Te fundit
Reportazh nga spitali i Bulqizës me fëmijët e helmuar
17 Nëntor 2017, 18:22Antena
TEMA
Rreth 60 nënxënës nga një fshat i Bulqizës u asfiksuan nga provat që po bënte kaldaja me pelet e shkollës.
Njeriu që kishte fituar tenderin për ngrohje të shkollës, kishte ulur pak çmimin dhe kishte sajuar një pajisje që nuk funksiononte.
Pas incidentit, nxënësit u shtruan në spitalin e Bulqizës.
Kunati dërgoi në spital një të dërguar të shikonte nga afër situatën.
Ja si e përshkruan ai.
Prindi-Doktorit: Aman doktor, si është fëmija?
Doktori-Prindit: Mirë është, kemi folur dhe më ministren në Tiranë, jemi në kontakt. Mirë do bëhet.
Na ka thënë më lajmëroni për çdo gjë.
Po ndodhi ndonjë gjë e keqe, do ta njoftojmë të parën.
Prindi-Doktorit: Po më duket pak i verdhë doktor, nuk po flet?
Doktori – Prindit: Mirë është. Ndoshta e ka ngaqë po flet Lulzim Basha në Tiranë.
Po shpreh keqardhjen për këtë që ka ndodhur dhe ndoshta fëmijës i vjen zor, që e ka vënë në siklet dhe e ka shqetësuar.
Ka lënë gjithë punët e opozitës dhe po merret me ne.
Prindi-Doktorit: Shikoje doktor se po i vjen për të vjellë…
Doktori- Prindit: Besoj do t’i kalojë zonjë.
Ndoshta e ka ngaqë po flet Monika dhe po akuzon për korrupsion në tendera këta të Bashkisë së Bulqizës, që kanë bërë tenderin e ngrohjes së shkollës.
Biles ka kërkuar falje që këtë Bashki e ka LSI. Me siguri do kalojë. Mos u mërzit.
Prindi-Doktorit: Po si i bëhet doktor, se kjo nuk po reagon? A ka shpresë?
Doktori- Prindit: Po si nuk ka shpresë moj zonjë! Ja se po flet Petrit Vasili, patjetër që ka shpresë. Besoj do përmirësohet.
Prindi-Doktorit: Doktor, po ju ku e dini si do të bëhet, se ju nuk po shikoni fare fëmijën, po mbani sytë nga muri!
-Doktori- Prindit: Po kam televizionin aty, po shikoj reagimet nga Tirana për këtë që ka ndodhur.
Duket që gjithë Shqipëria i ka sytë e mendjen këtu
Prindi-Doktorit: Po shikoni fëmijën Doktor, se po më ikën fëmija!
Doktori- Prindit: Dakord moj zonjë, do ta shikoj dhe fëmijën, po të shikoj një herë ca po thonë për ne këta që janë në Tiranë, se mu më ikën vendi i punës.
Se pastaj këtë punën e helmimit këtu jemi, e rregullojmë.
1 komente në “Reportazh nga spitali i Bulqizës me fëmijët e helmuar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
undefined