Te fundit
Jari akuzon Ramën se ka vjedhur "befasinë" nga arti ushtarak popullor
28 Dhjetor 2018, 18:55Antena
TEMA
Shpallja e ndryshimeve të qeverisë në mbledhjen e Asamblesë Kombëtare të Partisë Socialiste, e kapi në befasi Jarin.
Ishte fiks orari që pinte çajin e mëngjesit dhe i hidhte një sy portaleve.
Për pak desh thirri “fitore”, por u kujtua se këto janë punë të thella dhe nuk kishte pse nxitohej.
Pasi u hodhi një sy ndryshimeve dhe reagimeve rreth tyre, Jari bëri këtë analizë:
“Të dashur demokratë,
Jari ju sqaron!
Ndryshimet e Edi Ramës janë një thikë pas shpine ndaj shoqërisë, pasi ka kapur në befasi opozitën dhe qeverinë.
E para, shikohet tek reagimi i Doktorit.
Doktorit shan më shumë ministrat që ikën, se këta që vijnë.
Kjo tregon se Rama ka zgjedhur njerëz që nuk njihen për të na hutuar, dhe këtë e bën qëllimisht që t’i japë kohë vetes.
E dyta, ka gjetur në befasi Lulin.
Ai ka prerë biletat për në Holandë, ka pronotuar natën e Vitit të Ri, ka marrë masa ku do ta kalojë më 31 dhjetor, kurse ky kërkon t’i prish festën.
E treta, ka gjetur në befasi socialistët, të cilët i prisnin ndryshimet pas Vitit të Ri.
Kjo gjë ka sjellë konfuzion brenda tyre, pasi nuk u dinë adresën ministrave të rinj, ku të çojnë pakot e Vitit të Ri.
E katërta, ka mërzitur oligarkët.
Si mund të shkojnë ata tani në godinën e Kryeministrisë e t’u dalë para Erion Braçja!
Si do ulen ata me Anilën, Belindën etj, për të qarë hallet.
Këto nuk janë punë për gra.
Elementi i befasisë është element themelor në artin ushtarak popullor, dhe Edi Rama po e përdor për të shpëtuar lëkurën e vet.
Këtë gjë e bëri dje dhe me sulmin e pacip ndaj shkollimit të Lulit.
Sipas dokumenteve, Luli e ka filluar shkollën më 1993 dhe e ka mbaruar më 2005.
Interesante është se Rama këtë e quan dështim, ndërkohë që ai është sukses.
Ku ta gjesh një kuadro të përgatitur, që bën studimet për 12 vjet pa ndërprerje.
Deri tani këtë rekord e ka pas Mul Noka me 11 vjet, por Luli ja kaloi në 12 vjet.
Kjo është meritë e tij, si lider.
Edi Rama quan të shkolluar ata që bëjnë shkollën për pesë vjet, që nuk mësojnë dot asgjë.
Kur bën shkollë 12 vjet mëson dhe nga shkolla e jetës, dhe nga gabimet e të tjerëve.
Me 5 vjet nuk ke kohë të mësosh asgjë.
Ndaj nuk duhet të demoralizohemi për këtë, por të jemi krenarë.
Studentët që protestojnë duhet të ndjekin shembullin e Lulit.
Kur Luli gjeti para për të qëndruar 12 vjet në Holandë, pse të mos gjejnë dhe studentët tanë.”
Lini një Përgjigje
Më të lexuarat
24 oret e fundit
Javen e fundit
Blog Tema
