Te fundit
Kunati fillon operacionin për të shpëtuar djalin e dajës, nga dosja Habili
18 Tetor 2017, 19:35Antena
TEMA
Pas publikimit të përgjimeve, ku fisi Habilaj me fisin Alimuçaj nga Vërmiku i Vlorës, janë të përfshirë në trafikun e drogës, Kunati filloi të retushojë përgjimet nëpër portale.
Të gjitha fjalitë e cituara filluan ta fshehin personin me të cilin fliste në telefon Habilaj dhe që i tregonte pazaret e drogës.
Në anën tjetër të telefonit, ose në përgjimet në makinë, është Maringlen Alimuçaj.
Këtu Kunati pati një tronditje.
Siç dihet, mamaja e Kunatit është nga fisi Alimuçaj dhe e ka dajë Vebiun.
Ndaj nxitoi të pyesë mamanë.
-Kemi ndonj kushëri në Vermik me emrin Maringlen ne?
-Ua kemi, si s’kemi të keqen, i tha mamaja.
Maringlenit ja vumë emrin si fis kur lindi, që të përfaqësonte të katër kollosët e marksizmit, Marks-Engels-Lenin-Stalin.
Po nuk u bë i mbarë për shkollë.
Harram ka qenë që i vogël.
Tani nuk e di nga bëhet, po me tregti merret.
-E kuptova, tha Kunati dhe uli zërin.
-Pse, i ka ndodhur gjë, tha mamaja?
-Jo, jo, tha Kunati. Desha të di çfarë i ka këta Habilaj.
-Po krushq të keqen i kemi pas. Kemi dhënë e kemi marrë. Krushq i kemi ne si Alumuçaj.
Kunati u turbullua.
Shkoi në zyrë tek Luli, dhe gjen gjithë krerët e partive.
E thirri pak Lulin mënjanë.
Dëgjo, i tha. Atyre Habilajve bjeru, por jo me emra konkretë, kurse atë që flet me Habilaj mos e përmend me emër, sidomos me mbiemër.
-Po pse ça ka, i tha Luli?
-E kemi kushëri nga dajat. Nuk është mire, se na zënë derën e shtëpisë tek mamaja.
Është ai djali që na ndihmoi kur nisëm pallatin në Vlorë, që tha, ua marr unë përsipër rrethimin dhe rojet.
-E kuptova, tha Luli. Lidhu pak me këta të shtypit t’ia heqin emrin nga portalet.
Të përqëndrohemi vetëm tek Habilajt.
-Po, tha Kunati, por dhe ata vetëm mbi mbiemer.
Me emër mos i përmend, se i ka kushërinj ky kushëriri jonë.
-E kuptova, tha Luli, dhe u kthye prapë në tryezën opozitare.
-Unë them sot të dalim në rrugë e mos të kthehemi më pa rrëzuar Edi Ramën, tha Monika.
-Me qetësi, tha Luli. Nuk kemi punë me emra trafikantësh.
As Habilaj, as Alimuçaj, askush. Kemi punë vetëm me Edi Ramën.
Duhet t’i kërkojmë atij dorëheqjen.
Po nuk e dha, pastaj ka punë me mua.
-Po ky ç’pati, tha Tit Vasili. Ky qe mirë pa ardh Kunati.
-Jam i vendosur dhe i prerë, tha Luli.
Ju lutem mos zini më në gojë emra trafikantësh.
S’kemi punë me ta. Vetëm me Edi Ramën.
Hajt ta firmosim deklaratën.
2 komente në “Kunati fillon operacionin për të shpëtuar djalin e dajës, nga dosja Habili”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
e forte shume kjo, Mero !
Lul b.
Shaka e hidhur kjo antene!
Fol me Relen se kunati eshte trap. Ajo e di qe Alimucajt jane kushuri te 9 te sajmirit! He miku luaj bythen se me leket vehbiut u bere mbare ne Holland, pastaj nuk te dhame 11000 vota kot nga 400 ne vlore per krietar! Per kete dite…!