Te fundit
Xhelal Mziu revoltohet me dibranët për votën: Do ju mallkojnë fëmijët për 5 mijë lekëshin që keni marrë!
29 Prill 2021, 10:31Politika
TEMA
Kandidati i PD në Dibër, Xhelal Mziu, iu është drejtuar me një mesazh falënderues qytetarëve, të cilët e votuan në zgjedhjet e 25 prillit.
Teksa thekson se “Mendja Dibrane triumfoi dhe shkërmoqi bandën e Rilindjes…!”, Mziu akuzon mazhorancën për blerje votash, teksa thekson se “u përdorën para të pista pafund dhe segmente të caktuara të Policisë së Shtetit”.
Mes të tjerash, Mziu befason sërish në mesazhin e tij, teksa iu drejtohet atyre që nuk kanë votuar opozitën, duke iu thënë se do i mallkojnë fëmijët e tyre, që u shitën për 5 mijë lekë.
Mesazhi i Mziut:
Të dashur vëllezër Dibranë!
Mora t’ju shkruaj dy fjalë zemre, sot, jo se nuk kisha mundësi ta bëja që ditën e parë, por në rrespekt të ç’do kolegu kandidat për deputet, të çdo votuesi.
Në fillim dua të falenderoj të gjithë Dibranët, Matjanët dhe Bulqizakët që dolën në një masë të madhe në votime për të zgjedhur “Ndryshimin”, dhe ne si Qark ishim në anën e ndryshimit.
Dua të falenderoj përzemërsisht strukturat e Partisë Demokratike, koordinatorët, dhe gjithë demokratët, të cilët u angazhuan me mish e me shpirt për të sjellë ndryshimin e shumëpritur prej 8 vitesh.
Dua të falenderoj të gjithë strukturat mbështetëse, të gjithë votuesit që i besuan një programi më i miri i hartuar ndonjëherë nga Partia Demokratike, dhe Lulzim Basha, na besuan neve duke na votuar dhe duke e kthyer Partinë Demokratike në forcë fituese në Qarkun e Dibrës.
Dua të falenderoj të gjithë ato demokratë, qëndrestarë që për 3 muaj rresht ,por edhe në 8 vjet opozitë, na kanë mbështetur, kanë lënë hallet e tyre familjare mënjanë, kanë lënë fëmijët dhe janë vënë në mbrojtjen e votës duke u përballur me më të “këqinjtë” të vënë në shërbim të partisë shtet.
Një falenderim i sinqertë për të gjithë ato intelektualë që na u bashkuan, për të gjithë ato Dibranë që erdhën nga Tirana e Durrësi dhe u bënë pjesë e fushatës sonë, deri ditën e zgjedhjeve.
Bashkimi ynë, unifikimi dhe fushata model dhe qytetare i tmerroi kundërshtarët, që alternativë kishin vetëm blerjen me para krimi.
Mendja Dibrane triumfoi dhe shkërmoqi bandën e Rilindjes…!
Megjithëse nuk u gëzuan si ne edhe në shkallë kombëtare, ne u treguam Shqiptarëve, ndërkombëtarëve, mediave të shitura se në Shqipëri, një “skizofren” autokrat ka shkatërruar përfundimisht institucionin e zgjedhjeve të lira.
Nuk është koha për të treguar se ç’farë bëmë keq në shkallë kombëtare, apo si mund të ishim mbrojtur nga blerja masive e votës, sepse kjo tashmë s’ka vlerë, por ajo që është e rëndësishme, ne, u treguam me zë dhe me figurë se për të mbajtur pushtetin u përdor e gjithë makineria shtetërore.
U përdor administrata duke i shantazhuar ato, u përdorën të punësuarit fiktivë, u përdorën punëdhënësit, u përdorën mësuesit, mjekët dhe infermjerët.
U përdorën para të pista pafund, të shpërndara nga punonjësit e postës në zarfat e pensioneve, u përdorën administratorët të cilët çuditërisht çonin nëpër shtëpi edhe në orë të vona të natës zarfat me para, gjoja të ndihmës ekonomike.U përdorën segmente të caktuara të policisë së shtetit, “ushtarë të krimit të organizuar, të përdorur edhe në 2016 në parcelat e hashashit, apo 2017 në vjedhjen e votave”, dhe të gjitha këto i kemi referuar në organet kompetente.
U përdorën bandat e krimit të organizuar njësoj si në zgjedhjet e kaluara, por që për këto krime elektorale besoj se do të ketë një dosje, një dosje që shpresoj të mos ketë fatin e “dosjes 184” që të zhduket dhe aktorët të rikandidojnë përsëri për deputet.
U lejuan qindra ndërtime pa leje duke u nisur nga nga qyteti i Peshkopisë, ku është zënë çdo hapësirë, ndërtime pa leje në gjithë Maqellarën,në Gjoricë, Shupenzë e Bulqizë, në këmbim dhe për të deformuar votën e qytetarëve.
U zhvilluan tendera dhe PPP për të tjetërsuar votën me paratë e tyre.
Përballë të gjitha këtyre qëndruam ne, demokratët, dhe fituam kundër kësaj makinerie kriminale.
Fituam si Qark.
Fituam dhe i kthyem Dibrës nderin, duke i shtuar Partisë Demokratike edhe një mandat.
U bëmë tre!
Një falenderim edhe për ato njerëz të pa interesuar që këtë herë na mbështetën. Edhe për ato socialistë të ndershëm apo të zgënjyer që na kanë votuar, ato janë persekutuar nga Rilindja njësoj si ne.
