Te fundit
Kunati gjën slloganin për datën 27: “Me pallatin fitojnë të gjithë”!
13 Janar 2018, 20:53Antena
TEMA
Meqë është bërë shumë rrëmujë sasia e parave që kanë fituar nga gjyqi i pallatit në Vlorë, Kunati vendosi të diskutojë me Lulin se si duhet ta menaxhojnë këtë situatë.
-Paratë kanë ngjallur shumë xhelozi, filloi Kunati bisedën.
-Po, e shikoj, tha Luli.
Nuk di çfarë të them, por xhelozia është ves njerëzor. Nuk e shmangim dot.
Gjithë jetën më ka shoqëruar xhelozia e njerëzve pse kam para.
-Puna është se na mërziten militantët, tha Kunati.
Ata thonë, këta marrin miliona, ne shkojmë pa bukë në mitingje.
-Po mire, ta bëjmë me lekë këtë radhë, tha Luli.
-Nuk e bëjmë dot, se është dhe LSI. Na marrin gjithë lekët ata.
Maskohen si demokratë, dhe ne nuk njohim mirë akoma këta tanët. Ata që i njihnin, kanë ikur.
-Po çfarë të bëjmë?
-Duhet të shikojmë t’u japim ndonjë lek këtyre portaleve tona, tha Kunati. Ata mund ta amortizojnë çështjen.
-Puna është se dhe ata janë bërë xheloz. E pe se çfarë shkruante Zheji?
-S’ke çfarë bën. Janë shumë para, nuk e duron dot njeri.
Duhet t’u ndajmë ndonjë lek. Pas Zhejit, mund t’ia nisin të gjithë.
-Ata të “Syrit” nuk janë ndjerë, se fola me Zenin. Tha “e dinë ata si është puna”, nuk shkruajnë gjë.
-Kam frikë se do na i nxisë dhe LSI këta të vetët, për të na ulur pikë.
-Me lekë nuk ja dalim dot, tha Luli. Duhet gjetur ndonjë gjë tjetër.
-Kam një ide, tha Kunati. Të hapim fjalë që ai gjyqi është kot, se Edi Rama nuk na i jep lekët.
Por, po qe se i marrim, ne do t’ia ndajmë partisë dhe portaleve tona.
Prandaj ta përdorim si nxitje që të fitojmë zgjedhjet, që të marrim lekët e t’i ndajmë.
-Kjo është ide e mirë, tha Luli. Kështu kemi dhe çfarë premtojmë në fushatë.
“Votoni nëse doni t’i ndajmë lekët e pallatit”: Sllogan fantastik. E gjete.
Shumë mirë, kështu do bëjmë.
Dhe më 27 janar, vëmë një parrullë për paratë e pallatit: “Me pallatin fitojnë të gjithë”!
Vetëm kështu mund ta kthejmë në favor.
Lini një Përgjigje
Më të lexuarat
24 oret e fundit
Javen e fundit
Blog Tema
