Më në fund Muli ju përgjigj sot interesit të lartë të demokratëve, rreth darkës së Baku-së mes Metës dhe Doktorit:
“Të dashur demokratë!
Kam folur dje gjatë pas mesit të natës me Doktorin dhe ishte shumë i lumtur që çdo gjë në darkë kishte kaluar shumë mire.
Ajo nuk ishte si darka e ngjalave në Gji të Lalzit.
Ishte darkë me havjar dhe verë cilësore.
Gjatë darkës i sheshuan të gjitha problemet mes tyre dhe hodhën themelet e një bashkëpunimi të ri.
Gjatë darkës ka pasur takime dhe me personalitete të mëdha botërore.
Në një moment tek një tavolinë ishte afruar një zonjë e moshuar.
-Po kërkoj burrin, tha.
-Kë keni burrë, i tha Meta?
-Ish- presidentin, tha ajo.
Plasi e qeshura. Doktori u bë serioz.
-Nga jeni ju zonjë, ndërhyri Doktori?
-Nga Ukraina, tha ajo. Burri im ka qenë president.
Por unë mbaj mend që erdha vetëm.
Këtu më thanë ke ish- presidentin. Thashë mos ka ardh dhe ai.
-Unë jam Sali Berisha, i tha Doktori.
Kam qenë president i Shqipërisë.
-Ah, paskeni qenë koleg me burrin tim.
Unë jam zonja Yanukovych.
Burri im ka qenë president herët, në vitin 2004- 2009.
-Po zonjë, e di. Atëherë unë kam qenë kryeministër.
Por president kam qenë më herët.
-Ou, mos më thuaj që je që në kohën e presidentit Kuchman?
-Pak më herët zonjë. Kur u bë Kuchman president, unë kam qenë kryeministër.
-Ou, ju qenkeni që kur është bërë Ukraina në kohën e zotit Gorbaçov, kur u zgjodh Kravchuk.
-Po zonjë. Tani mu kujtua emri. Ku bëhet ai? Si është?
-Kanë vdekur të gjithë zotëri. Dhe burri im është i sëmurë rëndë, se e helmuan rusët.
Unë mbahem pak, po ja harroj e ngatërroj tavolinat.
-Gëzohem që u njohëm.
Prit të bëj një foto, se do ta botoj në Shqipëri,- tha Doktori.
Ky ishte një takim historik me zonjën e parë të revolucionit portokalli.
Pas kësaj darka vijoi me havjar dhe peshk nga Deti i Zi.
Kurrë më ngjala në takime të tilla”.
Lini një Përgjigje