Dua të falenderoj familjen time, nipërit dhe kushërinjtë, farefisin dhe miqtë e familjes, shokët me të cilët kam punuar për vite me rradhë në Kamëz. Ju faleminderit për mbështetjen. Ju lashë për në fund jo se jeni më të parëndësishëm, por se detyrimi juaj është më i madh për shkak të afërsisë së gjakut.
Kam edhe dy fjalë për ato Dibranë të ndershëm ose jo, që për shkak të varfërisë apo për problemet e tyre ia shitën shpirtin “shejtanit” shitën votën, shitën nderin, u shitën për 4 vjet me 5 mijë lekë…!
Vota juaj nuk bën 5 mijë lekë!
Ajo 5 mijë lekshe do ju dalë në ëndërr për 4 vjet, sa herë t’ju mbarojë thesi i miellit, sa herë tu duhet të shkoni në spital,sa herë të shkoni më dyqan, sa herë tu drejtoheni shkollave, universiteteve, zyrave të shtetit.
Ajo 5 mijë lekëshe do tu vrasë në shpirt sa herë të mos keni lekë për tu blerë librat e fëmijëve, apo kur tu dalin gishtat nga atletet e “gabit”.
Ajo 5 mijë lekëshe do të jetë mallkim, për ju, fëmijët tuaj do t’ju mallkojnë…!
Si vëllezërit e mi ju këshilloj mos u shisni kaq lirë, mos ia shisni fatin e fëmijëve bandave të krimit të organizuar, mos ia shisni nderin kësaj makinerie qeveritare të pandershme që të blen një ditë për 4 vjet.
Nderi i Dibranit nuk është aq i pavlefshëm…!
Sot është dita të bashkohemi sa më shumë, të mbështesim fort liderin e Partisë Demokratike z. Lulzim Basha , një lider me prirje Europiane, vizionar dhe i suksesshëm.
Beteja sapo ka filluar!
Ju falenderoj përzemërsisht!
11 komente në “Xhelal Mziu revoltohet me dibranët për votën: Do ju mallkojnë fëmijët për 5 mijë lekëshin që keni marrë!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po une qe kam marre 6000lek nga grupi tend ,a jam i mallkuar ? Une te votova, e kryva punen, a e meritoi 6000 lekshin.
Jo Daniel, ti je ne rregull se ke marr 6000 lek. Ai e ka per ata qe e kan ul veten te 5000 lekshi. Ti je i nderum. Pastaj prit dhe ca, se mbase i vene nje cope leter perpara dhe kerkon serisht ndjese dhe ska mallkime, ku i dihet?!!
Vetem nje pytje Kame ??? Cili nga këta të 2 në fotografi ështe Xhelal Mziu??? Se unë nuk e kuptoje
E thjeshte, mushka nuk ja hip gomarit, ndersa gomari ja hip mushkes. Keshtuqe mziu i bie te jete ai gomari lart?
Ju lutem, mos fyej te pervuajturin, punetorin Gomar! Xhelali eshte nje i marre. Kush e duron 4 vjet ne Kuvend!
DIBRANI I VERTETE
MORTJA qe si mer dibranet kur te kane besuar ty ti perfaqesosh ne Parlament MENDJA DIBRANE dhe TI keni aq afersi si Dielli me me ndonje Planet tjeter te pandricuar ne hapesire Nuk keni asnje pike takimi >Por kur ta kuptojne se çfare i kane bere vetes do te jete shume vone.
Ahhh se desh harova per punen e shitjes se votes ;Vetem nje gomar si puna jote mund ta besoje se TI nuk BLERE vota me parate e tenderave qe ke bere kur ishe krytar bashkie ne Kamez KUr te te mbarojne ato leke do te shohim nese do te jesh serish ne lista apo JO . Mbaj ndonje leke menjeane se Luli nuk te fut ne liste po nuk i dorezove zarfin. C`fare them dhe une!!! Ju te gjithe qe jeni ne liste e dini me mire se ne sesa keni paguar Te fala gomarit se kali qe i ke hipur ofendohet po ta dije se ke mban mbi shpine…..
KKy (keta) ose bejne vete, gjoja sikur nuk kuptojne, ose kuptojne por jane psikikishtg rende, te gjithe. Asnje gabim nuk shohin te vetja. Cudi
MENDJA DIBRONE QE MORÌ MENDJEN E DAULLEXHIUT KRIMINEL.
PO VAZHDUAT KESHTU DO TJU BEHET MENDJA DAULLE E SHQYER.
KUSH KA VOTUAR PS KA VOTUAR PER RRUGEN QE PO BEHET
KUSH KA VOTUAR PD KA VOTUAR PER TE QENDRUAR MAJE GOMARI SI DAULLEXHIU
OR TAJ . PRANJ PRANJ!!!
Po ju të PD dhe Lis Nje thoni se vota kushtoje 5 mi lek Nje her thoni se kushtoje 200 evro ndani mendjen sa ishte??
O Xhelal po mu qe me ke dhone ti personalisht ne kalane dodes leke,miell,ushqime a me kap mallkimi? Jam tu ta kthy mrapsh mallikimin ne kalamojte e tu or Xhelal Mzati.
xhelo katrami , islamist qelbesire ne nje familje shqiptare nuk eshte zakon te mallkoj femija prindin, se shqiptari nuk e ka zakon kete ves te ndyre , mos ti qelbesire trecereksh e ke importuar andej nga ishe dhe mendon se do jua besh ves shqiptareve ? Ik xhelo kerrma ik pervers trecereksh , kepute qafen e mjaft me , se nje pergjigje me vote e moret nga shqiptaret, tjetra do jete peshtyme surratit , ose shkelma bitheve, o brekdhjer maloqerie .