unë me Kishën jam në gjyq, nuk e hedh dot prapë.
Atëhere të hedh këta gazetarët që kanë gjetur krimbat, se kështu më bie më mirë. Dhe po fituam, ndajmë ndonjë lekë.
Inspektorët u çelën në fytyrë.
-Ne erdhëm të të ndihmojmë, i thanë, se ne kemi bërë analizat e krimbave dhe nuk janë të dëmshëm.
Njerëzit që i kanë ngrënë, janë të sigurtë që nuk sëmuren. Po deshe, na jep ndonjë lekë dhe mund të bëjmë dhe deklaratë që krimbat në qeset e frutave të thata, janë po aq të shëndetshme sa frutat, se nuk kanë kolesterol.
-Po mire, tha Nerënxllari. Po u jap ca qese frutash si fillim e më pas flasim. Pasi të fitoj gjyqet me këta gazetarët, do t’u jap lekë nga gjyqet.
3 komente në “Nerënxllari provon se krimbat në frutat e thata vijnë nga toka e Kishës në Potam. Premton bakshish për AKU”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne nje shtet anormal si Shqiperia artikuj te tille idiote shihen si kryevepra te gazetarise,te humorit,te patriotizmit dhe te izmave te tjera.Kjo eshte kenga e zhabes ne mocal. Krimba mund te gjenden kudo,ne cdo lloj frute e ushqimi te fresket ose te konservuar ,te njome ose te thate .Por idiotizmi I artikullit anormal ,pa emer te anormalit qe e ka shkruar ,duke ndryshuar edhe mbiemrin e biznesmenit ,duke future ne gojen e inspektoreve te koruptuar te mocalit shteteror emrin e Greqise dhe si qershine mbi torte emrin e kryeministrit shqiptar ,pra ky idioto-artikull eshte konkretizimi me I mire ie thenies se Konices :”Ne Shqiperi leu nje zanat I cuditshem,me I poshter se ai I hyzmeqareve te pendes:zanati I larove te pendes .” Me te tilla shprehje patriotizmi ceshtja eshte e fituar .Ishallah !Marshallah! Ju lutem botoni komentin tim!
Gazetar i manget. Artikull i pabotushem; ka koncepte mesjetare.
Si ore, ky “voriopordhikali” nerënxa-i bek xhiro atij myslimanit ne Stamboll? Ç`ben dulja i vockel, pse nuk merr masa?