Te fundit
Muli i gëzuar nga vizita e ambasadorit hungarez
7 Mars 2023, 20:35Antena
TEMA
Më në fund Doktori piu një kafe me një ambasador.
Në fakt ishte hera e dytë, se kishte pirë dhe një kafe vitin e kaluar.
Lelo kishte marë pjesë në fillim të takimit dhe i tregoi detajet Mulit.
-Në fillim të takimit Doktori i tregoi ambasadorit se qeveria shqiptare është shumë e izoluar, i tha Lelo.
Dhe i tha se dy javët e fundit kryeministrin e kanë pritur vetëm tre kryeministra, ai i Japonisë, kancelari Scholz dhe kryeministrja e Danimarkës.
-Ky është skandal. I thonë dy javë vetëm tre personalitete.
Është izolim total, për shkak të çështjes McGonigal dhe nga respekti që bota ka krijuar për protestën tonë.
-Po ambasadori çfarë i tha, pyeti Muli?
-Ai shikonte nga mua, tha Lelo, sikur donte shpëtim, por unë ja hoqa sytë.
-Po Doktori çfarë tha pastaj?
-Doktori më tha: Lelo, dil pak jashtë se tani kemi ca muhabete private.
U çova unë, dola në paradhomë.
-Po përse mund të kenë biseduar?
-Me aq sa kuptova, ai e siguroi Doktorin se çfarëdo që të ndodhë, ai dhe familja e tij duhet të ndjehen të sigurtë në Budapest.
Klubi politik anti Soros i Budapestit, ka krijuar tani një fond për azil politik për gjithë politikanët anti Soros që persekutohen në botë.
Dhe Doktori është një rast i tillë familjar.
-Çfarë thua? Si do iki Doktori me familje në Hungari?
-Jo, Doktori nuk ikën gjallë.
Po fëmijët ndoshta ikin dhe punojnë më mirë andej.
Transferohet dhe Çim Peka me Zeni.TV në Hungari, është më mirë.
-Po Ilir Metën?
-Me siguri i ka dhënë dhe atij pasaporta.
Por as ai nuk ikën. Thjesht t’i kenë që mos t’u thonë njerëzit nuk dilni dot jashtë.
-E kuptova, tha Muli, dhe dy pika loti i rrëshqitën ne faqe.
-Na e izoluan Shqipërinë këta maskarenj socialist, tha me vete.
Më të lexuarat
24 oret e fundit
Javen e fundit
Blog Tema
Lini një Përgjigje